Левит 7:30 - Коми Библия 2023

³⁰ Аслас киӧн сылы колӧ вайны Господьлы вись пыдди пемӧслысь госсӧ да морӧсвыв яйсӧ [да мус вывсьыс госа юкӧнсӧ]. Морӧсвыв яйсӧ мед ваяс Господь водзын пыркӧдан вись пыдди,

Левит 7:30 Referans Kwoze

Лыд 6:20

Ставсӧ тайӧс поп мед ваяс Господь водзын пыркӧдан вись пыдди. Тайӧ вежаторйыс вичмас поплы задвыв яйкӧд да пыркӧдӧмӧн вайӧм морӧсвыв яйкӧд. Та бӧрти назорейлы позьӧ юны вина.

Левит 3:14

Вись вайысь мед ваяс Господьлы кӧзалысь ты-мус вывсьыс пытшкӧс госсӧ,

Левит 3:9

Вись вайысь мед ваяс Господьлы ыжлысь став госсӧ: сюрсалы бердсьыс бӧждор госсӧ, ты-мус вывсьыс пытшкӧс госсӧ,

2 Коринфӧ 8:12

Мортыс кӧ сетӧ сьӧлӧмсяньыс, сылысь сетӧмторсӧ донъялӧны эмлуныс серти, а оз абутӧмлуныс серти.

Иоан 10:18

Менсьым олӧмӧс некод оз вермы мырддьыны, Ме Ачым сета сійӧс. Ме верма сетны сійӧс, и верма бӧр босьтны. Тадзи тшӧктіс вӧчны Менам Батьӧй».

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Левит 9:21

Морӧсвыв яйсӧ да веськыдладор задвыв яйсӧ Аарон вайис Господь водзын пыркӧдан вись пыдди, кыдзи тшӧктіс Мӧисей.

Левит 8:27

Ставсӧ тайӧс Мӧисей сетіс Ааронлы да сылӧн пияныслы кианыс, а найӧ вайисны ставсӧ Господь водзын пыркӧдан вись пыдди.

Левит 8:29

Мӧисей босьтіс межлысь морӧсвыв яйсӧ да вайис сійӧс Господь водзын пыркӧдан вись пыдди. Тайӧ вӧлі попӧ сувтӧдан вись пыдди вайӧм межысь Мӧисейлӧн пайыс. Тадзи Господь тшӧктіс Мӧисейлы.

Левит 10:14

Пыркӧдан вись пыдди вайӧм морӧсвыв яйсӧ да кыпӧдлан вись пыдди вайӧм задвыв яйсӧ сёйӧй ныв-пиныдкӧд сӧстӧминын, ӧд Израиль пиянлӧн бурасян висьлысь тайӧ юкӧнъяссӧ Господь индіс тэныд да тэсянь чужысьяслы.

Лыд 8:11

Аарон мед сиас левитъясӧс Господьлы Израиль пиянсянь вайӧм козинӧс моз, медым левитъяс кесъяласны Господьлы.

Левит 9:20

Госсӧ пуктісны морӧсвыв яй вылӧ, та бӧрын Аарон сотіс госсӧ висьпуктанін вылын.

Левит 10:15

Задвыв яйсӧ да морӧсвыв яйсӧ сотан госыскӧд вайӧй Господь водзын пыркӧдан вись пыдди. Тайӧ юкӧнъясыс вичмӧны тэныд да тэсянь чужысьяслы нэмъяс чӧж, кыдзи тшӧктіс Господь».

Индӧд 18:3

Ыж-мӧскӧс вись пыдди вайигӧн Израиль войтыр мед сетас висьлысь пуліпомсӧ, черлысӧ да гырксӧ поплы.