Левит 7:2 - Коми Библия 2023

² Сійӧс колӧ начкыны сэні, кӧні начкӧны сотан вись. Сылӧн вирнас колӧ резны висьпуктанінсӧ быд боксянь.

Левит 7:2 Referans Kwoze

Левит 1:5

Сійӧ мед начкас ӧшсӧ Господь водзын. А попъяс, Ааронсянь чужысьяс, мед ваясны ӧшлысь вирсӧ да резасны вежа чом пыранін дорысь висьпуктанінсӧ быд боксянь.

Левит 6:25

«Висьтав Ааронлы да сылӧн пияныслы мыжысь вись йылысь тайӧ индӧдсӧ. Мыжысь висьсӧ колӧ начкыны Господь водзын сэні, кӧні начкӧны сотан вись. Мыжысь вись – вежасьыс-вежатор.

Левит 1:11

мед начкас сійӧс Господь водзын висьпуктанін войвывладорын. Попъяс, Ааронсянь чужысьяс, мед вирнас резасны висьпуктанінсӧ быд боксянь.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

Еврейяслы 12:24

Ті матыстчинныд Выль Йитӧдсӧ кӧрталысь Исус дінӧ да Сылӧн сӧстӧммӧдысь вир дінӧ. Сылӧн вирыс Авельлӧн вир дорысь бурджыксӧ висьталӧ.

Еврейяслы 11:28

Эскӧмӧн Мӧисей тшӧктіс пасйыны Израиль войтырлы Ыджыд лун да мавтыштны ӧдзӧс куричьяссӧ вирӧн, медым Андел-Бырӧдысь эз ви Израиль войтырлысь медводдза чужысьяссӧ.

Езекиль 40:39

Пыранінлӧн посводзын ӧтарладорас сулаліс кык пызан, и мӧдарладорас – кык пызан. На вылын начкылісны сотан висьяс, мыжысь висьяс да мыж вештан висьяс.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Исай 52:15

Уна войтыр пондасны шензьыны Сы вылӧ, ӧксыяс тупкасны вомнысӧ Сы водзын, ӧд найӧ аддзасны сійӧ, мый йылысь налы эз висьтавлыны, тӧдмаласны сійӧ, мый йылысь найӧ эз кывлыны.

Лыд 6:12

Аслас кыв сетӧм серти сылы колӧ выльысь сины асьсӧ Господьлы назореялан лунъясыс кежлӧ. Мыж вештан вись пыдди сылы колӧ вайны арӧса межӧс. Пежасьӧм вӧсна сылӧн назореялан лунъясыс, мый вӧліны таӧдз, оз лыддьыссьыны.

Левит 5:9

Мыжысь висьлӧн вирнас поп мед резас висьпуктанінлысь боксӧ, а коляс вирсӧ мед пычкас висьпуктанін улӧ. Тайӧ лоӧ мыжысь вись.

Левит 4:33

Мед пуктылас кисӧ балялы юр вылас, а сэсся мед начкас сійӧс мыжысь вись пыдди сэні, кӧні начкӧны сотан вись.

Левит 4:29

Мед пуктылас кисӧ кӧзалы юр вылас, а сэсся мед начкас сійӧс мыжысь вись пыдди сэні, кӧні начкӧны сотан вись.

Левит 4:24

Мед пуктылас кисӧ кӧзалы юр вылас, а сэсся мед начкас сійӧс сэні, кӧні Господь водзын начкӧны сотан вись. Тайӧ лоӧ мыжысь вись.

Левит 3:8

Мед пуктылас кисӧ ыжлы юр вылас, а сэсся мед начкас сійӧс вежа чом пыранін дорын. Та бӧрын Ааронсянь чужысьяс мед вирнас резасны висьпуктанінсӧ быд боксянь.

Левит 3:2

Мед пуктылас кисӧ пемӧслы юр вылас, а сэсся мед начкас сійӧс вежа чом пыранін дорын. Та бӧрын попъяс, Ааронсянь чужысьяс, мед вирнас резасны висьпуктанінсӧ быд боксянь.

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 5:7

Коді гӧльлун вӧсна оз вермы вайны ыжӧс, мед ваяс Господьлы мыж вештӧм могысь кык гулюӧс либӧ кык гулюпиӧс, ӧтисӧ мыжысь вись пыдди, мӧдсӧ сотан вись пыдди.

Левит 5:16

Господьлӧн вежаторлы паныд мыж вӧчӧмысь морт мед мынтас поплы индӧм донсӧ сы дінӧ витӧд пай содтӧмӧн. Поп мед ваяс межӧс мыж вештан вись пыдди, тадзи вештас мыжа мортлысь мыжсӧ, и сійӧс лоӧ прӧститӧма.

Левит 6:7

Господь водзын поп вештас мыжа мортлысь мыжсӧ, и ставсӧ, мыйын сійӧ вӧлі мыжа, лоӧ прӧститӧма».

Левит 14:13

Поп мед начкас межсӧ сэні, кӧні начкӧны мыжысь вись да сотан вись. Мыж вештан висьыс лоӧ поплы, кыдзи и мыжысь вись. Тайӧ – вежасьыс-вежатор.