Левит 7:18 - Коми Библия 2023

¹⁸ Коймӧд луннас кӧ сёянныд бурасян висьлысь яйсӧ, висьныд оз ло шогмана. Вись вайысьлы бурыс оз ло. Тайӧ яйыс лоӧ пеж, и коді сёяс сійӧс, лоӧ мыжа.

Левит 7:18 Referans Kwoze

Лыд 18:27

Тайӧ дасӧд юкӧныс лоӧ тіян сетӧмторйӧн, кыдзи гумла вылысь ваян тусь да виноград пычкан гуысь вайӧмтор лоӧны Израиль пиянлӧн сетӧмторйӧн.

Левит 22:25

Доймӧм пемӧсӧс либӧ пемӧсӧс, кодлӧн эм тырмытӧмтор, мукӧд войтырлысь энӧ ньӧбӧй, медым вись пыдди вайны асланыд Енлы. А ваянныд кӧ, ті онӧ лоӧй шогманаӧсь Господьлы».

Левит 11:41

Му вывті котралысь-веглясьысьяс тіянлы зывӧкӧсь, найӧс тіянлы сёйнысӧ оз позь.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.

Римӧ 4:11

Вундыштӧм пасыс Ӧвраамлы висьталіс, мый сійӧ вундыштчытӧдзыс на эскис, та вӧсна лои веськыдӧн. Тадзи Ӧвраам лои батьӧн став вундыштчытӧм эскысьыслы, медым и найӧ эскӧм пыр вермисны лоны веськыдӧн.

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Малакий 1:13

Ті шуасянныд, ноксьӧмыс пӧ мыйта, тадзи увтыртанныд кесъялан уджнытӧ, – висьталӧ Господь Саваоф. – Кор вись пыдди ті ваянныд гусялӧм, чотысь да висьысь пемӧсӧс, ті чайтанныд, мый Ме сибӧда сійӧс? – висьталӧ Господь. –

Малакий 1:10

Бурджык, тіян пиысь кӧ кодкӧ йигналас крамлысь ӧдзӧссӧ, медым весьшӧрӧ энӧ сотӧй бисӧ Менам висьпуктанін вылын. Ті Меным абу шогманаӧсь, – висьталӧ Господь Саваоф, – и тіянлысь вайӧмторъяснытӧ Ме ог сибӧд.

Амос 5:22

Ваянныд кӧ Меным сотан да нянь висьяс, Ме ог сибӧд найӧс. Бурасян вись пыдди кӧ ваянныд тшӧгӧдӧм куканьясӧс, Ме ог видзӧдлы на вылӧ.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Езекиль 18:20

Кулас сӧмын мыж вӧчысьыс. Пиыс оз кывкут батьыслӧн мыж вӧсна, и батьыс пиыслӧн мыж вӧсна оз кывкут. Енмыс мынтысяс веськыда олысьлы сылӧн веськыдлуныс серти, а лёк вӧчысьлы – сылӧн лёклуныс серти.

Еремей 14:12

Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Еремей 14:10

Тайӧ войтырыс йылысь Господь тадзи висьталӧ: «Найӧ ветлӧдлӧны, кытчӧ кӧсйӧны, ассьыныс кокнысӧ оз видзны. Но Ме, Господь, мустӧмта тайӧс. Ме ог вунӧд налысь лёк вӧчӧмнысӧ, а мыжда найӧс мыжъяссьыныс».

Исай 66:3

Ӧшкӧс начкысь да вись пыдди вайысь [коді торкӧ Индӧдсӧ] морт виысь кодь, ыжӧс вись пыдди вайысь понлысь голясӧ песовтысь кодь, нянь вись вайысь порсьлысь вирсӧ вись пыдди вайысь кодь, казьтылан вись пыдди чӧскыд ӧвтанторъяс тшынӧдысь идоллы копрасьысь кодь. Найӧ бӧрйисны ассьыныс туйнысӧ, найӧ радейтӧны пежсӧ вӧчны.

Исай 65:4

пукалӧны кулӧмаясӧс дзебанінын, коллялӧны войсӧ кырта горсъясын, сёйӧны порсь яй, пуӧны пӧртъясын пеж сёян.

Левит 22:23

Пемӧсӧс, кодлӧн кокъясыс туша сертиыс вывті кузьӧсь либӧ дженьыдӧсь, ас кӧсйӧм серти ваян вись пыдди позьӧ вайны, а кыв сетан вись пыдди кӧ татшӧмсӧ ваянныд, висьныд оз ло шогмана Господьлы.

Левит 22:16

Попъяс мед оз торкны вежа вайӧмторъяс сёйӧм йылысь тшӧктӧмсӧ, медым Израиль войтыр эз мыжмы, ӧд Ме – Господь, вайӧмторъяссӧ Вежӧдысь».

Левит 20:19

Мамыдлӧн чойкӧд да батьыдлӧн чойкӧд эн узьлы. Коді тадзи вӧчӧ, сійӧ ассьыс рӧдвужсӧ янӧдӧ. Найӧ кыкнанныс лоӧны мыжаӧсь.

Левит 20:17

Босьтас кӧ кодкӧ гӧтырӧ чойсӧ, батьыслысь нывсӧ либӧ мамыслысь нывсӧ да узяс сыкӧд, тайӧ яндысьтӧмтор. Найӧс мед бырӧдасны войтыр пӧвстысь. Чойыскӧд узьӧмысь мортыс лоӧ мыжа.

Левит 17:16

А оз кӧ мыськав ассьыс паськӧмсӧ да оз мыссьы, лоӧ мыжа».

Левит 10:19

Аарон шуис Мӧисейлы: «Талун найӧ вайисны Господь водзӧ мыжысь висьнысӧ да сотан висьнысӧ. Менӧ суис шог, и Господьлы ӧмӧй шогмана вӧлі, ме кӧ сёйи талун мыжысь висьсӧ?»

Левит 10:17

«Мыйла ті энӧ сёйӧй мыжысь висьсӧ? Сійӧс колӧ вӧлі сёйны вежаинын, ӧд сійӧ – вежасьыс-вежатор. Господь индӧма сійӧс тіянлы, медым босьтінныд-вештінныд войтырлысь мыжсӧ Господь водзын.

Левит 5:17

Коді тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа, сылы колӧ кывкутны аслас мыж вӧсна.

Левит 7:19

Яйыс кӧ инмылас мыйкӧ пеж дінӧ, сёйнысӧ сійӧс оз позь. Сійӧс колӧ сотны биын. Бурасян висьлысь яйсӧ позьӧ сёйны быдӧнлы, коді сӧстӧм.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Левит 19:5

Господьлы бурасян висьнытӧ вайигӧн видзӧдӧй, медым вӧлінныд шогманаӧсь.