Левит 6:29 - Коми Библия 2023

²⁹ Поп рӧдысь став айуловыс вермӧ сёйны мыжысь вись яйсӧ. Тайӧ – [Господьлӧн] вежасьыс-вежатор.

Левит 6:29 Referans Kwoze

Лыд 18:10

Сёйӧй сійӧс вежаинын, ӧд сійӧ вежа. Сӧмын тіян айулов вермасны сёйны сійӧс.

Левит 6:25

«Висьтав Ааронлы да сылӧн пияныслы мыжысь вись йылысь тайӧ индӧдсӧ. Мыжысь висьсӧ колӧ начкыны Господь водзын сэні, кӧні начкӧны сотан вись. Мыжысь вись – вежасьыс-вежатор.

Левит 6:26

Поплы, коді вайӧ мыжысь висьсӧ, колӧ сёйны сійӧс вежаинын, вежа чом йӧрын.

Левит 7:6

Поп рӧдысь став айуловыс вермӧ сёйны мыж вештан висьлысь яйсӧ. Сӧмын колӧ сёйны сійӧс вежаинын, ӧд сійӧ – вежасьыс-вежатор.

Езекиль 42:13

Морт шуис меным: «Восьсаин войвылын и лунвылын сулалысь керкаяслӧн жыръясыс вежаӧсь. Сэні попъяс, кодъяслы сетӧма матыстчыны Господь дінӧ, сёйӧны вежасьыс-вежаторъяс. Сэтчӧ найӧ вайӧны вежасьыс-вежа висьяс: нянь вись, мыжысь вись да мыж вештан вись. Тайӧ жыръясыс вежаӧсь.

Аггей 2:12

Шуам, паськӧм дорышас гартыштӧмӧн морт нуӧ вежӧдӧм яй. Сылӧн паськӧм дорышыс кӧ инмылас няньӧ, пуӧмторйӧ, винаӧ, выйӧ либӧ мукӧд сёянӧ, лоӧ-ӧ тайӧ сёяныс вежа?» Попъяс вочавидзисны: «Оз».