Левит 6:2 - Коми Библия 2023

² «Мортыс мыж вӧчӧ Господьлы паныд, сійӧ кӧ соссяс, мый матыссаыс сылы мыйкӧ сетліс видзӧм могысь, сійӧ кӧ мыйкӧ гусялас либӧ мырддяс матыссаыслысь,

Левит 6:2 Referans Kwoze

Колосӧ 3:9

Энӧ пӧръясьӧй, ті ӧд пӧрччинныд нин важ мортлысь оласногнытӧ

Ап. уджъяс 5:4

Эз ӧмӧй ас киад вӧв овмӧсыд да босьтӧм сьӧмыд? Мыйла тэ сьӧлӧмад лэдзин мӧвп тадзи вӧчны? Тэ эн мортӧс пӧръяв, тэ пӧръялін Енмӧс».

Шусьӧгъяс 24:28

Матыссаыд йылысь ылӧгсӧ эн висьтав – мыйла тэныд пӧръясьнысӧ?

Левит 19:11

Энӧ гусясьӧй да энӧ пӧръясьӧй, ӧта-мӧднытӧ энӧ ылӧдлӧй.

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Ефесӧ 4:25

Сідзкӧ, дугдӧй пӧръясьнытӧ, висьталӧй збыльсӧ ӧта-мӧдныдлы, ӧд ми – ӧта-мӧдлы юкӧнъяс.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

Аввакум 1:13

Тэнад синмыд – сӧстӧм, лёкыс да ылӧгыс вылӧ Тэ он вермы видзӧдны. Мыйла Тэ нинӧм он вӧч, а сӧмын видзӧдан ылӧдчысьяс вылӧ? Мыйла Тэ чӧв олан, кор лёк вӧчысь ньылыштӧ веськыда олысьӧс?

Амос 8:5

Ті шуанныд: «Кор нин помасяс выль тӧлысь пасйӧмыс, медым вермим бара вузавны нянь? Кор нин помасяс шойччан луныс, медым вермим восьтны нянь видзанінъяс? Сэки ичӧтджык мурталан доз босьтам, а донсӧ содтам, вескиӧн пӧръялам.

Еремей 9:5

Быдӧн пӧрйӧдлӧ ассьыс ёртсӧ, оз висьтав збыльсӧ. Найӧ кывнас пӧръясьӧны, мудзтӧдзныс лёксӧ вӧчӧны.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 24:16

Му помсяньыс ми кылам сьыланкыв, веськыда вӧчысь Енлы ошкӧм. А ме шуа: «Шог меным, шог меным, курыд шог меным! Ылӧдчысьяс ылӧдлӧны, ылӧдчысьяс наяна ылӧдлӧны».

Исай 21:2

сувтіс менам син водзӧ Енсянь повзьӧдана петкӧдчылӧм: ылӧдчысь ылӧдлӧ, бырӧдысь бырӧдӧ. Элам, уськӧдчы на вылӧ! Мидия, кытшав найӧс! Ӧні став ойзӧмыслы Ме пукта пом.

Шусьӧгъяс 26:19

тадзи вӧчӧ сійӧ, коді ёртсӧ пӧръялӧ, а бӧрыннас шуӧ, ме пӧ шмониті.

Псалтыр 51:4

Тэнад кывйыд сёрнитӧ бырӧдӧм йылысь, сійӧ бритва кодь лэчыд, тэ – ылӧдчысь!

Левит 5:19

Тайӧ мыж вештан вись, кор мортыс мыжмӧ Господь водзын».

Олӧм 26:7

Кор сэтчӧс олысьяс юалісны Исааклысь Ревекка йылысь, сійӧ шуис, тайӧ пӧ менам чой. Исаак поліс, мый сійӧс виасны Ревекка гӧтырыс вӧсна, ӧд сылӧн гӧтырыс вӧлі зэв мича. Та вӧсна Ревеккаӧс эз шу гӧтырнас.

Левит 6:1

Господь шуис Мӧисейлы:

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Езекиль 40:46

Войвылӧ видзӧдысь керкаыс – висьпуктанін дорын кесъялысь попъяслы, Садок рӧдысь петысьяслы. Левий чужанкотырысь сӧмын найӧ вермӧны матыстчыны Господь дінӧ, медым кесъявны Сылы».