Левит 6:15 - Коми Библия 2023

¹⁵ Тайӧ вайӧмторсьыс поп мед босьтас китыр пызь да олив вый, тшӧтш став ладансӧ, да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Левит 6:15 Referans Kwoze

Левит 2:9

Сэсся поп мед босьтас тайӧ нянь висьсьыс юкӧн да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Левит 2:2

Сэсся пызьсӧ мед ваяс попъяслы, Ааронсянь чужысьяслы. Олив выйӧн гудралӧм пызьсьыс поп мед босьтас китыр пызь став ладаннас да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Левит 6:14

«Нянь вись йылысь индӧдыс татшӧм. Нянь висьсӧ мед ваясны [попъяс] Ааронсянь чужысьяс висьпуктанін дорӧ Господь водзӧ.

Петӧм 27:21

Ааронлы да сылӧн пияныслы рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ Израиль пиянлы нэмъяс кежлӧ чужысьяссянь чужысьясӧдз».

Левит 3:17

Тайӧ тшӧктӧмыс лоӧ тіянлы нэмъяс кежлӧ чужысьяссянь чужысьясӧдз. Быдлаын кутчысьӧй тайӧ тшӧктӧмас: гос да вир энӧ сёйӧй».