Левит 6:14 - Коми Библия 2023

¹⁴ «Нянь вись йылысь индӧдыс татшӧм. Нянь висьсӧ мед ваясны [попъяс] Ааронсянь чужысьяс висьпуктанін дорӧ Господь водзӧ.

Левит 6:14 Referans Kwoze

Лыд 15:4

сэки тшӧтш вайӧй Господьлы нянь вись пыдди олив выйӧн гудралӧм шобді пызь. Пызьыс мед вӧлі ефалӧн дасӧд юкӧныс, а выйыс мед вӧлі гинлӧн нёльӧд пайыс.

Иоан 6:32

Исус шуис налы: «Веськыда, веськыда висьтала тіянлы: эз Мӧисей сет тіянлы няньсӧ енэжсянь, но Менам Батьӧй сетӧ тіянлы збыль няньсӧ енэжсянь.

Лыд 15:9

сыкӧд ӧтлаын вайӧй нянь вись пыдди олив выйӧн гудралӧм шобді пызь. Та могысь ефа мында пызьсӧ юкӧй дас пельӧ и сэтысь босьтӧй куимсӧ, а выйсӧ босьтӧй гин джын мында.

Лыд 15:6

А межкӧд вайӧй нянь вись пыдди олив выйӧн гудралӧм шобді пызь. Та могысь ефа мында пызьсӧ юкӧй дас пельӧ и сэтысь босьтӧй кыксӧ, а выйсӧ босьтӧй гинлысь коймӧд пайсӧ.

Левит 6:13

Висьпуктанінса биыс мед куслытӧг ӧзъялас».

Левит 6:15

Тайӧ вайӧмторсьыс поп мед босьтас китыр пызь да олив вый, тшӧтш став ладансӧ, да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Левит 10:12

Мӧисей висьталіс Ааронлы да сылӧн ловйӧн кольӧм Элазар да Итамар пияныслы: «Босьтӧй Господьлы вайӧм нянь висьлысь коляссӧ, пӧжалӧй сійӧс шоммӧдтӧг да сёйӧй висьпуктанін дорын, ӧд тайӧ – вежасьыс-вежатор.

Левит 1:9

Ӧшлысь ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 1:13

Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 1:17

Гулюӧс бордъясӧдыс кутӧмӧн мед вожӧдас, но оз торйӧд кык пельӧ, сэсся мед пуктас сійӧс висьпуктанінӧ сотчысь пес вылӧ. Тайӧ лоӧ сотан вись, Господьлы чӧскыд ӧвтантор».

1 Каднебӧг 9:31

Маттитай нима левитӧс, Корей рӧдысь Шаллумлысь медводдза писӧ, вӧлі индӧма кывкутны нянь пӧжалӧм вӧсна.