Левит 5:7 - Коми Библия 2023

⁷ Коді гӧльлун вӧсна оз вермы вайны ыжӧс, мед ваяс Господьлы мыж вештӧм могысь кык гулюӧс либӧ кык гулюпиӧс, ӧтисӧ мыжысь вись пыдди, мӧдсӧ сотан вись пыдди.

Левит 5:7 Referans Kwoze

Левит 12:8

Аньыс кӧ гӧльлун вӧснаыс оз вермы вайны баляӧс, мед ваяс кык гулюӧс либӧ кык гулюпиӧс, ӧтисӧ сотан вись пыдди, мӧдсӧ мыжысь вись пыдди. Поп мед вештас аньлысь мыжсӧ, и ань лоӧ сӧстӧм».

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

2 Коринфӧ 8:12

Мортыс кӧ сетӧ сьӧлӧмсяньыс, сылысь сетӧмторсӧ донъялӧны эмлуныс серти, а оз абутӧмлуныс серти.

Матвей 3:16

Пыртчӧм бӧрас Исус петіс ваысь. Сэки енэжыс воссис, и Исус аддзис, кыдзи Енлӧн Лолыс гулю моз лэччис Сы вылӧ.

Левит 14:31

Ӧтисӧ поп мед ваяс мыжысь вись пыдди, а мӧдсӧ – сотан вись пыдди нянь виськӧд. Тадзи поп вештас сӧстӧммӧдчысь мортлысь мыжсӧ Господь водзын».

Лука 2:24

Господьлӧн Индӧд серти нӧшта колӧ вӧлі вайны вись: кык гулюӧс либӧ кык гулюпиӧс.

Левит 16:5

Израиль войтыр мед ваяс сылы кык ай кӧзаӧс мыжысь вись пыдди да ӧти межӧс сотан вись пыдди.

Левит 15:30

Ӧтисӧ поп мед ваяс мыжысь вись пыдди, а мӧдсӧ – сотан вись пыдди. Тадзи поп вештас аньлысь мыжсӧ Господь водзын да сӧстӧммӧдас сійӧс вир мунан пежсьыс.

Левит 9:3

Израиль пиянлы висьтав, мед вайӧдасны мыжысь вись пыдди ай кӧзаӧс, а сотан вись пыдди – арӧса да дзоньвидза [межӧс,] ӧшкӧс да баляӧс.

Левит 5:11

Коді гӧльлун вӧсна оз вермы вайны кык гулюӧс либӧ кык гулюпиӧс, аслас мыжысь вись пыдди мед ваяс шобді пызь – ефалысь дасӧд юкӧнсӧ. Пызяс мед оз кисьт олив вый, пызь вылӧ мед оз пукты ладан, ӧд тайӧ мыжысь вись.

Матвей 21:12

Исус пырис Енлӧн крамӧ да вӧтлаліс сэтысь став вузасьысь-ньӧбасьысьсӧ, пӧрлӧдліс сьӧм вежысьяслысь пызанъяссӧ да гулюӧн вузасьысьяслысь пуклӧсъяссӧ.

Левит 7:1

«Мыж вештан вись йылысь индӧдыс татшӧм. Тайӧ висьыс – вежасьыс-вежатор.

Левит 12:6

Писӧ либӧ нывсӧ чужтӧм бӧрын да сӧстӧммӧдчан лунъясыс помасьӧм бӧрын ань мед ваяс поплы вежа чом пыранін дорӧ сотан вись пыдди арӧса баляӧс да мыжысь вись пыдди гулюпиӧс либӧ гулюӧс.

Левит 14:30

Сэсся поп мед ваяс вись пыдди гулюясӧс либӧ гулюпиянӧс, мый сӧстӧммӧдчысь вермас вайны.

Лыд 5:6

«Висьтав Израиль пиянлы: айлов либӧ ань кӧ лёк вӧчас мӧд мортлы, и тадзи Господь водзын лоӧ мыжа.

Лыд 6:10

А кӧкъямысӧд луннас мед ваяс поплы кык гулюӧс либӧ кык гулюпиӧс вежа чом пыранін дорӧ.

Лыд 6:11

Ӧти гулюсӧ поп мед ваяс мыжысь вись пыдди, а мӧдсӧ – сотан вись пыдди. Тадзи поп вештас сылысь мыжсӧ, сӧстӧммӧдас сійӧс шойӧ инмӧдчылӧм вӧсна пежасьӧмсьыс. Тайӧ лунӧ назорей выльысь вежӧдас ассьыс юрсӧ.

Левит 27:8

Кыв сетысь кӧ гӧльлун вӧснаыс оз вермы мынтысьны, сідзкӧ, мед ваяс кыв сетӧмӧн сиӧм мортӧс поп дінӧ. Поп мед донъялас сійӧс да индас вештысян донсӧ сы серти, мыйта вермас мынтынысӧ кыв сетысьыс.