Левит 5:2 - Коми Библия 2023

² Мортыс кӧ тӧдлытӧг инмӧдчылӧ мыйкӧ пеж дінӧ, пеж пемӧслӧн шой дінӧ, пеж ыж-мӧслӧн шой дінӧ либӧ пеж гаглӧн шой дінӧ, сійӧ лоӧ пеж да мыжа.

Левит 5:2 Referans Kwoze

Левит 5:17

Коді тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа, сылы колӧ кывкутны аслас мыж вӧсна.

Индӧд 14:8

Энӧ сёйӧй порсьӧс. Сылӧн гыжйыс вожа, но сійӧ оз рӧмидзты. Сійӧ тіянлы пеж. Тайӧ пемӧсъяслысь яйсӧ энӧ сёйӧй да налӧн шой дінӧ энӧ инмӧдчӧй.

Аггей 2:13

Аггей водзӧ юаліс: «А тайӧ сёяныс дінӧ кӧ инмӧдчылас морт, коді пежасис кулӧм морт дінӧ инмӧдчылӧм вӧсна, лоӧ-ӧ тайӧ сёяныс пеж?» Попъяс вочавидзисны: «Лоӧ».

Левит 11:11

Сылысь яйсӧ энӧ сёйӧй, сылӧн шойыс мед лоӧ тіянлы зывӧк.

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Лука 11:44

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті пасйытӧм шойгуяс кодьӧсь, йӧзыс тӧдтӧгныс ветлӧны на вывті».

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Левит 7:21

Коді инмӧдчылас мыйкӧ пеж дінӧ – мортлӧн пеж дінӧ, пеж пемӧс дінӧ либӧ пеж нюглясьысь дінӧ – и сёяс Господьлы вайӧм бурасян висьлысь яйсӧ, сійӧс лоӧ бырӧдӧма аслас войтыр пӧвстысь».

Левит 5:4

Коді мӧвпышттӧг кыв сетӧмӧн кӧсйысьӧ вӧчны лёктор либӧ буртор, и оз гӧгӧрво, мый кӧсйысьӧ, но гӧгӧрвоӧ бӧрынджык, сійӧ лоӧ мыжа.

Левит 4:13

Израиль войтыр кӧ тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа.

Левит 5:3

Коді тӧдлытӧг инмӧдчылӧ мортлӧн пежыс дінӧ, мый вӧсна лоӧ пежӧн, и та йылысь тӧдмалӧ бӧрынджык, сійӧ лоӧ мыжа.

Левит 11:8

Тайӧ пемӧсъяслысь яйсӧ энӧ сёйӧй да налӧн шой дінӧ энӧ инмӧдчӧй, ӧд найӧ тіянлы пежӧсь.

Лыд 19:22

Ставыс, кытчӧ пеж морт инмӧдчылас, лоӧ пеж. Коді инмӧдчылас пежасьӧмтор дінӧ, сійӧ рытӧдзыс лоӧ пеж».