Левит 4:5 - Коми Библия 2023

⁵ Мавтыштӧм [да вежӧдӧм] поп мед босьтас ӧшлысь вирсӧ да пыртас вежа чомйӧ.

Левит 4:5 Referans Kwoze

Левит 16:14

Сэсся мед босьтас ӧш вир да чуньсӧ кӧтӧдлӧмӧн резас вевт вывсӧ, а вевт водзсӧ мед резас сизимысь.

Лыд 19:4

Элазар поп мед чуньсӧ кӧтӧдлас мӧс вирнас да резыштас вежа чомлань сизимысь.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

Левит 16:19

Вирнас мед кӧтӧдас чуньсӧ да сизимысь резас висьпуктанінсӧ. Тадзи сӧстӧммӧдас сійӧс Израиль пиянлӧн пежсьыс да вежӧдас сійӧс.

Левит 4:3

Мавтыштӧм поп кӧ мыж вӧчас, и сылӧн мыж вӧчӧмысь лоӧ мыжа став войтырыс, сэки сійӧ ас вӧснаыс мед ваяс Господьлы мыжысь вись пыдди дзоньвидза ӧшкӧс.

Левит 6:23

Поплысь нянь висьсӧ колӧ ставнас сотны, сёйнысӧ сійӧс оз позь».

Левит 16:15

Войтырлӧн мыжысь вись пыдди Аарон мед начкас ай кӧзаӧс. Вирсӧ мед пыртас Вежаинын ӧшалысь дӧра сайӧ да ӧш вирӧн моз мед резас Йитӧд кудлысь вевт вывсӧ да вевт водзсӧ.