Левит 4:21 - Коми Библия 2023

²¹ Начкӧм ӧшсӧ мед петкӧдас чомъяс сайӧ да сотас, кыдзи таӧдз вӧлі тшӧктӧма сотны ӧшсӧ. Тайӧ лоӧ мыжысь вись, сійӧс колӧ вайны войтырлӧн мыж вӧсна.

Левит 4:21 Referans Kwoze

Левит 16:15

Войтырлӧн мыжысь вись пыдди Аарон мед начкас ай кӧзаӧс. Вирсӧ мед пыртас Вежаинын ӧшалысь дӧра сайӧ да ӧш вирӧн моз мед резас Йитӧд кудлысь вевт вывсӧ да вевт водзсӧ.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Ездра 8:35

Пленысь локтӧмаяс вайисны Израильлӧн Енлы сотан висьяс: став Израиль войтыр вӧсна вайисны дас кык ӧшкӧс, ӧкмысдас квайт межӧс, сизимдас сизим баляӧс да мыжысь вись пыдди дас кык ай кӧзаӧс. Ставыс тайӧ вӧлі Господьлы вайӧм сотан вись.

Левит 16:21

пуктылас кыкнан кисӧ сылы юр вылас да висьтасяс Израиль пиянлӧн став мыжсьыс да лёк вӧчӧмсьыс. Тадзи Аарон пуктас налысь мыжъяссӧ кӧзалы юр вылас. Сэсся мед тшӧктас торъя мортлы нуӧдны кӧзасӧ овтӧминӧ.

Еврейяслы 13:11

Пемӧсъяслысь вирсӧ аркирей пыртӧ Вежасьыс-вежаинӧ, тайӧ вирыс эм йӧзлӧн мыжъяс вӧсна вайӧм вись. А пемӧсъяслысь шойсӧ сотӧны кар ортсыас.

Левит 4:13

Израиль войтыр кӧ тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа.

Левит 4:20

Ставсӧ мед вӧчас сідзи, кыдзи вӧчӧны ӧшкӧс мыжысь вись пыдди вайигӧн. Тадзи поп вештас войтырлысь мыжсӧ, и найӧс лоӧ прӧститӧма.

Лыд 15:24

и войтырыс та вӧсна тӧдлытӧг мыжмас, сэки войтырыс мед ваяс [дзоньвидза] ӧшкӧс Господьлы чӧскыда ӧвтысь сотан вись пыдди. Ӧшкӧд мед ваяс нянь вись да вина вись тшӧктӧм серти. Нӧшта мыжысь вись пыдди мед ваяс ай кӧзаӧс.

Петӧм 29:14

А ӧшлысь яйсӧ, кучиксӧ да сювсӧ сот чомъяс сайын. Тайӧ лоӧ мыжысь вись.

Левит 6:11

Та бӧрын мед вежас паськӧмсӧ да петкӧдас пӧимсӧ чомъяс сайӧ сӧстӧминӧ.

Левит 6:23

Поплысь нянь висьсӧ колӧ ставнас сотны, сёйнысӧ сійӧс оз позь».

Левит 8:17

А ӧшлысь яйсӧ, кучиксӧ да сювсӧ сотіс чомъяс сайын. Тадзи Господь тшӧктіс Мӧисейлы.

Левит 16:27

Мыжысь вись пыдди вайӧм ӧшсӧ да ай кӧзасӧ, кодъяслысь вирсӧ вӧлі пыртӧма вежаинӧ сійӧс сӧстӧммӧдӧм могысь, мед нуасны чомъяс сайӧ. Кучикнас, яйнас да сювнас найӧс мед сотасны биын.

Езекиль 45:22

Ыджыд лунӧ ӧксы мед ваяс мыжысь вись пыдди ӧшкӧс ас вӧснаыс да тайӧ муас олысь став войтырыс вӧсна.