Левит 4:2 - Коми Библия 2023

² висьтавны Израиль пиянлы: «Коді тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, мед ваяс вись.

Левит 4:2 Referans Kwoze

Еврейяслы 9:7

Мӧд вежӧсас сӧмын ӧтчыдысь вонас пырліс аркирей. Аскӧдыс сійӧ вайліс вир аслас мыжъяс вӧсна да йӧзлӧн тӧдтӧг вӧчӧм мыжъяс вӧсна.

Левит 4:27

Войтыр пӧвстысь кӧ кодкӧ тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа.

Яков 3:10

Ӧти вомысь петӧ ошкӧм и ёрӧм. Вокъяс, тадзи оз вермы лоны!

Еврейяслы 5:2

Татшӧм аркирейыс вермӧ гӧгӧрвоны мывкыдтӧмъясӧс да ылалӧмаясӧс, ӧд ачыс сійӧ на кодь жӧ вынтӧм.

1 Тимофейлы 1:13

Водзынсӧ ме омӧльті Кристосӧс, вӧтлі-дзескӧді Сылы эскысьясӧс да лёк вӧчи налы. Но Кристос вӧлі бур сьӧлӧма ме дінӧ, ӧд тадзисӧ ме вӧчи гӧгӧрвотӧмла да эскытӧмла.

Ӧксыяслӧн 1 небӧг 14:27

Ионафан эз кывлы, мый батьыс тшӧктӧма йӧзыслы кыв сетны. Сійӧ нюжӧдіс ассьыс бедьсӧ да чуньыштіс мазі позйысь масӧ. Масӧ видлӧм бӧрын сылӧн синмыс югзис.

Индӧд 19:4

Мортыс кӧ оз лӧгав матыссаыс вылӧ, а мӧвпышттӧг виас сійӧс, вермас пышйыны татшӧм карас да ловйӧн кольны.

Левит 4:22

Юралысь кӧ тӧдлытӧг мыж вӧчӧмнас торкас аслас Господь Енлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа.

Левит 4:13

Израиль войтыр кӧ тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа.

Олӧм 20:9

Авимелек корис Ӧвраамӧс да шуис: «Мый тэ вӧчин миянкӧд? Мыйӧн ме мыжа тэ водзын, мый татшӧм сьӧкыд мыжӧ тэ кыскин менӧ да менсьым войтырӧс? Тадзи ӧмӧй позьӧ вӧчны?»

Левит 4:1

Господь тшӧктіс Мӧисейлы

Левит 22:14

Коді тӧдлытӧг сёяс вежа вайӧмторсӧ, сійӧ мед мынтас поплы вайӧмторлысь донсӧ сы дінӧ витӧд пай содтӧмӧн.

Лыд 35:11

бӧрйӧй аслыныд каръяс, кытчӧ вермас пышйыны быдӧн, коді мӧвпышттӧг виас мортӧс.

Еклесиаст 5:6

Уна вӧтыд да уна сёрниыд – весьшӧрӧ. Но тэ пов Енмысь!