Левит 3:1 - Коми Библия 2023

¹ «Бурасян вись пыдди кӧ кодкӧ вайӧ ӧшкӧс либӧ мӧскӧс, мед вайӧдас дзоньвидзаӧс да сувтӧдас сійӧс Господь водзӧ.

Левит 3:1 Referans Kwoze

Лыд 6:14

Сійӧ мед ваяс Господьлы сотан вись пыдди дзоньвидза арӧса межӧс, мыжысь вись пыдди дзоньвидза арӧса ыжӧс да бурасян вись пыдди дзоньвидза межӧс,

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

1 Иоан 1:3

Аддзывлӧм-кывлӧмыс йылысь висьталам тіянлы, мед эськӧ ті вӧлінныд миянкӧд ӧтув. А ми ӧтувъяӧсь Батькӧд да Сылӧн Исус Кристос Пиыскӧд.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Амос 5:22

Ваянныд кӧ Меным сотан да нянь висьяс, Ме ог сибӧд найӧс. Бурасян вись пыдди кӧ ваянныд тшӧгӧдӧм куканьясӧс, Ме ог видзӧдлы на вылӧ.

Колосӧ 1:20

медым Сы пыр сетны бурасьӧм да Сылӧн крествывса вирнас бурӧдны Аскӧдыс мувывсасӧ да енэжвывсасӧ.

Малакий 1:14

Ёрӧма пӧръясьысьӧс, коді дзоньвидза ай пемӧссӧ кӧсйысьӧ вись пыдди вайны Господьлы, но вайӧ висьысьӧс. Тӧдӧй, Ме – ыджыд Ӧксы, – висьталӧ Господь Саваоф, – и Менам нимысь полӧны войтыръяс.

Малакий 1:8

Кор вись пыдди ваянныд синтӧм пемӧсӧс, абу-ӧ тайӧ лёктор? Чотысь да висьысь пемӧсӧс кор ваянныд, абу-ӧ тайӧ лёктор? Нуан кӧ татшӧм козинсӧ аслад юралысьлы, пондас-ӧ сійӧ нимкодясьны, сибӧдас-ӧ тэнӧ бурпырысь? – висьталӧ Господь Саваоф.

Езекиль 45:15

Израильса бур йирсянінъяс вылысь быд кыксё ыжысь колӧ вайны ӧтиӧс. Тайӧ висьясыс лоӧны тіян нянь висьныд, сотан висьныд да бурасян висьныд мыжнытӧ вештӧм могысь, – висьталӧ Господь Ыджыдыс. –

Шусьӧгъяс 7:14

«Бурасян вись ме вайи, кыв сетан вись талун вайи.

1 Каднебӧг 21:26

Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. Давид шыасис Господь дінӧ, и Господь вочавидзис сылы да висьпуктанін вылӧ ыстіс енэжсянь би.

Ёрдысьяс 21:4

Мӧд асывнас войтырыс чеччис водз, сувтӧдіс висьпуктанін да вайис сэні сотан да бурасян висьяс.

Ёрдысьяс 20:26

Та бӧрын став израильса тышкайӧзыс локтісны Вефильӧ. Пукалісны сэні Господь водзын да бӧрдісны. Рытӧдзыс видзалісны, вайисны Господьлы сотан да бурасян висьяс.

Лыд 7:17

бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Аминадавлӧн Наашон пиыс.

Левит 17:5

Тайӧс тшӧктӧма сы могысь, медым Израиль пиян эз нин начкыны пемӧсъяссӧ бокын, а вайӧдісны найӧс Господь водзӧ вежа чом пыранін дорӧ поплы, и сэні начкисны Господьлы бурасян вись пыдди.

Петӧм 29:28

Тайӧ лоӧ Израиль пиянсянь пыр кежлӧ Ааронлы да сылӧн пияныслы торйӧдан юкӧн. Бурасян вись вайигӧн Израиль пиян мед торйӧдасны тайӧ юкӧнсӧ козин пыдди Господьлы.

Петӧм 24:5

Израильса том войтырӧс мӧдӧдіс вайны сотан висьяс да начкыны ӧшъясӧс, медым бурасян вись вайны Господьлы.

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Левит 3:6

Господьлы бурасян вись пыдди кӧ кодкӧ вайӧ ыж либӧ кӧза, айӧс либӧ эньӧс, мед ваяс дзоньвидзаӧс.

Левит 9:18

Аарон начкис ӧшкӧс да межӧс, кодъясӧс войтырыс вайис бурасян вись пыдди. Ааронлӧн пияныс мыччисны сылы вирсӧ, и сійӧ резіс висьпуктанінсӧ быд боксянь.

Лыд 7:59

бурасян вись пыдди – кык ӧшкӧс, вит межӧс, вит ай кӧзаӧс да арӧса вит баляӧс. Ставсӧ тайӧс вайис Педацурлӧн Гамалиэл пиыс.

Лыд 15:8

Ваянныд кӧ Господьлы ӧшкӧс сотан вись пыдди либӧ мукӧд вись пыдди, медым збыльмӧдны кыв сетӧмнытӧ либӧ вайны бурасян вись,

Индӧд 12:27

Сотан висьлысь яйсӧ да вирсӧ сотӧй асланыд Господь Енлӧн висьпуктанін вылын. Мукӧд висьяслысь вирсӧ кисьтӧй асланыд Господь Енлӧн висьпуктанін вылӧ, а яйсӧ сёйӧй.

Езекиль 43:27

Сідзкӧ, кӧкъямысӧд луннас и водзӧ быд лун попъяс мед ваясны висьпуктанін вылын тіянлысь сотан да бурасян висьяснытӧ. Сэки Ме бур сьӧлӧмӧн сибӧда тіянӧс, – висьталӧ Господь Ыджыдыс».

Левит 1:10

Сотан висьнас кӧ лоӧ ыж либӧ кӧза, вись вайысь мед ваяс дзоньвидза ай пемӧсӧс да [сылы юр вылас кисӧ пуктылӧм бӧрын]

Левит 9:4

Бурасян вись пыдди мед вайӧдасны Господь водзӧ ӧшкӧс да межӧс, нӧшта мед ваясны выйӧн гудралӧм нянь вись. Талун Господь петкӧдчас тіянлы».