Левит 26:7 - Коми Библия 2023

⁷ Ті кутанныд вӧтлыны вӧрӧгъяснытӧ, найӧ куласны тіян шыпурт помысь.

Левит 26:7 Referans Kwoze

Левит 26:6

Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.

Левит 26:8

Тіян пӧвстысь витыс вӧтлас сёӧс, а сёыс вӧтлас дас сюрсӧс. Вӧрӧгъясныд куласны тіян шыпурт помысь.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Эсфир 9:16

Мукӧд ӧксыув муясын олысь иудейяс тшӧтш чукӧртчисны, мед дорйыны асьнысӧ да мынтӧдчыны вӧрӧгысь. Иудейяс виисны найӧс мустӧмтысьяс лыдысь сизимдас вит сюрс мортӧс, но налысь овмӧс-эмбурсӧ эз босьтны.

Левит 26:36

Тіян пӧвстысь ловйӧн кольӧмаяс кутасны овны вӧрӧглӧн муын. Сэні Ме тіян сьӧлӧмӧ пукта полӧм. Коръяслӧн кышакылӧмысь ті пышъянныд шыпуртысь моз да усянныд, кӧть вӧтӧдысьыс оз ло.

Индӧд 28:7

Господь сетас тіянлы вермыны вӧрӧгнытӧ, кодъяс сувтасны тіянлы паныд. Найӧ локтасны ӧти туйӧд, а пышъясны тіянысь сизимлаӧд.

Нав Исус 23:10

Тіян ӧти морт вӧтлас сюрс мортӧс, ӧд Ачыс Господь, тіян Енныд, вермасьӧ тіян вӧсна, кыдзи и кӧсйысис тіянлы.

Ёрдысьяс 4:16

Варак вӧтӧдіс сылысь тарантасъяссӧ да тышкайӧзсӧ Харошет-Гоим карӧдз. Сисарлӧн став тышкайӧзыс кулісны шыпурт помысь, некод ловйӧн эз коль.

Ёрдысьяс 7:23

Чукӧстісны айуловӧс Неффалим, Асир да Манассей чужанкотыръясысь, медым вӧтӧдны мадиансаясӧс.

Ёрдысьяс 15:15

Самсон аддзис неважӧн на кулӧм осёллысь черлысӧ, босьтіс сійӧс киас да виис сыӧн сюрс филистимсаӧс.

Ӧксыяслӧн 1 небӧг 14:13

Кинас и кокнас кутчысьӧмӧн Ионафан кавшасис вывлань. Кесйӧгыс сы бӧрся. Ионафан водзын филистимсаяс усьласисны муас. Кесйӧгыс муніс Ионафан бӧрся да виаліс найӧс.

1 Каднебӧг 19:15

Аммон тышкайӧз аддзисны арамейяслысь пышйӧмсӧ, и найӧ тшӧтш пышйисны Йоавлӧн Авишай вокысь да локтісны асланыс карӧ. Йоав бӧр муніс Ерусалимӧ.