Левит 26:25 - Коми Библия 2023

²⁵ Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Левит 26:25 Referans Kwoze

Лыд 14:12

Ме мӧдӧда на вылӧ пӧрӧс висьӧм да бырӧда найӧс, а тэсянь [да батьыд рӧдсянь] сета чужны ыджыдджык да вынаджык войтырлы».

Езекиль 5:17

Тіян тшыгъялӧм дырйи Ме ыста тіян вылӧ зверъясӧс, кодъяс виасны ныв-пинытӧ. Тіянӧс суас пӧрӧс висьӧм да вир кисьтӧм. Ме вайӧда тіян вылӧ шыпуртӧс. Тайӧс висьтала Ме, Господь».

Езекиль 33:2

«Морт пиӧй, висьтав тадзи аслад войтырыдлы: сійӧ муас, кытчӧ Ме мӧдӧда шыпурт, войтырӧн пуктӧм видзысь

Езекиль 29:8

Та вӧсна Господь Ыджыдыс тадзи висьталӧ: Ме вайӧда тэ вылӧ шыпурт, бырӧда тэнсьыд йӧзтӧ да ыж-мӧстӧ.

Езекиль 20:37

Ыж видзысь моз Ме лыддя-торйӧда тіянӧс. Ме кӧртвомала тіянӧс, медым олінныд Менам йитӧд серти.

Езекиль 14:17

Ме кӧ мӧдӧді сійӧ му вылас шыпурт, тшӧкті сылы мунны му вывтіыс и бырӧді сэтысь йӧзсӧ да ыж-мӧссӧ,

Езекиль 6:3

Тшӧкты налы кывзыны Господь Ыджыдлысь кывсӧ. Шу, мый Господь Ыджыдыс тадзи висьталӧ тіянлы, керӧсъяс да мылькъяс, ковтысъяс да сёртасъяс: – Шыпурт мӧдӧда тіян вылӧ, бырӧда вись ваян мылькъяснытӧ.

Еремей 24:10

Ме мӧдӧда на вылӧ шыпурт, тшыглун да пӧрӧс висьӧм, кытчӧдз найӧ оз бырны тайӧ му вывсьыс, кодӧс сеті налы да налӧн батьяслы».

Индӧд 32:25

Коді лоӧ ывлаын, кулас шыпурт помысь, коді лоӧ гортас, весьӧпӧрас. Виӧма лоӧ ныв-зонмӧс, пузчужӧм кагаӧс и дзор юраӧс.

Индӧд 28:21

Господь мӧдӧдас тіян вылӧ пӧрӧс висьӧм, и ті быранныд сійӧ му вывсьыс, кытчӧ ті мунанныд сійӧс босьтӧм могысь.

Лука 21:11

Уналаын лоас му вӧрӧм да тшыгъялӧм, йӧзсӧ суас кулана висьӧм. Лоасны повзьӧдана петкӧдчӧмъяс да енэжсянь индысьпасъяс.

Амос 4:10

Ме ысті тіян вылӧ пӧрӧс висьӧм, кыдзи коркӧ ысті Египет вылӧ. Ме виалі шыпуртӧн зонъяснытӧ, вӧрӧгныдлы сеті вӧвъяснытӧ. Тышкайӧзныдлӧн чукӧртчанінын шойяссянь дукыс пуркйис тіян ныр-вомӧдз. Но ті энӧ бергӧдчӧй Ме дінӧ, – висьталӧ Господь. –

Бӧрданкыв 2:21

Челядьлӧн и пӧрысьлӧн шойныс туплясьӧ туйяс вылын, менсьым ныв-зонмӧс шыпурт бырӧдіс. Тэ виалін найӧс Аслад скӧралан лунӧ, жалиттӧг начкин найӧс.

Еремей 9:16

Ме разӧда найӧс войтыръяс пӧвстӧ, кодъясӧс эз тӧдлыны ни найӧ, ни батьясныс. Ме мӧдӧда шыпурт виавны найӧс, кытчӧдз ставнысӧ ог бырӧд».

Псалтыр 94:1

Локтӧй, сьыламӧй Господьлы, кыпыда сьылӧмӧн ошкамӧй Сійӧс, Сійӧ – миян мездмӧмлӧн зумыд подулыс.

Ӧксыяслӧн 2 небӧг 24:15

Асывнас Господь ыстіс Израиль войтырлы пӧрӧс висьӧм. Висьӧмыс ыджыдаліс Енлӧн индӧм кадӧдз. Войвыв Дансянь лунвыв Бер-Шеваӧдз куліс сизимдас сюрс морт.

Индӧд 32:41

чардби моз сявкйысь шыпуртӧс Ме ёсьта, Аслам киӧн Ме мыжда, Меным паныд сувтысьяслысь водзӧс перъя, Менӧ мустӧмтысьяслы мынтыся.

Индӧд 32:35

Ме мынтыся, Ме перъя водзӧссӧ сійӧ лунӧ, кор налӧн кокныс лигышмунас. Ӧд найӧс бырӧдан луныс матын, регыд збыльмас налы дасьтӧмаыс.

Лыд 16:49

Корейлӧн мыж вӧсна кулӧмаясысь ӧтдор вӧлі бырӧдӧма дас нёль сюрс сизимсё мортӧс.

Левит 26:6

Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.

Лыд 31:3

Мӧисей висьталіс войтырлы: «Тіян айуловныд босьтасны шыпуртнысӧ да петасны тышӧ. Господь вӧсна мед водзӧс перъясны мадиансаяслысь.

Ёрдысьяс 15:11

Иуда муысь куим сюрс морт локтіс Этам изкыртаӧ. Найӧ шуисны Самсонлы: «Тэ ӧмӧй он тӧд, мый филистимсаяс ыджыдалӧны миян вылын? Мый тэ вӧчин миянкӧд?» Самсон вочавидзис налы: «Кыдзи найӧ вӧчисны меным, сідзи ме вӧчи налы».

Ӧксыяслӧн 3 небӧг 8:33

Тэнад Израиль войтырыд кӧ Тэныд паныд мыж вӧчас да та вӧсна вӧрӧг пасьвартас найӧс, а сэсся кӧ найӧ шыасясны Тэ дінӧ, кутасны нимӧдны Тэнӧ да корны-кевмыны Тэ водзын тайӧ крамас,

Ӧксыяслӧн 3 небӧг 8:37

Налӧн му вылӧ кӧ пуксяс тшыг кад либӧ паськалас пӧрӧс висьӧм, налысь няньсӧ кӧ бырӧдас сотысь тӧвру, кутшӧмкӧ висьӧм, саранча либӧ лёльӧ, налӧн му вылӧ кӧ уськӧдчас вӧрӧг, суас кӧ найӧс ускӧттьӧ либӧ висьӧм,

Еремей 50:28

Кылӧ пышйӧмаяслӧн гӧлӧс шыныс, найӧ мездмӧмаӧсь Вавилонысь. Сионын найӧ висьталӧны, мый Господь, миян Енным, водзӧс перйис Аслас крамыс вӧсна.

Еремей 51:11

– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.

Петӧм 5:3

Найӧ шуисны сылы: «Еврейяслӧн Ен корис миянӧс. Лэдз миянӧс овтӧминӧ куим лун мунан ылнаӧ. Сэні ми вись ваям Господьлы, асланым Енлы, медым Сійӧ эз бырӧд миянӧс пӧрӧс висьӧмӧн либӧ шыпуртӧн».

Ӧксыяслӧн 4 небӧг 17:3

Ассурса Салманассар ӧксы тышӧ петіс Осийлы паныд. Осий шедіс Салманассар кипод улӧ и кутіс мынтыны сылы вот.

2 Каднебӧг 24:24

Арамейяс вӧліны этшаӧнӧсь, но Господь сетіс на киӧ уна лыда иудаса тышкайӧзӧс сыысь, мый Иуда войтыр эновтісны Господьӧс, асланыс батьяслысь Енсӧ. Тадзи арамейяс олӧмӧ пӧртісны Енлысь мыждӧмсӧ, мый вӧлі дасьтӧма Йоаслы.

Исай 1:20

А онӧ кӧ кывзысьӧй да кутанныд асныравны, сэки шыпурт помысь куланныд. Тадзи висьталӧ Господь.

Исай 65:12

тіянӧс Ме сета шыпурт улӧ, ті ставныд сувтанныд пидзӧс выланыд, и тіянӧс кераласны. Ме чуксалі тіянӧс, но ті энӧ шыасьӧй. Ме висьталі тіянлы, но ті энӧ кывзӧй. Ті вӧчинныд сійӧ, мый Менам син водзын шогмытӧм, ті бӧрйинныд сійӧ, мый эз вӧв Менам кӧсйӧм серти.

Еремей 19:7

Тані Ме бырӧда Иуда войтырлысь да Ерусалимын олысьяслысь кӧсйӧмсӧ. Ме сета найӧс вӧрӧглӧн шыпурт улӧ, и найӧ куласны налысь олӧмсӧ босьтны кӧсйысьяслӧн ки помысь. Налысь шойяссӧ Ме шыбита кырныш-варышлы да зверъяслы.

Осий 11:6

Шыпурт кутас ӧвтчыны налӧн каръясын, сійӧ жуглас налысь иганъяссӧ, бырӧдас найӧс сыысь, мый найӧ кӧсйисны вӧчны лёксӧ.

Аввакум 3:5

Сы водзвылын мунӧ пӧрӧс висьӧм, бӧрсяньыс локтӧ кулӧм.