Левит 26:22 - Коми Библия 2023

²² Мӧдӧда тіян вылӧ зверъясӧс, и найӧ гусявласны ныв-пинытӧ да косявласны ыж-мӧснытӧ. Ті кутанныд чинӧмӧн чинны, и тіян туйяс вывті ветлысь-мунысьыс оз ло.

Левит 26:22 Referans Kwoze

Езекиль 14:15

Ме кӧ мӧдӧді сэтчӧс олысьяс вылӧ зверъясӧс, медым муыс овтӧммис да эз ло сэті ветлысь-мунысьыс,

Индӧд 32:24

Тшыгъялӧмысь найӧ нюкыртчасны, кулана висьӧм виас найӧс, пӧрӧс висьӧм бырӧдас. Ме ыста на вылӧ ёсь пиня зверъясӧс да яда змейясӧс.

Ёрдысьяс 5:6

Анатлӧн Шамгар пиыслӧн олігӧн, Яэльлӧн олан лунъясӧ туйяс вӧліны кушӧсь, йӧзыс корсисны кытшола туйяс.

Закар 7:14

Ме разӧді найӧс войтыръяс пӧвстӧ, кодъясӧс найӧ эз тӧдлыны водзын. Налӧн эновтӧм муыс кушмис, сэтчӧ некод эз кут волыны. Тадзи на вӧсна бур муныс пӧри овтӧминӧ.

Бӧрданкыв 1:4

Сионӧ нуӧдан туйяс бӧрдӧны, некод оз лок гажӧдчан лунъяс кежлӧ, сылӧн дзиръяясӧд пырысьыс абу. Попъяс сьӧкыда ышлолалӧны, нывъяс шогысла ойзӧны – Сион тырӧма курыд шогӧн.

Исай 33:8

Туйяс кушмисны, ветлысь-мунысьыс абу. Сёрнитчӧм торкӧма, каръяс кисьтӧма, йӧзсӧ увтыртӧма.

Ӧксыяслӧн 4 небӧг 17:25

Овмӧдчӧм бӧраныс тайӧ олысьясыс эз на пыдди пуктыны Господьӧс, та вӧсна Господь ыстіс на вылӧ левъясӧс, кодъяс косявлісны йӧзсӧ.

Левит 26:6

Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Езекиль 33:28

Тайӧ мусӧ Ме кушта, и бырас сылӧн выныс, мыйӧн сійӧ ошйысьӧ. Овтӧммасны Израиль керӧсъяс, сэті ветлысь-мунысьыс оз ло.

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Езекиль 5:17

Тіян тшыгъялӧм дырйи Ме ыста тіян вылӧ зверъясӧс, кодъяс виасны ныв-пинытӧ. Тіянӧс суас пӧрӧс висьӧм да вир кисьтӧм. Ме вайӧда тіян вылӧ шыпуртӧс. Тайӧс висьтала Ме, Господь».

Еремей 15:3

Ме мӧдӧда тайӧ войтырыс вылӧ нёль мыждӧм, – висьталӧ Господь. – Шыпурт виас найӧс, понъяс кыскаласны шойяссӧ, кырныш-варыш кокаласны, зверъяс бырӧдасны коляссӧ.

Исай 24:6

Та вӧсна ёрӧмыс бырӧдӧ мусӧ, му вылын олысьяс вештысьӧны асланыс мыжысь. Му вылын олысьяс бырӧны, йӧзыс коли зэв этша.

2 Каднебӧг 15:5

Сійӧ кадас ветлысь-мунысьяс полісны, ӧд сэтчӧс муясын олысьяс вӧлі шызьӧмаӧсь.

Ӧксыяслӧн 4 небӧг 2:24

Елисей бергӧдчис налань, видзӧдліс на вылӧ да ёрис Господь нимӧн. Сэки кык ош петісны вӧрсьыс да косявлісны зонпосни пӧвстысь нелямын кык зонкаӧс.

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.