Левит 26:16 - Коми Библия 2023

¹⁶ тӧдӧй, мый Ме сэки тіянкӧд вӧча. Ме мӧдӧда тіян вылӧ полӧм, вир-яй косьмӧм да биа висьӧм, мый вӧсна тіян синныд пемдас и ловныд нюкыртчас. Ті весьшӧрӧ кутанныд кӧдзны, ӧд вӧрӧг сёяс няньнытӧ.

Левит 26:16 Referans Kwoze

Иов 31:8

сэки менсьым кӧдзӧмасӧ мед мукӧдъяс сёясны, менсьым став петассӧ мед вужнас нетшкасны.

Ӧксыяслӧн 1 небӧг 2:33

Тэнад рӧдысь Ме ог ставнысӧ вешты Аслам висьпуктанін дорысь. Вешта кӧ, сэки бӧрдӧмсьыд синмыд пемдас да сьӧлӧм дойсьыд морӧсыд топалас. Но тэнад рӧдын став чужысьыс пондас кувны томӧн.

Микей 6:15

Ті кӧдзанныд, но онӧ вундӧй, олив тусьтӧ пычканныд, но выйнас онӧ мавтчӧй, виноград вотӧстӧ таляланныд, но винасӧ онӧ юӧй.

Езекиль 33:10

Морт пиӧй, висьтав Израиль войтырлы: ті шуаланныд, мыжъясным да лёк вӧчӧмъясным пӧ личкӧны миянӧс, и на вӧсна пӧ ми косьмам-сісьмам, ловйӧн огӧ кольӧй.

Еремей 5:17

Найӧ сёясны тэнсьыд кӧдзастӧ и няньтӧ, виасны тэнсьыд пиянтӧ и нывъястӧ, сёясны тэнсьыд ыжъястӧ и ӧшъястӧ, виноградтӧ и инжиртӧ. Шыпуртӧн найӧ бырӧдасны изкаръяснытӧ, мый вылӧ ті лача кутанныд.

Индӧд 28:51

Найӧ сёясны ыж-мӧснытӧ да мувыв быдтас-вотӧснытӧ, кытчӧдз оз бырӧдны тіянӧс. Найӧ оз кольны тіянлы нянь, вина ни олив вый, куканьясӧс, баляясӧс ни кӧзапиянӧс. Тадзи найӧ бырӧдасны тіянӧс.

Еврейяслы 10:31

Ёна повзьӧдана веськавны ловъя Енлӧн киӧ!

Закар 14:12

Но войтыръясӧс, кодъяс петісны Ерусалимлы паныд тышӧ, Господь мыждас. Найӧ ловъявывсьыныс сісьмасны, син гуранас синныс да вом пытшканыс кывныс сісьмас.

Аггей 1:6

Ті уна кӧдзанныд, но этша вунданныд, ті сёянныд, но онӧ пӧтӧй, ті юанныд, но горшныд оз веськав, ті пасьтасянныд, но онӧ шоналӧй, ті мырсянныд-уджаланныд, но зепныд век куш.

Еремей 20:4

Ӧд Господь тадзи висьталӧ: ”Ме вӧча тэнӧ повзьӧдчанторйӧн аслыд и став тэнад ёртъясыдлы. Тэнад син водзын найӧ усясны вӧрӧглӧн шыпуртысь. Иуда войтырӧс Ме сета вавилонса ӧксы киӧ. Ӧтиясӧс сійӧ нуӧдас Вавилонӧ, а мӧдъясӧс виас шыпуртӧн.

Еремей 15:8

Дӧваяслӧн лыдыс лоӧ саридздор лыа дорысь на унджык. Луншӧр кадӧ Ме мӧдӧда мамъяс дінӧ эмбур мырддялысьясӧс, виччысьтӧг мамъясӧс суас полӧм-тіралӧм.

Еремей 12:13

Менам войтырӧй кӧдзис шобді, а вундіс йӧн. Найӧ ёна мырсисны, но ставыс весьшӧрӧ. Мед тіянлы яндзим лоӧ нянь чукӧртіганыд, ӧд Господьлӧн яр скӧрлуныс вӧсна суис тіянӧс тайӧ.

Исай 10:4

Пленӧ босьтӧмаяс пӧвстын ті сувтанныд пидзӧс выланыд, кулӧмаяс моз усянныд. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 7:2

Кор ӧксы керкаын кылісны, мый арамейяс локтӧмаӧсь нин Ефрем муӧ, сэки Ахазлӧн да став войтырыслӧн сьӧлӧмныс вӧрзис, кыдзи вӧрын тӧвнырысь вӧрӧны пуяс.

Псалтыр 109:6

мыждас войтыръясӧс, тыртас мусӧ шойясӧн, разӧдас налысь юръяссӧ став му пасьтала.

Псалтыр 73:19

Эн сет зверъяслы косявлыны Ассьыд гулютӧ, пыр кежлӧ эн вунӧд Ассьыд гӧль йӧзтӧ.

Иов 20:25

поткӧдас сылысь сӧпсӧ, ньӧвсӧ перйигӧн курыд сӧптыс петас, и сійӧс полӧм-тіралӧм босьтас,

Иов 18:11

Повзьӧданторъяс кытшаласны сійӧс, вӧтчасны сы бӧрся.

Ёрдысьяс 6:11

Господьлӧн андел локтіс Офраӧ да пуксис Авиэзер рӧдысь Йоаслӧн тупу улӧ. Тайӧ кадас Гедеон, Йоаслӧн пиыс, виноград пычкан гуын вартіс шобді. Сэтчӧ сайӧдчис мадиансаясысь, медым найӧ эз тӧдмавны нянь йылысь.

Индӧд 32:25

Коді лоӧ ывлаын, кулас шыпурт помысь, коді лоӧ гортас, весьӧпӧрас. Виӧма лоӧ ныв-зонмӧс, пузчужӧм кагаӧс и дзор юраӧс.

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Ӧксыяслӧн 3 небӧг 8:37

Налӧн му вылӧ кӧ пуксяс тшыг кад либӧ паськалас пӧрӧс висьӧм, налысь няньсӧ кӧ бырӧдас сотысь тӧвру, кутшӧмкӧ висьӧм, саранча либӧ лёльӧ, налӧн му вылӧ кӧ уськӧдчас вӧрӧг, суас кӧ найӧс ускӧттьӧ либӧ висьӧм,

Шусьӧгъяс 3:33

Лёк вӧчысьлӧн керкаыс Господьлӧн ёрӧм улын, а веськыда олысьлысь керкасӧ Сійӧ бурсиӧ.

Исай 62:8

Господь сетіс кыв, кӧсйысис Аслас веськыд кинас, Аслас вына кинас Сійӧ кӧсйысис: – Тэнсьыд няньтӧ Ме ог нин сет вӧрӧгыдлы, йӧз муысь локтысьяс оз кутны юны тэнсьыд винатӧ, мый тэ мудзтӧдзыд вӧчин.

Еремей 15:3

Ме мӧдӧда тайӧ войтырыс вылӧ нёль мыждӧм, – висьталӧ Господь. – Шыпурт виас найӧс, понъяс кыскаласны шойяссӧ, кырныш-варыш кокаласны, зверъяс бырӧдасны коляссӧ.

Езекиль 24:23

Юрвевттьӧдныд лоас юр выланыд, кӧмныд – коканыд, ті онӧ кутӧй шогсьыны-бӧрдны, но асланыд мыжъяс вӧсна косьманныд-сісьманныд, матысса водзаныд кутанныд ышлолавны.

Малакий 2:3

Тіян кесъялӧмлы Ме пукта пом, гажӧдчан лунӧ ваян висьныдлысь сітсӧ Ме шыблала чужӧманыд, сэсся тіянӧс сітыскӧд шыбитасны ортсӧ.

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.