Левит 26:15 - Коми Библия 2023

¹⁵ мустӧмтанныд-зывӧктанныд кӧ Менсьым индӧд-тшӧктӧмъясӧс, Менам тшӧктӧмъяс серти кӧ онӧ олӧй, а торканныд Менсьым йитӧдӧс,

Левит 26:15 Referans Kwoze

Ӧксыяслӧн 4 небӧг 17:15

Найӧ ӧтдортісны Господьлысь тшӧктӧмъяссӧ, ӧлӧдӧмъяссӧ да йитӧдсӧ, мый Сійӧ кӧрталіс налӧн батьяскӧд. Найӧ мунісны шогмытӧм ылӧг енъяс бӧрся, и асьныс лоины сэтшӧм жӧ шогмытӧмӧсь. Найӧ олісны на гӧгӧр олысь войтыръяс моз, эз кывзыны Господьлысь ӧлӧдӧмсӧ.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Езекиль 16:59

Господь Ыджыдыс тадзи висьталӧ: Ме мынтыся тэныд уджъясыд серти. Тэ нинӧмӧ пуктін кыв сетӧмтӧ да торкин йитӧдӧс, мый Ме кӧрталі тэкӧд.

Еремей 11:10

Найӧ бергӧдчисны Меысь да батьясныс моз мыж вӧчисны. Налӧн батьясныс эз кӧсйыны кывзыны Менсьым кывъясӧс, а юрбитісны да кесъялісны мукӧд енъяслы. Израиль войтыр да Иуда войтыр торкисны Менсьым йитӧдӧс, мый Ме кӧрталі налӧн батьяскӧд».

Исай 24:5

Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны.

Лыд 15:31

ӧд сійӧ мустӧмтіс Господьлысь кывсӧ да торкис Сылысь тшӧктӧмсӧ. Тайӧ мортсӧ лоӧ бырӧдӧма, мыжыс кольӧ сы вылӧ».

Еврейяслы 8:9

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Найӧ торкисны йитӧдӧс, мый Ме кӧрталі накӧд, та вӧсна Ме бергӧдчи наысь, – висьталӧ Господь. –

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

Римӧ 8:7

Вир-яйсянь мӧвпалӧмыд эм Енлы паныд сувтӧм. Татшӧм мортыс оз сетчы Ен Индӧдлы, да и оз вермы.

Ап. уджъяс 13:41

– Видзӧдӧй, сералысьяс, да шензьӧй, тіянӧс лоӧ бырӧдӧма! Тіян олан лунъясӧ Ме вӧча сэтшӧмтор, мый тіянлы кӧ висьталасны та йылысь, ті онӧ эскӧй».

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Еремей 6:19

Кывзы, муыс! Ме ыста тайӧ войтырыслы шог. Тайӧ шогыс – налӧн лёк мӧвпъяслӧн вотӧсыс, ӧд Менсьым кывъясӧс найӧ эз кывзыны, Менсьым Индӧдӧс найӧ ӧтдортісны.

Шусьӧгъяс 5:12

шуан: «Мыйла нӧ ме мустӧмті велӧдӧмсӧ, мыйла сьӧлӧмӧй нинӧмӧ пуктіс ӧлӧдӧмсӧ?

Шусьӧгъяс 1:30

менсьым туйдӧдӧмӧс энӧ сибӧдӧй, менсьым янӧдӧмӧс нинӧмӧ пуктінныд.

Шусьӧгъяс 1:7

Тӧдӧмлуныс чужӧ Господьысь полӧмсянь, [Сыысь полӧмӧн олысь – вежӧра морт, Господьӧс пыдди пуктӧмсянь чужӧ вежӧрлуныс,] сӧмын вежӧртӧм йӧз мустӧмтӧны мывкыдлунсӧ да велӧдӧмсӧ.

Псалтыр 50:17

Господьӧй, восьт менсьым вомӧс, и менам вомысь кыптас Тэныд ошкӧмыс.

2 Каднебӧг 36:16

Но найӧ лёкӧдісны Енсянь юӧртысьясӧс да нинӧмӧ пуктісны Сылысь кывъяссӧ. Найӧ омӧльтісны Енлысь пророкъяссӧ сэтчӧдз, кытчӧдз Господь эз скӧрмы Аслас войтыр вылӧ, и налы эз вӧв мездмӧмыс.

Левит 26:43

Кор налӧн эновтӧм да кушмӧм муыс кутас шойччыны, сійӧ водзӧс босьтас аслас шойччытӧмысь. Найӧ мынтысясны мыжсьыныс, мый мустӧмтісны-зывӧктісны Менсьым индӧд-тшӧктӧмъясӧс.

Петӧм 24:7

Сэсся босьтіс Йитӧд небӧг да лыддис сійӧс войтырыслы. Найӧ шуисны: «Ми вӧчам ставсӧ, мый тшӧктіс Господь. Кутам кывзысьны».

Петӧм 19:5

Ті кӧ кутанныд кывзысьны Менсьым да оланныд йитӧд серти, мый Ме кӧрталі тіянкӧд, сэки войтыръяс пӧвстысь ті лоанныд Менам войтырӧн. Муыс ӧд ставнас Менам.

Олӧм 17:14

Кодлысь [кӧкъямысӧд лунӧ] оз ло вундыштӧма чильган йывсьыс кучикторсӧ, сійӧс мед лоӧ ӧтдортӧма аслас войтыр пӧвстысь, ӧд сійӧ торкӧ Менсьым йитӧдӧс, мый Ме кӧрталі тіянкӧд».

Левит 26:9

Ме бергӧдча тіянлань [да бурсиа тіянӧс]. Ме сета тіянлы чужтысьны-рӧдмыны. Тіянкӧд кӧрталӧм йитӧдӧс Ме збыльмӧда.

Левит 26:11

Ме ог кут зывӧктыны тіянӧс, Ассьым оланінӧс сувтӧда тіян шӧрӧ.

Ӧксыяслӧн 1 небӧг 12:15

Онӧ кӧ кутӧй кывзыны Господьӧс, а Сылы паныд кыпӧдчанныд, сэки Господь лэптас Ассьыс кисӧ тіянлы паныд, кыдзи лэптіс кисӧ батьясныдлы паныд.

Малакий 2:2

– Ті кӧ онӧ кутӧй кывзысьны Менсьым, онӧ кӧ кутӧй сьӧлӧмсяньныд пыдди пуктыны Менӧ, – висьталӧ Господь Саваоф, – Ме ыста тіян вылӧ ёрӧм, бурсиӧм пыдди ёра тіянӧс. Но Ме тіянӧс ёри нин, ӧд ті онӧ сьӧлӧмсяньныд пыдди пуктӧй Менӧ.