Левит 26:13 - Коми Библия 2023

¹³ Ме – Господь, тіян Енныд. Ме петкӧді тіянӧс Египет муысь, медым ті энӧ олӧй кесйӧг туйын. Ме мезді тіянӧс сийӧс улысь, медым ті веськӧдчӧмӧн ветлӧдлінныд».

Левит 26:13 Referans Kwoze

Езекиль 34:27

Пуяс кутасны вайны вотӧс, муыс сетас ассьыс быдтас. Менам войтырӧй кутас повтӧг овны аслас му вылын. Ме жугӧда налӧн сьылі вылысь сийӧссӧ да мезда найӧс нартитысьяслӧн кипод улысь. Сэки найӧ тӧдмаласны, мый Ме – Господь.

Левит 25:38

Ме – Господь, тіян Енныд. Ме петкӧді тіянӧс Египет муысь, медым сетны тіянлы Ханаан му да лоны тіян Енмӧн.

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Еремей 2:20

Ме важӧн нин жугӧді тэнсьыд сийӧстӧ, орйӧдлі тэнсьыд кӧртӧдъястӧ. Тэ шулін, мый он кут юрбитны идолъяслы, но став джуджыд керӧс вылын, быд пашкыр пу улын тэ куйлін кырсалысь ань моз.

Левит 25:55

ӧд Израиль пиян – Менам кесйӧгъяс. Ме петкӧді найӧс Египет муысь. Ме – Господь, тіян Енныд».

Исай 51:23

Ме сета сійӧс нартитысьяслы, кодъяс тшӧктісны тэныд нюжӧдчыны му вылас, медым мунны тэ вывті, кодъяс вӧчисны тэнсьыд мышкутӧ кокув муӧн, ветлысь-мунысьяслы туйӧн.

Левит 25:42

Израиль войтыр – Менам кесйӧгъяс, кодъясӧс Ме петкӧді Египет муысь, та вӧсна найӧс кесйӧг туйӧ вузавны оз позь.

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Езекиль 30:18

Тафнис карын луныс пемдас, кор сэні Ме жугӧда Египетлысь сийӧссӧ. Сэки бырас Египетлӧн выныс, мыйӧн сійӧ ошйысьӧ. Кымӧр вевттяс карсӧ, и сэтысь нывъяссӧ нуӧдасны пленӧ.

Осий 11:4

Муслуныслӧн кӧвъясӧн морт моз Ме кыски найӧс Ас дінӧ. Ме босьтлі на вылысь сийӧссӧ, копыртчӧмӧн пуктывлі на водзӧ сёян.

Петӧм 14:8

Господь чорзьӧдіс фараонлысь, египетса ӧксылысь, сьӧлӧмсӧ [да сылӧн киподувса йӧзлысь сьӧлӧмнысӧ]. Фараон уськӧдчис вӧтӧдны Израиль пиянӧс, а Израиль пиян Господьлӧн нуӧдӧм улын мунісны водзӧ.

Исай 9:3

Господьӧй, Тэ содтан-рӧдмӧдан тайӧ войтырсӧ, сетан налы ыджыд нимкодьлун. Найӧ пондасны ёна гажӧдчыны Тэ водзын, кыдзи гажӧдчӧны вундан кадӧ, кыдзи гажӧдчӧны тышын шедӧдӧм эмбур юклігӧн.

Еремей 28:2

«Господь Саваоф, Израильлӧн Ен, тадзи висьталӧ: Ме жугӧда вавилонса ӧксылысь сийӧссӧ!

Еремей 28:4

Иудаса Еконей ӧксыӧс, Ехоякимлысь писӧ, да ставнысӧ, кодъясӧс Иудаысь вӧлі нуӧдӧма пленӧ Вавилонӧ, Ме бӧр вайӧда тайӧ муас, – висьталӧ Господь, – ӧд Ме жугӧда вавилонса ӧксылысь сийӧссӧ».

Наум 1:13

Ӧні Ме босьта тэнад сьылі вылысь налысь сийӧссӧ да жугӧда сійӧс, орӧда тэнсьыд чепъястӧ.