Левит 25:39 - Коми Библия 2023

³⁹ Тэнад войтырысь кӧ кодкӧ гӧльмас и вузалас асьсӧ тэныд, эн уджӧд сійӧс кесйӧгӧс моз.

Левит 25:39 Referans Kwoze

Петӧм 21:2

Ньӧбан кӧ тэ еврей кесйӧгӧс, сійӧ мед уджалас тэныд квайт во чӧж, а сизимӧд вонас лэдз сійӧс вӧля вылӧ дон босьттӧг.

Ӧксыяслӧн 3 небӧг 9:22

Израильсаясӧс Соломон эз пуктыв кесйӧгъясӧн. Ӧксылы найӧ кесъялісны веськӧдлысьясӧн да тышкайӧзӧн, веськӧдлісны тарантаса тышкайӧзӧн да верзьӧмаясӧн.

Неемий 5:5

Мыйӧн нӧ ми торъялам вокъясысь? Миян челядьным тшӧтш ӧткодьӧсь. Но миянлы быть лоӧ кесйӧг туйӧ вузавны ныв-пинымӧс. Кодсюрӧ нывъясным кесйӧг туйынӧсь нин. Ми нинӧм огӧ вермӧй вежны, ӧд муясным да виноград йӧръясным йӧз киын».

Ӧксыяслӧн 4 небӧг 4:1

Ӧти пророк-велӧдчысьлӧн гӧтырыс бӧрдӧмӧн висьталіс Елисейлы: «Менам верӧсӧй, тэнад кесйӧгыд, куліс. Тэ ачыд тӧдан, мый сійӧ оліс Господьысь полӧмӧн. А ӧні сійӧ мортыс, кодлы ми уджйӧзаӧсь, кӧсйӧ босьтны менсьым кыкнан пиӧс аслыс кесйӧг пыдди».

Левит 25:46

Найӧс ті верманныд кольны асланыд ныв-пилы, верманныд видзны кесйӧгъясӧс моз, а вокъяснытӧ, Израиль пиянӧс, онӧ вермӧй. Энӧ лоӧй чорыдӧсь вокъясныд дінӧ.

Еремей 34:14

сизимӧд вонас лэдзны вӧля вылӧ ассьыныс еврей вокъяснысӧ, кодъяс асьнысӧ вузалісны кесйӧг пыдди. Татшӧм мортыс мед кесъялас квайт во, а сэсся сійӧс колӧ лэдзны вӧля вылӧ. Но тіян батьясныд эз кывзыны Менӧ, эз сибӧдны Менсьым кывъясӧс.

Еремей 30:8

Сійӧ лунӧ, – висьталӧ Господь Саваоф, – Ме жугӧда налӧн сьылі вылысь сийӧссӧ, орӧда налысь кӧртӧдъяссӧ. Найӧ оз нин кутны кесъявны мукӧд войтырлы,

Еремей 27:7

Став войтыръясыс пондасны кесъявны сылы, сылӧн пиыслы да пиыслӧн пиыслы, кытчӧдз оз во кад, кор сійӧ аслас войтырыскӧд кутас кесъявны мукӧд войтыръяслы да вына ӧксыяслы.

Еремей 25:14

Вавилонсаяслы ковмас кесъявны вына войтыръяслы да ыджыд ӧксыяслы. Тадзи Ме мынтыся налы лёк вӧчӧмсьыныс».

Петӧм 22:3

Но тайӧ кӧ вӧлі шонді петӧм бӧрын, морт виысь лоӧ мыжа. Гусясьысь мед вештысьӧ, а вештысьнысӧ кӧ оз вермы, сэки сійӧс асьсӧ мед вузаласны кесйӧг туйӧ. Тадзи сійӧ вештысяс гусясьӧмсьыс.

Петӧм 1:14

Курыд синва сора лои олӧмыс Израиль войтырлӧн. Найӧс ёна нартитісны, тшӧктісны вӧчны быдпӧлӧс сьӧкыд уджсӧ: талявны сёй, вӧчавны кирпич, уджавны видз-му вылын.

Матвей 18:25

Мынтынысӧ сійӧ эз вермы. Сэки ӧксы тшӧктіс вузавны тайӧ кесйӧгсӧ, сылысь гӧтырсӧ, ныв-писӧ да овмӧссӧ, медым тадзи бергӧдны уджйӧзсӧ.

2 Каднебӧг 28:10

А ӧні ті кӧсъянныд вӧчны Иудаын да Ерусалимын олысьясӧс асланыд кесйӧгъясӧн. Но ті ӧмӧй асьныд абу мыжаӧсь Господь Енныд водзын?

Еремей 34:8

Еремейлы вӧлі Господьсянь кыв сы бӧрти, кор Седекей ӧксы сёрнитчис ерусалимса войтыркӧд кесйӧгъясӧс лэдзӧм йылысь.

Еремей 34:9

Ставныслы колӧ вӧлі лэдзны вӧля вылӧ ассьыныс еврей кесйӧгъяснысӧ, тшӧтш кесйӧг аньяснысӧ. Некодлы оз позь вӧлі уджӧдны иудей воксӧ кесйӧгӧс моз.