Левит 24:9 - Коми Библия 2023

⁹ Тайӧ няньсӧ Ааронлы да сысянь чужысьяслы колӧ сёйны вежаинын, ӧд тайӧ – вежасьыс-вежатор, Господьлы ваян висьясысь налы пыр кежлӧ сетӧм пай».

Левит 24:9 Referans Kwoze

Левит 8:31

Мӧисей шуис Ааронлы да сылӧн пияныслы: «Пуӧй яйсӧ вежа чом пыранін дорын. Сэні сёйӧй яйсӧ да кудйысь няньсӧ, мый вайӧма попӧ сувтӧдан виськӧд. Меным вӧлі тшӧктӧма, медым Аарон пияныскӧд сёясны тайӧ висьсӧ.

Лука 6:4

Сійӧ пырис Ен керкаӧ, босьтіс вежа нянь да сёйис и сетіс тшӧтш аслас йӧзлы. Тайӧ няньсӧ сӧмын попъяслы позис сёйны».

Марк 2:26

Авиатар аркирей дырйи сійӧ пырис Ен керкаӧ, сёйис вежа нянь да сетіс тшӧтш аслас йӧзлы. Тайӧ няньсӧ сӧмын попъяслы позис сёйны».

Матвей 12:4

Сійӧ пырис Ен керкаӧ да сёйис аслас йӧзкӧд вежа нянь. Тайӧс налы вӧчнысӧ эз позь, сӧмын попъяслы позис.

Левит 10:17

«Мыйла ті энӧ сёйӧй мыжысь висьсӧ? Сійӧс колӧ вӧлі сёйны вежаинын, ӧд сійӧ – вежасьыс-вежатор. Господь индӧма сійӧс тіянлы, медым босьтінныд-вештінныд войтырлысь мыжсӧ Господь водзын.

Левит 6:16

А нянь висьлысь коляссӧ мед пӧжаласны шоммӧдтӧг. Аарон да сылӧн пияныс мед сёясны няньсӧ вежаинын, вежа чом йӧрын.

Ӧксыяслӧн 1 небӧг 21:6

Мӧдпӧлӧс няньыс эз вӧв, та вӧсна поп сетіс Давидлы вежа нянь. Тайӧ няньсӧ вӧлі босьтӧма Господьлӧн чужӧмбан водзысь, а сы пыдди вӧлі пуктӧма выль пӧжалӧм нянь.

Левит 21:22

Но сылы позьӧ сёйны Енлы вись пыдди вайӧм вежатор да вежасьыс-вежатор.

Малакий 1:12

А ті янӧданныд Менсьым нимӧс, кор нинӧмӧ пуктанныд Господьлысь пызансӧ, вись пыдди ваянныд сэтчӧ шогмытӧм сёян.

Левит 8:3

Чукӧрт став войтырсӧ вежа чом пыранін дорӧ».

Левит 24:10

Израиль войтыр пӧвстын вӧлі морт, кодлӧн мамыс вӧлі израильса, Дан чужанкотырысь Диврилӧн Шеломит нылыс, а батьыс – египетса. Чомъяс дорын сійӧ тышкасис ӧти израильсакӧд, омӧльтіс-лёкӧдіс Господьлысь нимсӧ, и сійӧс вайӧдісны Мӧисей дінӧ.

Петӧм 27:21

Ааронлы да сылӧн пияныслы рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ Израиль пиянлы нэмъяс кежлӧ чужысьяссянь чужысьясӧдз».

Левит 3:17

Тайӧ тшӧктӧмыс лоӧ тіянлы нэмъяс кежлӧ чужысьяссянь чужысьясӧдз. Быдлаын кутчысьӧй тайӧ тшӧктӧмас: гос да вир энӧ сёйӧй».

Левит 6:9

«Висьтав Ааронлы да сылӧн пияныслы сотан вись йылысь тайӧ индӧдсӧ. Сотан висьыс мед войбыд сотчас висьпуктанін вылын асылӧдзыс, висьпуктанінса биыс мед куслытӧг ӧзъялас.

Левит 6:11

Та бӧрын мед вежас паськӧмсӧ да петкӧдас пӧимсӧ чомъяс сайӧ сӧстӧминӧ.

Левит 10:12

Мӧисей висьталіс Ааронлы да сылӧн ловйӧн кольӧм Элазар да Итамар пияныслы: «Босьтӧй Господьлы вайӧм нянь висьлысь коляссӧ, пӧжалӧй сійӧс шоммӧдтӧг да сёйӧй висьпуктанін дорын, ӧд тайӧ – вежасьыс-вежатор.