Левит 24:2 - Коми Библия 2023

² «Тшӧкты Израиль пиянлы вайны тэныд оливысь пычкӧм сӧстӧм вый, медым би дозъясысь выйыс эз бырлы.

Левит 24:2 Referans Kwoze

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Иоан 5:35

Иоан вӧлі яръюгыда ӧзъялысь би, сӧмын этша кад ті кӧсйинныд нимкодясьны сылӧн югӧр улын.

Иоан 1:9

Збыль Югыдыс, быд мортӧс югдӧдысь, локтіс муюгыдас.

Иоан 1:4

Сы пытшкын вӧлі олӧм. Олӧмыс йӧзыслы вӧлі югыдӧн.

Лука 12:35

«Вӧнясьӧй да ӧзтӧй бинытӧ.

Лука 1:79

сетас югыдсӧ пемыдын олысьяслы, кулӧмыслӧн вуджӧр улын пукалысьяслы, Сійӧ веськӧдас кокнымӧс лӧньлуна туй вылӧ.

Матвей 5:16

Тадзи мед югдӧдас тіян югыдныд, медым йӧзыс аддзасны тіянлысь бур вӧчӧмнытӧ да ошкасны енэжвыв Батьнытӧ».

Матвей 4:16

Пемыдын олысь войтыр яр биа югыд аддзис, кулӧмыслӧн вуджӧр улын олысьяслы югыд кыа петіс.

Исай 11:2

Сы вылӧ лэччас Господьлӧн Лов, мывкыдлуныслӧн да гӧгӧрвоӧмлуныслӧн лов, туйдӧдӧмыслӧн да выныслӧн лов, тӧдӧмлуныслӧн да Господьысь полӧмыслӧн лов.

Исай 8:20

Шыасьӧй менам велӧдӧмӧй да гижӧдӧй дінӧ. Коді висьталӧ мӧд нога, оз тайӧ кывйыс серти, сылы аскиа луныс оз ло.

Шусьӧгъяс 6:23

Тшӧктӧмыс югыд вайӧ, туйдӧдӧмыс югдӧдӧ, ӧлӧдӧмыс олӧмӧ бергӧдӧ.

2 Каднебӧг 13:11

Быд асыв да рыт найӧ вайӧны Господьлы сотан висьяс да тшынӧдӧны чӧскыд ӧвтанторъяс. Найӧ пуктӧны вежа нянь сӧстӧм пызан вылӧ да быд рыт ӧзтӧны зарни бикок вылын сулалысь би дозъяс. Ми ставсӧ вӧчам асланым Господь Енлӧн индӧд серти, а ті эновтінныд Сійӧс.

Петӧм 40:24

Вежа чомйӧ лунвывладорас, пызаныслы воча, сувтӧдіс бикок.

Петӧм 39:37

весалӧм зарниысь вӧчӧм бикок, сы вылӧ пуктана би дозъяс став коланаторнас да сэтчӧ кисьтан вый,

Левит 24:1

Господь шуис Мӧисейлы:

Левит 24:3

Ааронлы [да сылӧн пияныслы] рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ тіянлы нэмъяс кежлӧ чужысьяссянь чужысьясӧдз.