Левит 23:34 - Коми Библия 2023

³⁴ «Висьтав Израиль пиянлы: сизимӧд тӧлысьлӧн дас витӧд лунсянь тіян лоӧны Чом вӧчан лунъяс – Господьлы сиӧм сизим лун.

Левит 23:34 Referans Kwoze

Иоан 7:2

Матыстчис иудейяслӧн гажӧдчан кад, Чом вӧчан лунъяс.

Неемий 8:14

Мӧисейлы сетӧм Индӧдысь найӧ аддзисны Господьлысь тшӧктӧм, мый сизимӧд тӧлысьнас гажӧдчан лунъяс дырйи Израиль войтырлы колӧ овны чомъясын.

Ездра 3:4

Индӧдын гижӧм серти пасйисны Чом вӧчан лунъяс, быд лун вайисны сотан висьяс, мыйта вӧлі тшӧктӧма вайны сійӧ лунӧ.

Лыд 29:12

Сизимӧд тӧлысьлӧн дас витӧд лунӧ тіян мед лоӧ вежа чукӧртчӧм. Некутшӧм удж сэки энӧ вӧчӧй. Сизим лун чӧж пасйӧй Господьлы сиӧм гаж.

Петӧм 34:22

Пасйӧй Ветымынӧд лунся гаж, кор кутанныд идравны-вундыны шобді. А во помын пасйӧй Чомӧр гаж, кор понданныд чукӧртны быдтас-вотӧснытӧ.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Петӧм 23:16

Пасйӧй Нянь вундан гаж, кор му вывсьыд вунданныд медводдза няньнытӧ. Пасйӧй во помын Чомӧр гаж, кор быдтас-вотӧснытӧ чукӧртанныд.

Еврейяслы 11:9

Эскӧмӧн Ӧвраам овмӧдчис кӧсйысьӧм муӧ да локтысь моз оліс сэні чомъясын. Сы моз олісны чомъясын Исаак да Яков, кодъяслы тшӧтш вӧлі сетӧма Енлысь кӧсйысьӧмсӧ.

Еврейяслы 11:13

Тайӧ эскысьясыс эз удитны босьтны Енсянь кӧсйысьӧмасӧ, но найӧ помӧдз видзисны эскӧмсӧ. Найӧ сӧмын ылісянь аддзылісны Енсянь кӧсйысьӧмасӧ да нимкодясисны сыӧн. Ас йывсьыныс найӧ шуалісны, ми пӧ тайӧ му вылас ветлысь-мунысьяс.

Левит 23:33

Господь шуис Мӧисейлы:

Левит 23:42

Олӧй сизим лун чӧж чомъясын. Израиль муын олысь став вужвойтырыс тайӧ лунъясӧ мед оласны чомъясын.

Левит 23:43

Тіянсянь чужысьяс та пыр мед тӧдмаласны, мый Ме овмӧді Израиль пиянӧс чомъясӧ, кор петкӧді найӧс Египет муысь. Ме – Господь, тіян Енныд».

Индӧд 16:16

Куимысь вонас став айуловныд мед локтасны Господь Енныд водзӧ сійӧ местаас, мый Господь бӧръяс. Сэні пасйӧй Шомтӧм нянь сёян лунъяс, Ветымынӧд лунся гаж да Чом вӧчан лунъяс. Господь водзӧ куш киӧн мед некод оз лок,

Индӧд 31:10

Мӧисей тшӧктіс налы: «Быд сизимӧд воӧ, уджйӧз киритан воӧ, Чом вӧчан лунъяс пасйигӧн,

Ӧксыяслӧн 3 небӧг 8:2

Гажӧдчан лунъяс дырйи, этаним нима сизимӧд тӧлысьӧ, израильсаяс чукӧртчисны Соломон ӧксы дінӧ.

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

Ӧксыяслӧн 3 небӧг 12:32

Сійӧ индіс, мый кӧкъямысӧд тӧлысьлӧн дас витӧд лунӧ лоӧ гаж, Иуда муын кодь пасъян гаж. Вефильӧ сувтӧдӧм висьпуктанін вылын Еровам вайис висьяс вӧчӧм ӧшъяслы да индіс попъясӧс, медым найӧ кесъялісны вись ваян мылькъяс вылын.

Езекиль 45:25

Сизимӧд тӧлысьлӧн дас витӧд лунсянь лоӧны вежа гажӧдчан лунъяс. Сизим лун чӧж ӧксы мед вайӧ мыжысь вись, сотан вись, нянь вись да олив вый, кыдзи мукӧд гажӧдчан лунъяс дырйи».