Левит 22:18 - Коми Библия 2023

¹⁸ «Висьтав Ааронлы, сылӧн пияныслы да став Израиль пиянлы тайӧ тшӧктӧмсӧ. Коді Израиль войтыр пӧвстысь либӧ йӧз муысь локтысьяс пӧвстысь кӧсъяс вайны Господьлы кыв сетан вись либӧ ас кӧсйӧм серти ваян вись, медым сотны сійӧс,

Левит 22:18 Referans Kwoze

Индӧд 12:6

да вайӧй ассьыныд сотан висьястӧ да мукӧд висьястӧ, мувыв быдтасысь дасӧд юкӧнтӧ да вайӧмторъястӧ, кыв сетан висьястӧ, ас кӧсйӧм серти ваян висьястӧ [бурасян висьястӧ] да ыж-мӧсныдлысь медводдза чужысьяссӧ.

Лыд 15:3

да ваянныд Господьлы чӧскыда ӧвтысь сотан вись либӧ начкан вись пыдди ӧшкӧс либӧ ыжӧс, лоӧ-ӧ тайӧ висьыс кыв сетан вись либӧ ас кӧсйӧм серти ваян вись либӧ гаждырся вись,

Левит 1:2

висьтавны Израиль пиянлы: «Коді кутас вайны Господьлы вись, мед ваяс ӧшкӧс, ыжӧс либӧ кӧзаӧс.

Ап. уджъяс 18:18

Павел бура дыр на оліс Коринфын. Сэсся вокъяскӧд колльӧдчӧм бӧрын кывтіс Прискиллакӧд да Акилкӧд Сирияӧ. Кенкреяын сійӧ шырис юрсӧ, ӧд Ен водзын сылӧн кӧсйысьӧмыс помасис.

Наум 1:15

Со, керӧсъяс вывті локтӧ бур юӧр вайысь. Сійӧ лӧнь олӧм йылысь юӧртӧ: – Иуда, пасйы гажӧдчан лунъястӧ, вай кыв сетан висьястӧ. Лёк йӧз оз нин мунны тэнад муӧд, найӧс дзикӧдз бырӧдӧма!

Иона 2:9

Ковтӧм ылӧг енъяслы юрбитысьяс эновтісны Тэнӧ, буралысь Енмӧс.

Иона 1:16

Корабль вылын ставнысӧ босьтіс Господьысь полӧм. Найӧ вайисны Господьлы вись да нӧшта кӧсйисны вайны кыв сетан висьяс.

Еклесиаст 5:4

Кӧсйысин кӧ да эн вӧч – тайӧ лёктор. Бурджык, он кӧ кӧсйысь.

Псалтыр 65:1

Сьылысьясӧн веськӧдлысьлы. Сьыланкыв. Псалом. Гораа нимкодясьӧмӧн ошкӧй Енсӧ, му вылын олысьяс!

Псалтыр 61:8

Енмыс – менӧ Мездысьыс, Сыӧн ме ошйыся. Енмыс – менам изкыртаыс, Сы вылӧ ме лача кута.

Псалтыр 61:5

Ті мӧвпаланныд шыбитны менӧ вылісянь, сьӧлӧмнытӧ бурмӧданныд пӧръясьӧмӧн. Вомнаныд ті бурсианныд, но ас пытшканыд ёранныд.

Псалтыр 56:12

Енмӧй, Тэнӧ нимӧдӧмыс мед кыптас енэжъясысь на вылӧджык, Тэнад дзирдлуныд мед паськалас став му пасьтала!

Индӧд 16:10

Сэки пасйӧй Господьлы, асланыд Енлы, сиӧм Ветымынӧд лунся гаж да вайӧй ас кӧсйӧм серти висьяс. Быдӧн мед ваяс аслас Господь Енлӧн бурсиӧмыс серти.

Индӧд 12:17

Асланыд оланінъясын тіянлы оз позь сёйны дасӧд юкӧнсӧ, мый торйӧданныд няньысь, винаысь да олив выйысь, а сідзжӧ оз позь сёйны ыж-мӧсныдлысь медводдза чужысьсӧ, кыв сетан висьяснытӧ, ас кӧсйӧм серти ваян висьяснытӧ да вайӧмторъяснытӧ.

Левит 23:38

Таысь ӧтдор тіянлы колӧ чукӧртчыны Господьлы сиӧм шойччан лунъясӧ да вайны Господьлы козинъяс, кыв сетан висьяс да ас кӧсйӧм серти ваян висьяс.

Левит 17:13

Израиль пиян пӧвстысь либӧ йӧз муысь локтысьяс пӧвстысь кӧ кодкӧ кыяс пемӧсӧс либӧ лэбачӧс, кутшӧмӧс позьӧ сёйны, кыйдӧсыслысь вирсӧ лэдзӧм бӧрын мед тыртас муӧн.

Левит 17:10

«Израиль войтыр пӧвстысь либӧ йӧз муысь локтысьяс пӧвстысь кӧ кодкӧ сёяс вир, Ме паныд сувта сылы да бырӧда сійӧс войтыр пӧвстысь,

Левит 7:16

Кыв сетан вись либӧ ас кӧсйӧм серти вайӧм вись колӧ сёйны сійӧ жӧ лунӧ, но коляс кӧ мыйкӧ, сійӧс позьӧ сёйны мӧд луннас на.

Левит 1:10

Сотан висьнас кӧ лоӧ ыж либӧ кӧза, вись вайысь мед ваяс дзоньвидза ай пемӧсӧс да [сылы юр вылас кисӧ пуктылӧм бӧрын]

Петӧм 12:5

Босьтны колӧ дзоньвидза арӧса баляӧс, сійӧ мед вӧлі межпи либӧ кӧзапи.

Левит 22:17

Господь шуис Мӧисейлы:

Амос 4:5

Аттьӧалана вись пыдди сотӧй шоммӧдӧм нянь, ас кӧсйӧм серти вайӧм вись йывсьыныд юӧртӧй-ошйысьӧй. Ӧд ті, Израиль войтыр, радейтанныд тадзи вӧчны, – висьталӧ Господь Ыджыдыс.

Малакий 1:14

Ёрӧма пӧръясьысьӧс, коді дзоньвидза ай пемӧссӧ кӧсйысьӧ вись пыдди вайны Господьлы, но вайӧ висьысьӧс. Тӧдӧй, Ме – ыджыд Ӧксы, – висьталӧ Господь Саваоф, – и Менам нимысь полӧны войтыръяс.

2 Каднебӧг 31:14

Коре нима левит, Имнайлӧн пиыс, асыввыв дзиръя видзысь, тӧждысис войтырлӧн ас кӧсйӧм серти Енлы вайӧмторъяс вӧсна, юкліс попъяслы вежасьыс-вежаторъяс да Господьлы вайӧм козинъяс.