Левит 22:16 - Коми Библия 2023

¹⁶ Попъяс мед оз торкны вежа вайӧмторъяс сёйӧм йылысь тшӧктӧмсӧ, медым Израиль войтыр эз мыжмы, ӧд Ме – Господь, вайӧмторъяссӧ Вежӧдысь».

Левит 22:16 Referans Kwoze

Левит 22:9

Попъяс мед кутчысясны Менам тшӧктӧмъясӧ. А оз кӧ, найӧ лоӧны мыжаӧсь да куласны. Ме – Господь [Ен], найӧс Вежӧдысь.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Псалтыр 38:4

Менам сьӧлӧмӧй пондіс сотчыны, мӧвпъясӧй кутісны ыпъявны, сэки ме понді сёрнитны.

Левит 20:8

Олӧй Менам тшӧктӧмъяс серти, ӧд Ме – Господь, тіянӧс Вежӧдысь.

Левит 7:18

Коймӧд луннас кӧ сёянныд бурасян висьлысь яйсӧ, висьныд оз ло шогмана. Вись вайысьлы бурыс оз ло. Тайӧ яйыс лоӧ пеж, и коді сёяс сійӧс, лоӧ мыжа.

Матвей 23:17

Синтӧмъяс да мывкыдтӧмъяс! Мый ыджыдджык: зарниыс али зарнисӧ вежӧдысь крамыс?

Петӧм 28:38

медым сійӧ лоӧ Ааронлӧн плеш вылас. Тадзи Аарон босьтӧ ас вылас Израиль пиянлысь мыж, найӧ кӧ вежа сетӧмторъяссӧ вайигӧн кутшӧмкӧ ногӧн торкӧны Индӧдсӧ. Тайӧ зарни пӧвторйыс мед пыр лоас Ааронлӧн плеш вылас, медым Израиль пиянлӧн сетӧмторъясыс вӧліны шогманаӧсь Господьлы.

Левит 10:17

«Мыйла ті энӧ сёйӧй мыжысь висьсӧ? Сійӧс колӧ вӧлі сёйны вежаинын, ӧд сійӧ – вежасьыс-вежатор. Господь индӧма сійӧс тіянлы, медым босьтінныд-вештінныд войтырлысь мыжсӧ Господь водзын.

Левит 22:17

Господь шуис Мӧисейлы:

Лыд 18:1

Господь шуис Ааронлы: «Тэ, пияныд да батьыдлӧн рӧдыс нуанныд мыжсӧ, вежаин йылысь тшӧктӧмъяссӧ кӧ лоӧ торкӧма. А попъясӧн кесъялӧм йылысь тшӧктӧмъяссӧ кӧ лоӧ торкӧма, сэки мыжсӧ нуан тэ пияныдкӧд.

Лыд 18:32

Ті кӧ сетанныд Господьлы медбурсӧ сыысь, мый вайӧны Израиль пиян, ті онӧ пежалӧй налысь вежа вайӧмторъяссӧ, онӧ лоӧй мыжаӧсь да онӧ кулӧй».

Левит 21:8

Вежавидзӧмӧн пыдди пуктӧй попӧс, ӧд сійӧ вись вайӧ [Господьлы] тіян Енлы. Поп мед лоас тіянлы вежа, ӧд Ме вежа. Ме – Господь, тіянӧс Вежӧдысь.

Левит 21:15

медым эз пежав ассьыс водзӧ чужысьяссӧ. Ме – Господь [Ен], сійӧс Вежӧдысь».

Левит 21:23

Но аслас тырмытӧмтор вӧсна сылы оз позь пырны Вежаинӧ либӧ матыстчыны висьпуктанін дорӧ, медым эз пежав Менсьым вежаинӧс. Ме – Господь, попъясӧс Вежӧдысь».