Левит 21:10 - Коми Библия 2023

¹⁰ Вокъясыс пӧвстысь медыджыд попӧ пуктӧм морт, кодлы юр вылас кисьтӧма мавтыштан вый да коді новлӧ вежа паськӧм, мед оз ветлӧдлы юрсӧ тупкытӧг да ас вывсьыс паськӧмсӧ мед оз косяв.

Левит 21:10 Referans Kwoze

Левит 16:32

Мыжнытӧ мед вештас поп, кодӧс мавтыштӧма да пуктӧма кесъявны аслас батьыс бӧрся. Сійӧ мед пасьталас вежа шабді паськӧмсӧ,

Матвей 26:65

Сэки аркирей косяліс ассьыс паськӧмсӧ да шуис: «Сійӧ Енмӧс омӧльтӧ! Висьталысьяс миянлы оз нин ковны, ті асьныд кывлінныд Сылысь омӧльтӧмсӧ.

Лыд 35:25

Войтырыс мед доръяс морт виысьӧс водзӧс перйысьлӧн киысь да бӧр вайӧдас карӧ, кытчӧ сійӧ коркӧ пышйыліс. Сійӧ мед олас сэні вежа выйӧн мавтыштӧм аркирейлӧн кувтӧдз.

Левит 8:12

Ааронлы юр вылас Мӧисей кисьтіс мавтыштан вый. Тадзи мавтыштіс да вежӧдіс сійӧс.

Псалтыр 133:2

Кыпӧдӧй кинытӧ вежаинлань да ошкӧй Господьӧс!

Эсфир 6:12

Та бӧрын Мардокей бӧр локтіс ӧксы керкаӧ, а Аман шогсьӧмысла юрсӧ тупкӧмӧн тэрмасьӧмӧн муніс гортас.

Ӧксыяслӧн 2 небӧг 15:30

А Давид кайис Олив керӧсӧ. Кӧмтӧгыс да юрсӧ вевттьӧмӧн сійӧ муніс и бӧрдіс. Сыкӧд мунысь йӧзыс тшӧтш вевттисны юрнысӧ да бӧрдісны.

Левит 13:45

Проказаӧн висьысьлы колӧ новлыны косялӧм паськӧм да вевттьыны ныр-вомсӧ, а юрсӧ оз ков вевттьыны. Сійӧ мед горзӧ: ”Пеж, пеж!”

Олӧм 37:34

Яков косяліс паськӧмсӧ да гартыштіс коскас чорыд дӧра. Уна лун чӧж сійӧ бӧрдіс пиыс вӧсна.

Иов 1:20

Иов чеччис да косяліс вылыс паськӧмсӧ, юрсисӧ шырис да кымынь уськӧдчис муас.

Петӧм 29:7

Сэсся босьт мавтыштан вый да кисьт Ааронлы юр вылас. Тадзи тэ мавтыштан сійӧс.

Езекиль 24:17

Ас кежсьыд сьӧлӧмад шогсьы, кулӧма вӧсна бӧрдӧдчӧм эн вӧч. Шогалысьяслы вайӧм нянь эн сёй, чужӧмтӧ эн тупкы, быд лунӧ моз ов юркӧртӧдӧн да кӧмӧн».

Левит 4:3

Мавтыштӧм поп кӧ мыж вӧчас, и сылӧн мыж вӧчӧмысь лоӧ мыжа став войтырыс, сэки сійӧ ас вӧснаыс мед ваяс Господьлы мыжысь вись пыдди дзоньвидза ӧшкӧс.

Лыд 6:7

Весиг батьыс либӧ мамыс, вокыс либӧ чойыс кӧ кулас, сылы оз позь пежавны асьсӧ. Ӧд сылӧн юр вылын Енлы асьсӧ сетан пас.