Левит 20:2 - Коми Библия 2023

² «Висьтав Израиль пиянлы: мед виасны мортӧс, коді сетас ныв-писӧ Молок идоллы. Израиль войтыр мед изъялас тайӧ мортсӧ, Израиль войтырысь-ӧ сійӧ либӧ йӧз муысь локтысь.

Левит 20:2 Referans Kwoze

Индӧд 21:21

Карса олысьяс мед изъяласны сійӧс кувтӧдзыс. Бырӧдӧй лёксӧ ас пӧвстсьыныд. Став Израиль войтыр мед кылас та йылысь да кутас повны.

Левит 24:23

Мӧисей висьталіс тайӧс Израиль пиянлы. Омӧльтысьӧс петкӧдісны чомъяс сайӧ да изъялісны. Израиль пиян вӧчисны сідзи, кыдзи Господь тшӧктіс Мӧисейлы.

Левит 24:14

«Петкӧд тайӧ омӧльтысьсӧ чомъяс сайӧ. Найӧ, кодъяс кывлісны сылысь омӧльтӧмсӧ, мед пуктыласны кинысӧ сылы юр вылас. Сэсся став войтырыс мед изъялас сійӧс.

Левит 20:27

Кулӧмаӧс корысьӧс да тунасьысьӧс колӧ вины, ань-ӧ сійӧ либӧ айлов. Сійӧс мед изъяласны, сійӧ ачыс лоӧ мыжа аслас кулӧмысь».

Левит 18:21

Ныв-питӧ эн вай вись пыдди Молок идоллы, эн янӧд аслад Енлысь нимсӧ. Ме – Господь.

Ап. уджъяс 7:43

Ті новлӧдлінныд Молок идоллысь чомсӧ да Ремфан енлысь кодзувсӧ. Ас киӧн ті вӧчинныд тайӧ бӧлбанъяссӧ да юрбитінныд налы. Та вӧсна Ме вӧтла тіянӧс Вавилонысь на ылӧджык.

Езекиль 23:39

Ассьыныс пиянсӧ идолъясныслы начкӧм бӧрын найӧ сійӧ жӧ лунӧ локтісны Менам вежаинӧ, тадзи пежалісны сійӧс. Со мый найӧ вӧчисны Менам керкаын.

Езекиль 23:37

Найӧ ӧд пежалісны йитӧдӧс, мый Ме кӧрталі накӧд. Найӧ сетчисны идолъясныслы, налы вись пыдди биын сотлісны пияннысӧ, кодъясӧс чужтісны Меным. Налӧн киныс вирӧсь.

Езекиль 20:31

Идолъяслы юрбитӧмнаныд ті ӧнӧдз асьнытӧ пежаланныд, кор ваянныд налы козинъяс да сотанныд вись пыдди ассьыныд пияннытӧ. И та бӧрын ті, израильсаяс, локтанныд юасьны Менсьым! Ме Ачым кыв сетӧмӧн шуа, – висьталӧ Господь Ыджыдыс, – мый ог вочавидз тіянлы.

Езекиль 20:26

Найӧ сотлісны биын ассьыныс медводдза чужысь пиянсӧ. Ме лэдзи налы пежавны асьнысӧ татшӧм висьяснас, но ысті на пӧвстӧ ыджыд полӧм да сеті налы тӧдны, мый Ме – Господь.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 7:31

Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.

Псалтыр 106:38

Господь бурсиӧ найӧс, и налӧн лыдыс содӧ, налӧн ыж-мӧскыс оз чин.

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

2 Каднебӧг 28:3

Бен-Хинном ковтысын сійӧ сотліс висьяс ылӧг енъяслы, сотліс биын ассьыс пиянсӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 23:10

Ӧксы пежаліс Бен-Хинном ковтысын Тофет нима висьваянін, медым йӧзыс дугдісны сэні сотны ассьыныс ныв-пинысӧ Молок идоллы.

Ӧксыяслӧн 4 небӧг 17:17

Ныв-пинысӧ найӧ сотісны вись пыдди, тунасисны да тшыкӧдчисны. Найӧ сетчисны лёкас, вӧчисны Господь водзын шогмытӧмсӧ, тадзи скӧрмӧдісны Господьӧс.

Индӧд 18:10

Некод тіян пӧвстысь мед оз сот ассьыс писӧ либӧ нывсӧ вись пыдди. Тіян пӧвстын мед оз ло тунасьысь, кимӧститчысь, тшыкӧдчысь,

Индӧд 12:31

Господьлы, асланыд Енлы, кесъялігӧн на моз энӧ вӧчӧй. Асланыс енъяслы кесъялігӧн найӧ ӧд вӧчӧны сійӧ, мый зывӧктӧ-мустӧмтӧ Господь. Найӧ весиг ассьыныс ныв-писӧ сотӧны асланыс енъяслы.

Левит 17:15

Вужвойтыр пӧвстысь либӧ йӧз муысь локтысьяс пӧвстысь кӧ кодкӧ сёяс шой либӧ косявлӧм пемӧслысь яй, сійӧ мед мыськалас паськӧмсӧ да ачыс тшӧтш мыссяс. Рытӧдзыс сійӧ лоӧ пеж, а сэсся лоӧ сӧстӧм.

Левит 17:13

Израиль пиян пӧвстысь либӧ йӧз муысь локтысьяс пӧвстысь кӧ кодкӧ кыяс пемӧсӧс либӧ лэбачӧс, кутшӧмӧс позьӧ сёйны, кыйдӧсыслысь вирсӧ лэдзӧм бӧрын мед тыртас муӧн.

Левит 17:8

Нӧшта висьтав, мый Израиль войтыр пӧвстысь либӧ йӧз муысь локтысьяс пӧвстысь кӧ кодкӧ ваяс сотан вись либӧ мукӧд вись,

Левит 20:1

Господь шуис Мӧисейлы:

Ӧксыяслӧн 3 небӧг 11:7

Ерусалимсянь асыввылын сулалысь керӧс вылын Соломон вӧчис моавсаяслӧн зывӧк Кемош идоллы да аммон войтырлӧн зывӧк Молок идоллы юрбитанінъяс.

Левит 24:16

Господьлысь нимсӧ омӧльтысьӧс колӧ вины. Став войтырыс мед изъялас сійӧс. Вужвойтырысь либӧ йӧз муысь локтысьяс пӧвстысь коді кутас омӧльтны Господьлысь нимсӧ, сійӧс мед виасны.

Индӧд 17:2

Господьӧн, тіян Енмӧн, сетӧм карын кӧ айлов либӧ ань вӧчас Господь Енныд водзын шогмытӧмсӧ – торкас йитӧдсӧ, мый Сійӧ кӧрталіс тіянкӧд,

Индӧд 22:21

сэки аньсӧ мед вайӧдасны бать керка ӧдзӧс дорас, и карса айулов мед изъяласны сійӧс кувтӧдзыс. Ӧд бать керкаын олігас сійӧ кырсалӧмнас шогмытӧмтор вӧчис Израильын. Бырӧдӧй лёксӧ ас пӧвстсьыныд.