Левит 2:11 - Коми Библия 2023

¹¹ Господьлы ваян нянь висьнытӧ пӧжалӧй шоммӧдтӧг. Господьлы вись пыдди оз позь сотны няньшом да ма.

Левит 2:11 Referans Kwoze

Галатӧ 5:9

Этшаник няньшом шоммӧдӧ дзоньнас кӧтассӧ.

Лука 12:1

Сэккості чукӧрмис уна сюрс морт, найӧ весиг дзескӧдісны ӧта-мӧднысӧ. Исус медводз шыасис велӧдчысьяс дінас: «Видзчысьӧй фарисей няньшомысь, налӧн кодь кык бана оласногысь.

Петӧм 23:18

[Кор Ме вӧтла тіян водзысь мукӧд войтыръясӧс да паськӧда оланіннытӧ,] Меным вись пыдди вир вайигӧн энӧ вайӧй шома нянь. Меным вайӧм гаждырся висьлысь госсӧ асылӧдзыс энӧ кольӧй.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

Марк 8:15

Исус шуис налы: «Видзчысьӧй фарисей да Ирӧд няньшомысь».

Шусьӧгъяс 25:27

Абу бур – уна ма сёйны, абу бур – ошкӧмсӧ корсьны.

Шусьӧгъяс 25:16

Сюрис кӧ тэныд ма, сёй мыйта колӧ, сӧмын эн восмӧныд.

Шусьӧгъяс 24:13

Пиӧй, сёй ма, ӧд сійӧ бур, горшыдлы сійӧ юмов.

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Матвей 16:6

Исус шуис налы: «Видзчысьӧй фарисей да саддукей няньшомысь».

Петӧм 34:25

Меным вись пыдди вир вайигӧн энӧ вайӧй шома нянь. Ыджыдлунся висьысь асылӧдзыс нинӧм энӧ кольӧй.

Петӧм 29:25

Сэсся босьт тайӧс налӧн киысь да сот висьпуктанін вылын сотан виськӧд. Тайӧ Господьлы чӧскыд ӧвтантор, Господьлы сотан вись.

Левит 1:13

Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 6:10

Асывнас поп мед пасьталас шабді дӧра паськӧм да улыс шабді гач, сэсся чукӧртас сотан вись вайӧм бӧрын висьысь кольӧм пӧимсӧ да койыштас сійӧс висьпуктанін бокӧ.