Левит 19:4 - Коми Библия 2023

⁴ Энӧ юрбитӧй идолъяслы, энӧ сывдӧй-вӧчӧй аслыныд бӧлбанъясӧс. Ме – Господь, тіян Енныд.

Левит 19:4 Referans Kwoze

Левит 26:1

«Энӧ вӧчӧй бӧлбанъясӧс, энӧ сувтӧдӧй из сюръяяс да серпасалӧм изъяс, медым налы юрбитны. Ме – Господь, тіян Енныд.

Петӧм 34:17

Энӧ сывдӧй аслыныд бӧлбанъясӧс.

Петӧм 20:23

Энӧ вӧчӧй аслыныд эзысь да зарни енъясӧс.

1 Иоан 5:21

Челядь, видзӧй асьнытӧ идолъясысь. Аминь.

Индӧд 27:15

”Ёрӧм улӧ веськалӧ быдӧн, коді сывдӧмӧн либӧ мӧд ногӧн вӧчӧ бӧлбанӧс – Господьлы зывӧкторйӧс – да гусяинын юрбитӧ сылы”. И став войтырыс мед шуас: ”Мед лоӧ тадзи!”

1 Коринфӧ 10:14

Сідзкӧ, мусаяс, энӧ юрбитӧй идолъяслы.

Псалтыр 96:5

Господьлӧн чужӧмбан водзын сись моз сылӧны керӧсъяс, ӧд Сійӧ став му пасьтала Ыджыдыс.

Петӧм 32:4

Сійӧ босьтіс ставсӧ, сывдіс да вӧчис-мольӧдіс ӧшкӧс. Йӧзыс шуисны: «Израиль, тайӧ тэнад ен, сійӧ петкӧдіс тэнӧ Египет муысь!»

Аггей 2:18

Ӧні видзӧдлӧй, мый водзӧ лоӧ тайӧ лунсяньыс, ӧкмысӧд тӧлысьлӧн кызь нёльӧд лунсянь, кор вӧлі пуктӧма подувсӧ Господьлӧн крамлы.

Левит 19:5

Господьлы бурасян висьнытӧ вайигӧн видзӧдӧй, медым вӧлінныд шогманаӧсь.

1 Каднебӧг 16:26

Войтыръяслӧн енъясыс – идолъяс, а Господь енэжъяс вӧчис.

Левит 11:44

Ме – Господь, тіян Енныд. Вежӧдӧй-сӧстӧммӧдӧй асьнытӧ, лоӧй вежаӧсь, ӧд Ме [Господь, тіян Енныд] – вежа. Энӧ пежалӧй асьнытӧ му вывті котралысь-веглясьысьяс вӧсна.

Левит 19:25

Витӧд вонас верманныд сёйны вотӧссӧ. Тадзи ті кутанныд чукӧртны унасьыс-уна вотӧс. Ме – Господь, тіян Енныд.

Индӧд 4:16

медым энӧ сетчӧй пежас да энӧ вӧчӧй аслыныд некутшӧм бӧлбан, энӧ серпасалӧй идолӧс, кӧні петкӧдлӧма айловӧс либӧ аньӧс,

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Ӧксыяслӧн 3 небӧг 14:9

Тэ вӧчин лёксӧ унджык на дорысь, кодъяс вӧліны тэӧдз. Тэ сувтӧдалін аслыд мукӧд енъясӧс да бӧлбанъясӧс, медым Менӧ скӧрмӧдны. Тадзи тэ ӧтдортін Менӧ.

2 Каднебӧг 28:2

Сійӧ ветліс израильса ӧксыяслӧн туйӧд, весиг сывдӧмӧн вӧчис Ваал бӧлбанъяс.