Левит 19:32 - Коми Библия 2023

³² Пыдди пукты пӧрысь мортӧс, чеччы сы водзын. Пов аслад [Господь] Енмысь. Ме – Господь [тіян Енныд].

Левит 19:32 Referans Kwoze

1 Тимофейлы 5:1

Пӧрысьясӧс чорыда эн ӧлӧд, туйдӧд найӧс батьтӧ моз, томджыкъясӧс – воктӧ моз.

Бӧрданкыв 5:12

Юралысьяснымӧс найӧ ӧшӧдісны, пӧрысьясӧс пыдди оз пуктыны.

Шусьӧгъяс 16:31

Дзор юрсиыд – нималӧмлӧн юркытшыс, сійӧс веськыда олысьлы сетӧны.

Шусьӧгъяс 20:29

Том мортлы ошкӧмсӧ вайӧ выныс, пӧрысьӧс мичмӧдӧ дзор юрсиыс.

Иов 32:6

Элиху, Буз чужанвужйысь Баракеллӧн пиыс, шыасис: – Ме том на, а ті ыджыд арлыдаӧсь нин, та вӧсна ме полі, эг лысьт висьтавны сійӧ, мый ме тӧда.

Иов 32:4

Элиху виччысис, медым панны сёрни, ӧд мукӧдыс арлыднас вӧліны сыысь ыджыдджыкӧсь.

1 Петыр 2:17

Быдӧнӧс пыдди пуктӧй, вокъясӧс радейтӧй, Енсьыс полӧй, ӧксыӧс бурӧ пуктӧй.

Римӧ 13:7

Сідзкӧ, сетӧй быдӧнлы коланасӧ: кодлы вот сетны – сылы вот сетӧй, кодлы мын – сылы мын, кодысь колӧ повны – сыысь полӧй, кодӧс колӧ пыдди пуктыны – сійӧс пыдди пуктӧй.

Исай 3:5

Йӧзыс кутасны дзескӧдны ӧта-мӧднысӧ, быдӧн – ассьыс матыссасӧ. Том зон кутас омӧльтны пӧрысь мортӧс, некытчӧ туйтӧм кутас лёкӧдны пыдди пуктанаӧс.

Левит 19:14

Пельтӧм морт вылын эн серав, синтӧмлы кок улас эн пукты крукасянтор. Аслад [Господь] Енмысь пов. Ме – Господь [тіян Енныд].

Ӧксыяслӧн 3 небӧг 2:19

Вирсавия муніс Соломон ӧксы дінӧ, медым сёрнитны Адонийлӧн корӧм йылысь. Ӧксы чеччис да копыртчылӧмӧн вочааліс Вирсавияӧс, сэсся пуксис аслас юралан пуклӧсӧ. Ӧксылӧн мамыслы тшӧтш вайисны пуклӧс. Вирсавия пуксис ӧксы веськыдладорӧ

Олӧм 31:35

Ракель шуис аслас батьыслы: «Эн скӧрмы, ыджыдӧй, мый ог вермы сувтны тэ водзӧ. Менам ӧні сійӧ, мый аньяслӧн овлӧ быд тӧлысьӧ». Лаван корсис [чом пасьталаысь], но эз аддзы гортса бӧлбанъяссӧ.

Ӧксыяслӧн 4 небӧг 17:36

Но полӧй Господьысь, коді ыджыд выннас да вына кисӧ лэптӧмӧн петкӧдіс тіянӧс Египет муысь. Сӧмын Сылы юрбитӧй да висьяснытӧ вайӧй.

Шусьӧгъяс 23:22

Кывзысь батьыдлысь, олӧмтӧ сетысьлысь, эн мустӧмт мамтӧ сылӧн пӧрысь кадас.

Олӧм 48:12

Ӧсип вештіс найӧс батьыслӧн пидзӧс дорысь да копыртчыліс батьыслы муӧдзыс.