Левит 19:3 - Коми Библия 2023

³ Пыдди пуктӧй бать-мамнытӧ. Видзӧй Менсьым шойччан лунӧс. Ме – Господь, тіян Енныд.

Левит 19:3 Referans Kwoze

Петӧм 20:12

Пыдди пукты ассьыд бать-мамтӧ, медым [тэныд вӧлі бур да] олӧмыд вӧлі кузь нэма сійӧ муас, мый Господь, тэнад Енмыд, сетас тэныд.

Петӧм 20:8

Эн вунӧд шойччан лунтӧ. Сійӧ мед лоас тэныд вежа.

Еврейяслы 12:9

Мувывса батьяс миянӧс ставнымӧс чирыштлісны, но ми найӧс пыдди пуктім. Сідзкӧ, кымын пӧв ёнджыка на колӧ кывзысьны енэжвыв Батьлысь, медым овны.

Шусьӧгъяс 30:17

Коді сералӧ батьсӧ да мустӧмтӧ мамыслысь тшӧктӧмъяссӧ, сылысь синсӧ ковтысын кокаласны кырныш да кутшпиян.

Левит 11:44

Ме – Господь, тіян Енныд. Вежӧдӧй-сӧстӧммӧдӧй асьнытӧ, лоӧй вежаӧсь, ӧд Ме [Господь, тіян Енныд] – вежа. Энӧ пежалӧй асьнытӧ му вывті котралысь-веглясьысьяс вӧсна.

Исай 58:13

Тэ кӧ видзан коктӧ шойччан лун торкӧмысь, он кӧ ов аслад кӧсйӧм серти Менам вежа лунӧ, шуан кӧ шойччан лунсӧ олан гажӧн, пыдди пуктан кӧ Господьлысь вежа лунсӧ, видзан кӧ асьтӧ быдлунся удж вӧчӧмысь, ас кӧсйӧм серти олӧмысь да нинӧм абусӧ сёрнитӧмысь,

Шусьӧгъяс 30:11

Курыд шог налы, кодъяс батьнысӧ ёрӧны да мамнысӧ оз бурсины.

Шусьӧгъяс 23:22

Кывзысь батьыдлысь, олӧмтӧ сетысьлысь, эн мустӧмт мамтӧ сылӧн пӧрысь кадас.

Индӧд 27:16

”Ёрӧм улӧ веськалӧ быдӧн, коді увтыртӧ батьсӧ либӧ мамсӧ”. И став войтырыс мед шуас: ”Мед лоӧ тадзи!”

Петӧм 21:17

Коді лёкӧдас бать-мамсӧ, сійӧс мед виасны.

Петӧм 21:15

Коді вачкас батьсӧ либӧ мамсӧ, сійӧс мед виасны.

Петӧм 16:29

Видзӧдӧй, Господь сетіс тіянлы шойччан лун, та вӧсна квайтӧд лунӧ Сійӧ сетӧ тіянлы няньсӧ кык лун кежлӧ. Сизимӧд лунӧ мед некод оз пет аслас оланінысь».

Малакий 1:6

– Пиыс ассьыс батьсӧ пыдди пуктӧ, кесйӧг – ассьыс ыджыдсӧ. Ме кӧ тіян Бать, мыйла ті онӧ пыдди пуктӧй Менӧ? Ме кӧ тіян Господь, кӧні Меысь вежавидзӧмныд? Тайӧс Ме, Господь Саваоф, юала тіянлысь, попъяс, кодъяс нинӧмӧ пуктанныд Менӧ. Ті юаланныд: «Мыйӧн ми нинӧмӧ пуктам Тэнӧ?»

Езекиль 20:12

Ме инді налы шойччан лун. Тайӧ луныс лоӧ Ме да на костын пасӧн, медым найӧ тӧдісны, мый Ме – Господь, найӧс Вежӧдысь.

Левит 26:2

Видзӧй Менсьым шойччан лунӧс, пыдди пуктӧй Менсьым вежаинӧс. Ме – Господь.

Шусьӧгъяс 1:8

Пиӧй, кывзы батьыдлысь велӧдӧмсӧ, эн ӧтдорт мамыдлысь туйдӧдӧмсӧ.

Левит 19:30

Видзӧй Менсьым шойччан лунӧс, пыдди пуктӧй Менсьым вежаинӧс. Ме – Господь.

Левит 23:3

Квайт лун уджалӧй, а сизимӧд луныс мед лоӧ шойччан лун. Сэки тіян мед лоас вежа чукӧртчӧм, некутшӧм удж энӧ вӧчӧй. Тайӧ луныс мед лоӧ Господьлы сиӧм шойччан лун быдлаын, кӧні кутанныд овны».

Индӧд 5:16

Пыдди пукты ассьыд бать-мамтӧ, кыдзи тшӧктіс тэныд Господь, тэнад Енмыд, медым олӧмыд вӧлі кузь нэма да тэныд вӧлі бур сійӧ муас, мый Господь, тэнад Енмыд, сетас тэныд.

Олӧм 48:12

Ӧсип вештіс найӧс батьыслӧн пидзӧс дорысь да копыртчыліс батьыслы муӧдзыс.

Левит 19:25

Витӧд вонас верманныд сёйны вотӧссӧ. Тадзи ті кутанныд чукӧртны унасьыс-уна вотӧс. Ме – Господь, тіян Енныд.

Левит 19:31

Кулӧмаӧс корысь да туналысь дінӧ энӧ шыасьӧй, насянь асьнытӧ энӧ пежалӧй. Ме – Господь, тіян Енныд.

Левит 19:34

Йӧз муысь локтысьясӧс, кодъяс олӧны тіян пӧвстын, лыддьӧй вужвойтырӧн. Радейтӧй найӧс асьнытӧ моз. Ӧд Египетын ті асьныд вӧлінныд локтысь войтырӧн. Ме – Господь, тіян Енныд.

Неемий 9:14

Тэ сетін налы тшӧктӧм Аслад вежа шойччан лун йылысь, юӧртін Аслад Мӧисей кесйӧг пыр индӧд-тшӧктӧмъястӧ.