27 Кӧсичадор юрсинытӧ энӧ шырӧй. Тоштӧ энӧ тшӧтшӧдӧй.
«Ті – Господь Енлӧн ныв-пиыс. Кулӧм морт вӧсна шогсигӧн энӧ вундалӧй вир-яйнытӧ да энӧ шырӧй плеш водзсьыд юрсинытӧ.
Поп мед юрсисӧ оз шыр, тошсӧ оз тшӧтшӧд, вир-яйсӧ оз вундав.
Попъяс мед оз кушӧдз шырны юрнысӧ, но и мед оз быдтыны кузь юрси.
Найӧ шырӧмаӧсь юрнысӧ, бритӧмаӧсь тошнысӧ, налӧн ки выланыс пуртӧн вундӧм туйяс, найӧ пасьтасьӧмаӧсь шогалан паськӧмӧ.
Тайӧ муас куласны ичӧтъяс и гырысьяс, но найӧс некод оз гуав, некод оз кут бӧрдны на вӧсна, некод оз вундав ассьыс вир-яйсӧ да оз шыр юрсисӧ на вӧсна.
Сэні олысьяс мунӧны Баитӧ да Дивонӧ, найӧ кайӧны бӧрдны вись ваян мыльк вылӧ. Моавсаяс бӧрдӧны Нево да Медева вӧсна, налысь ставныслысь шырӧма юрсинысӧ да тошнысӧ.
Найӧ пасьталасны шогалан паськӧм, бритасны юрнысӧ. Полӧм-тіралӧм босьтас найӧс, яндзим вевттяс чужӧмнысӧ.
Кулӧм морт вӧсна энӧ вундалӧй вир-яйнытӧ, кучик выланыд энӧ гижасьӧй-серпасасьӧй. Ме – Господь [тіян Енныд].
Миспаӧ локтісны Сикемысь, Силомысь да Самарияысь кӧкъямысдас морт. Найӧ вӧліны бритӧм тошкаӧсь да косявлӧм паськӧмаӧсь, вир-яйнысӧ вӧлі вундалӧмаӧсь пуртӧн. Найӧ вайисны аскӧдныс Господьлӧн крамӧ вись пыдди нянь да чӧскыд ӧвтанторъяс.
Ханун босьтіс Давидлысь кесйӧгъяссӧ, шырис найӧс да улісяньыс коскӧдзыс вундіс налысь паськӧмнысӧ шӧрипельӧ. Сэсся бӧр ыстіс найӧс.
Матыстчӧны лунъяс, – висьталӧ Господь, – кор Ме кута мыждыны вундыштчӧмаясӧс и вундыштчытӧмъясӧс.
