Левит 19:14 - Коми Библия 2023

¹⁴ Пельтӧм морт вылын эн серав, синтӧмлы кок улас эн пукты крукасянтор. Аслад [Господь] Енмысь пов. Ме – Господь [тіян Енныд].

Левит 19:14 Referans Kwoze

Индӧд 27:18

”Ёрӧм улӧ веськалӧ быдӧн, коді синтӧмӧс туй вылысь кежӧдӧ”. И став войтырыс мед шуас: ”Мед лоӧ тадзи!”

Левит 19:32

Пыдди пукты пӧрысь мортӧс, чеччы сы водзын. Пов аслад [Господь] Енмысь. Ме – Господь [тіян Енныд].

1 Петыр 2:17

Быдӧнӧс пыдди пуктӧй, вокъясӧс радейтӧй, Енсьыс полӧй, ӧксыӧс бурӧ пуктӧй.

Римӧ 14:13

Водзӧ огӧ кутӧй мыжавны ӧта-мӧднымӧс. Мӧдарӧ, видзӧдӧй, медым энӧ крукӧдӧй да энӧ уськӧдӧй вокнытӧ.

Левит 25:17

Энӧ пӧръялӧй ӧта-мӧднытӧ. Полӧй асланыд Енмысь, ӧд Ме – Господь, тіян Енныд.

Восьтӧм 2:14

Но Менам эм мыйсюрӧ тэныд паныд: тіян пӧвстын эмӧсь найӧ, кодъяс кутчысьӧны Валаамлӧн велӧдӧмӧ. Сійӧ велӧдіс Валакӧс кежӧдны Израиль войтырӧс ылӧгас, медым найӧ сёйисны идоллы вайӧм сёян да кырсалісны.

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.

Римӧ 12:14

бурсиӧй тіянӧс вӧтлысьясӧс, бурсиӧй найӧс, а энӧ ёрӧй.

Олӧм 42:18

Коймӧд луннас Ӧсип шуис налы: «Вӧчӧй, мый ме тшӧкта, сэки ловйӧн колянныд, ӧд ме пола Енсьыс.

1 Коринфӧ 10:32

Энӧ лоӧй крукӧдӧн некодлы: ни иудейяслы, ни грекъяслы, ни Енлӧн вичколы.

Левит 19:15

Ёрд вылын ло веськыд. Мыжды веськыда, эн видзӧд чужӧм вылӧ. Гӧль и озыр морт мед лоӧны тэныд ӧткодьӧсь.

Псалтыр 111:10

Тайӧс аддзигӧн Ентӧг олысь скӧралӧ, пиньсӧ йирӧ и лёкысла потӧ. Лёк вӧчысьяслӧн кӧсйӧмыс торксьӧ. Ошкӧм.