Левит 19:10 - Коми Библия 2023

¹⁰ Виноград вотӧснытӧ энӧ кушӧдз ӧктӧй и му вылас гылалӧмасӧ энӧ босьталӧй. Гӧльяслы да йӧз муысь локтысьяслы чукӧртны кольӧй. Ме – Господь, тіян Енныд.

Левит 19:10 Referans Kwoze

Исай 24:13

Став му пасьтала йӧзыс кольӧ сы мында, мыйта вотӧсыс кольӧ олив пу пыркӧдӧм бӧрын, виноград вотӧс чукӧртӧм бӧрын.

Исай 17:6

и шептыс этша кольӧ. Израилькӧд лоӧ сійӧ жӧ, – висьталӧ Господь, Израильлӧн Ен, – кыдзи овлӧ олив чукӧртӧм бӧрын: пу йылас кольӧ сӧмын кык-куим, вож вылас – нёль-ӧ-вит олив.

Левит 25:6

Мулӧн шойччан воӧ мый ачыс быдмас, лоӧ сёянӧн тіянлы, кесйӧгъясныдлы, меда йӧзныдлы да йӧз муысь локтысьяслы.

Микей 7:1

Курыд шог меным! Воис кад – вотӧс чукӧртӧм бӧрын кодь, виноград ӧктӧм бӧрын кодь: сёйыштны виноградыс абу, корся инжир вотӧс, а сійӧ абу.

Авдий 1:5

Тэ дінӧ кӧ локтісны гусясьысьяс, войся куштысь-мырддялысьяс, найӧ эськӧ бырӧдісны тэнӧ, но гусялісны эськӧ сӧмын мыйта налы колӧ. Тэ дінӧ кӧ локтісны виноград чукӧртысьяс, найӧ эськӧ колисны мыйтакӧ вотӧс.

Еремей 49:9

Эдом, тэ дінӧ кӧ локтісны виноград чукӧртысьяс, найӧ эськӧ колисны мыйтакӧ вотӧс. Войнас кӧ локтісны гусясьысьяс, найӧ эськӧ гусялісны мыйта налы колӧ.

Ёрдысьяс 8:2

Гедеон вочавидзис: «Ефремсянь чужысьяс, ті ӧд вӧчинныд ме дорысь унджык на! Ті чукӧртінныд бӧръя виноград розъяссӧ, тадзи унджык вӧчинныд Авиэзер рӧд дорысь.

Левит 19:9

Няньнытӧ вундігӧн му бокъяссӧ кольӧй вундытӧг. Вундӧм дырйи усьласьӧм шепсӧ энӧ чукӧртӧй.

Левит 19:11

Энӧ гусясьӧй да энӧ пӧръясьӧй, ӧта-мӧднытӧ энӧ ылӧдлӧй.

Левит 23:22

Няньнытӧ вундігӧн му бокъяссӧ кольӧй вундытӧг. Вундӧм дырйи усьласьӧм шепсӧ энӧ чукӧртӧй. Гӧльяслы да йӧз муысь локтысьяслы чукӧртны кольӧй. Ме – Господь, тіян Енныд».

Индӧд 24:19

Няньтӧ вундіганыд кӧ му вылӧ вунӧданныд кольта, энӧ бергӧдчӧй сыла. Мед сійӧ вичмас йӧз муысь локтысьлы, [гӧльлы,] батьтӧм-мамтӧмлы либӧ дӧвалы. Сэки Господь, тіян Енныд, бурсиас тіянӧс быд уджын.

Индӧд 24:20

Олив путӧ пыркӧдӧм бӧрын мый коляс пу вылас, энӧ чукӧртӧй. Мед сійӧ вичмас йӧз муысь локтысьлы, батьтӧм-мамтӧмлы да дӧвалы. [Энӧ вунӧдӧй, мый ті асьныд вӧлінныд кесйӧг туйынӧсь Египетын. Та вӧсна тшӧкта тіянлы тадзи вӧчны.]

Руфа 2:2

Моавса Руфа шыасис Ноеминь дорӧ: «Позяс-ӧ меным видз-му вылӧ петавны? Лэдзасны кӧ, усьласьӧм шепсӧ ӧктышта». Ноеминь вочавидзис: «Ветлы, нылӧй».

Левит 11:44

Ме – Господь, тіян Енныд. Вежӧдӧй-сӧстӧммӧдӧй асьнытӧ, лоӧй вежаӧсь, ӧд Ме [Господь, тіян Енныд] – вежа. Энӧ пежалӧй асьнытӧ му вывті котралысь-веглясьысьяс вӧсна.

Левит 19:25

Витӧд вонас верманныд сёйны вотӧссӧ. Тадзи ті кутанныд чукӧртны унасьыс-уна вотӧс. Ме – Господь, тіян Енныд.

Индӧд 24:21

Виноградтӧ чукӧртӧм бӧрын кольӧм вотӧсыс мед вичмас йӧз муысь локтысьлы, батьтӧм-мамтӧмлы да дӧвалы.