Левит 18:5 - Коми Библия 2023

⁵ Кутчысьӧй Менам индӧд-тшӧктӧмъясӧ. На серти олысь наӧн пондас овны. Ме – Господь [тіян Енныд].

Левит 18:5 Referans Kwoze

Римӧ 10:5

Индӧд серти веськыдлун йылысь Мӧисей гижӧ: «Индӧд серти олысь Индӧднас пондас овны».

Езекиль 20:11

Сэні Ме сеті налы индӧд-тшӧктӧмъясӧс, и на серти олысь видзас ассьыс олӧмсӧ.

Галатӧ 3:12

Индӧдыс оз подулась эскӧм вылӧ. Гижӧма: «Индӧд серти олысь Индӧднас пондас овны».

Лука 10:28

Исус шуис сылы: «Бура вочавидзин. Вӧч тадзи, сэки кутан овны».

Езекиль 20:21

Но найӧ тшӧтш кыпӧдчисны Меным паныд, эз овны Менам индӧд-тшӧктӧмъяс серти, медым видзны ассьыныс олӧмнысӧ. Нӧшта найӧ пежалісны Менсьым шойччан лунӧс. Сэки Ме шуи, мый овтӧминын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 20:13

Но Израиль войтыр кыпӧдчис Меным паныд овтӧминын. Найӧ бокӧ вештісны Менсьым индӧд-тшӧктӧмъясӧс, на серти эз овны, медым видзны ассьыныс олӧмнысӧ. Менсьым шойччан лунӧс найӧ пежалісны. Сэки Ме шуи, мый овтӧминын кисьта на вылӧ Ассьым скӧрлунӧс да бырӧда найӧс.

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Петӧм 6:2

Ен шуис Мӧисейлы: «Ме – Господь.

Малакий 3:6

Ме – Господь, Ме ог вежлась! И ті, Яковлӧн пиян, абу вежсьӧмныд.

Петӧм 6:29

«Ме – Господь. Висьтав фараонлы, египетса ӧксылы, ставсӧ, мый Ме висьтала тэныд».

Матвей 19:17

Исус вочавидзис: «Мыйла тэ шуан Менӧ бурӧн? Некод абу бурыс, сӧмын Енмыс бур. Кӧсъян кӧ пырны помтӧм олӧмӧ, ов тшӧктӧмъяс серти».

Римӧ 7:10

и ме кулі. Тадзи олӧмсӧ сетысь Индӧдыс вайис меным кулӧм.

Левит 18:6

Тіян пӧвстысь некод мед оз узьлы рӧдвуж аньыскӧд. Ме – Господь.

Индӧд 4:1

«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.

Неемий 9:29

Тэ ӧлӧдлін найӧс, медым найӧ бергӧдчисны Тэнад Индӧд дінӧ, но найӧ пыксисны, эз кывзыны Тэнсьыд тшӧктӧмъястӧ, мыж вӧчӧмӧн торкисны Тэнсьыд Индӧдтӧ, мый вайӧ олӧм мортыслы, коді сы серти олӧ. Найӧ пыксисны-асныралісны, эз кывзыны Тэнӧ.

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

Езекиль 18:9

Сійӧ сьӧлӧмсяньыс олӧ Менам индӧд-тшӧктӧмъяс серти. Сійӧ – веськыда олысь, и овны кутас, – висьталӧ Господь Ыджыдыс.

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,

Индӧд 30:20

да радейтінныд Господьӧс, ассьыныд Ентӧ, кывзысинныд Сылысь да кутчысинныд Сы дінӧ. Сэки ті кутанныд дыр овны сійӧ муас, мый Господь [Ен] кыв сетӧмӧн кӧсйысис сетны тіян батьяслы – Ӧвраамлы, Исааклы да Яковлы».