Левит 17:15 - Коми Библия 2023

¹⁵ Вужвойтыр пӧвстысь либӧ йӧз муысь локтысьяс пӧвстысь кӧ кодкӧ сёяс шой либӧ косявлӧм пемӧслысь яй, сійӧ мед мыськалас паськӧмсӧ да ачыс тшӧтш мыссяс. Рытӧдзыс сійӧ лоӧ пеж, а сэсся лоӧ сӧстӧм.

Левит 17:15 Referans Kwoze

Индӧд 14:21

Энӧ сёйӧй пемӧс-лэбачлысь шойсӧ. Сетӧй сійӧс либӧ вузалӧй йӧз муысь локтысьяслы, кодъяс олӧны тіян каръясын. Ті – Господь Енлӧн вежа войтырыс. Эн пу кӧзапиӧс мамыслӧн йӧв пиын».

Левит 22:8

Шой да косявлӧм пемӧсӧс сылы оз позь сёйны, медым насянь эз пежав асьсӧ. Ме – Господь.

Петӧм 22:31

Лоӧй Менам вежа войтырӧн. Энӧ сёйӧй зверӧн косявлӧм пемӧслысь яйсӧ, шыбитӧй сійӧс понъяслы.

Левит 11:25

Пеж пемӧслысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж.

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.

Езекиль 44:31

Попъяслы оз позь сёйны пӧтка-пемӧс шой да зверӧн косявлӧм пӧтка-пемӧс».

Езекиль 4:14

Ме шуи: «Господьӧй Ыджыдӧй! Ме некор эг пежавлы ачымӧс. Том кадсянь талунъя лунӧдз ме эг сёйлы зверӧн косявлӧм пемӧслысь либӧ шой пемӧслысь яй. Ме вомӧ эг босьтлы пеж яй».

Левит 15:5

Сылӧн куйланінӧ инмӧдчысьлы колӧ мыськавны паськӧмсӧ да аслыс тшӧтш мыссьыны. Рытӧдзыс сійӧ лоӧ пеж.

Лыд 19:21

Тайӧ тшӧктӧмыс тіянлы нэмъяс кежлӧ. Сӧстӧммӧдчан ваӧн резысь мед тшӧтш мыськалас ассьыс паськӧмсӧ. Сӧстӧммӧдчан ваӧ инмӧдчылысь рытӧдзыс лоӧ пеж.

Лыд 19:19

Сӧстӧм морт мед коймӧд луннас да сизимӧд луннас резас пеж мортӧс, тадзи сизимӧд луннас сӧстӧммӧдас сійӧс. Сӧстӧммӧдӧм мортыс мед мыськалас ассьыс паськӧмсӧ, и ачыс мыссяс. Тайӧ рытсяньыс сійӧ лоӧ сӧстӧм.

Лыд 19:8

Мӧскӧс сотысь мед тшӧтш мыськалас паськӧмсӧ да ачыс мыссяс. Рытӧдзыс сійӧ лоӧ пеж.

Левит 15:21

Аньлӧн куйланінӧ инмӧдчысьлы колӧ мыськавны паськӧмсӧ да аслыс тшӧтш мыссьыны. Рытӧдзыс сійӧ лоӧ пеж.

Левит 15:10

Быдӧн, коді инмӧдчылас кӧлуйӧ, мый вылын пукаліс висьысь, рытӧдзыс лоӧ пеж. Коді нуас-петкӧдас татшӧм кӧлуйсӧ, сылы колӧ мыськавны паськӧмсӧ да аслыс тшӧтш мыссьыны. Рытӧдзыс сійӧ лоӧ пеж.

Левит 7:24

Кулӧм либӧ зверӧн косявлӧм пемӧс госнас вермасны вӧдитчыны овмӧсын, но сёйны сійӧс оз позь.

Левит 11:40

Коді сёяс татшӧм яйсӧ либӧ нуас-петкӧдас шойсӧ, сылы колӧ мыськавны паськӧмсӧ, сійӧ рытӧдзыс лоӧ пеж.

Петӧм 22:30

Вайӧй ыж-мӧсныдлысь [да осёлъясныдлысь] медводдза чужысьӧс. Сизим лун видзӧй сійӧс мам дінас, а кӧкъямысӧд луннас вайӧй сійӧс Меным.

Левит 11:24

Ті лоанныд пежӧсь, инмӧдчанныд кӧ пеж пемӧслӧн шойӧ. Инмӧдчысь рытӧдзыс лоӧ пеж.

Левит 11:27

Нёль кока пемӧсъяс пӧвстысь лапаяс вылын ветлӧдлысьяс тіянлы пежӧсь. Коді инмӧдчас налӧн шойӧ, сійӧ рытӧдзыс лоӧ пеж.

Левит 11:28

Налысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж. Татшӧм пемӧсъясыс тіянлы пежӧсь.

Левит 11:31

Найӧ тіянлы пежӧсь. Коді инмӧдчас налӧн шойӧ, сійӧ рытӧдзыс лоӧ пеж.

Левит 11:32

Татшӧм котралысь-веглясьысьлӧн шойыс кӧ усяс пуысь вӧчӧм дозмук-кӧлуй вылӧ, паськӧм вылӧ, кучик вылӧ либӧ чорыд дӧра вылӧ, сэки татшӧм кӧлуйыс лоӧ пеж. Сійӧс колӧ видзыштны ваын. Рытӧдзыс сійӧ лоӧ пеж, а сэсся лоӧ сӧстӧм.

Левит 11:39

Кулас кӧ пемӧс, кодӧс тіянлы позьӧ сёйны, и сылӧн шой дінӧ кодкӧ кӧ инмӧдчас, сійӧ рытӧдзыс лоӧ пеж.