Левит 16:8 - Коми Библия 2023

⁸ Ай кӧзаяссӧ сійӧ мед торйӧдас пудъясьӧмӧн: ӧтисӧ мед ваясны Господьлы вись пыдди, мӧдсӧ мед нуӧдасны овтӧминӧ.

Левит 16:8 Referans Kwoze

Иона 1:7

Кывтысьяс шуисны ӧта-мӧдныслы: «Пудъясям, мед тӧдны, код вӧсна миянӧс суис тайӧ шогыс». Пудъясисны да, петкӧдліс Иона вылӧ.

Шусьӧгъяс 16:33

Паськӧм дорышӧ пудсӧ шыбитан, но кодлы пудйыс усяс – тайӧ Господьсянь.

Езекиль 48:29

Тадзи юклӧй му Израиль чужанкотыръяслы. Юклӧй сійӧс пудъясьӧмӧн, – висьталӧ Господь Ыджыдыс».

Лыд 33:54

Пудъясьӧмӧн юклӧй мусӧ чужанкотыръясныдлы. Кутшӧм чужанкотырын йӧзыс унджык, сэтшӧм чужанкотырлы сетӧй ыджыдджык му, а кутшӧм чужанкотырын йӧзыс этшаджык, сэтшӧм чужанкотырлы сетӧй ичӧтджык му. Пудъясьӧм серти кодлы кытысь усьӧ муыс, сэні и лоӧ сылӧн пайыс.

Лыд 26:55

Юклы мусӧ пудъясьӧмӧн, чужанкотыръяслӧн бать ним серти.

Левит 16:7

Кык ай кӧзасӧ мед босьтас да сувтӧдас Господь водзӧ, вежа чом пыранін дорӧ.

Левит 16:9

Господьлы веськалӧм ай кӧзасӧ Аарон мед ваяс мыжысь вись пыдди,

Левит 16:10

а мӧдсӧ мед сувтӧдас ловйӧн Господь водзӧ. Мыж вештӧм могысь мед пуктасны мыжъяссӧ кӧза вылас да вӧтласны овтӧминӧ. [Тайӧ кӧзаыс ас вылас нуас Израиль пиянлысь мыжъяссӧ овтӧминӧ.]

Левит 16:26

Овтӧминӧ кӧзаӧс нуӧдысьыс мед мыськалас паськӧмсӧ да ачыс тшӧтш мыссяс, сӧмын та бӧрын вермас локны йӧз дінӧ чомъясӧ.