Левит 15:5 - Коми Библия 2023

⁵ Сылӧн куйланінӧ инмӧдчысьлы колӧ мыськавны паськӧмсӧ да аслыс тшӧтш мыссьыны. Рытӧдзыс сійӧ лоӧ пеж.

Левит 15:5 Referans Kwoze

Левит 11:25

Пеж пемӧслысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж.

Левит 17:15

Вужвойтыр пӧвстысь либӧ йӧз муысь локтысьяс пӧвстысь кӧ кодкӧ сёяс шой либӧ косявлӧм пемӧслысь яй, сійӧ мед мыськалас паськӧмсӧ да ачыс тшӧтш мыссяс. Рытӧдзыс сійӧ лоӧ пеж, а сэсся лоӧ сӧстӧм.

Левит 16:26

Овтӧминӧ кӧзаӧс нуӧдысьыс мед мыськалас паськӧмсӧ да ачыс тшӧтш мыссяс, сӧмын та бӧрын вермас локны йӧз дінӧ чомъясӧ.

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Еврейяслы 9:26

Кристос кӧ тадзи вӧчис, му пуксьӧмсяньыс Сылы эськӧ унаысь нин ковмыліс кувны. Но бӧръя кадӧ Сійӧ сӧмын ӧтчыдысь вайис Асьсӧ вись пыдди, медым бырӧдны мыж.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

Езекиль 36:29

Мезда тіянӧс став пежсьыныд. Ме сета тіянлы уна нянь, ог лэдз тіянлы тшыгъявны.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Исай 22:14

Господь Саваоф висьталіс меным: – Тайӧ мыжнытӧ Ме ог вешты, кулан лунӧдзныд ті лоанныд мыжаӧсь. Тадзи висьталӧ Ыджыдыс, Господь Саваоф.

Исай 1:16

Сӧстӧммӧдчӧй, весалӧй асьнытӧ, медым водзӧ Ме эг нин аддзы тіянлысь лёк уджъяснытӧ. Дугдӧй вӧчны лёксӧ,

Псалтыр 51:7

Та вӧсна Енмыс дзикӧдз бырӧдас тэнӧ, босьтас да шыбитас тэнӧ аслад оланінсьыд, вужнас нетшыштас тэнӧ ловъя олысьяслӧн муысь.

Псалтыр 51:2

Давид лӧсьӧдіс тайӧ сьыланкывсӧ сы бӧрти, кор эдомса Доик юӧртіс Сауллы Ахимелек ордӧ Давидлӧн локтӧм йылысь.

Псалтыр 26:6

Сэки ме лэпта юрӧс, ог кут повны менӧ кытшалысь вӧрӧгысь. Господьлӧн крамын вая Сылы висьяс, нимкодясьӧмӧн понда сьывны Сылы ошкӧм.

Лыд 19:22

Ставыс, кытчӧ пеж морт инмӧдчылас, лоӧ пеж. Коді инмӧдчылас пежасьӧмтор дінӧ, сійӧ рытӧдзыс лоӧ пеж».

Лыд 19:10

Пӧим чукӧртысь мед мыськалас паськӧмсӧ. Рытӧдзыс сійӧ лоӧ пеж. Израиль пиянлы да йӧз муысь локтысьяслы тайӧ тшӧктӧмыс нэмъяс кежлӧ.

Левит 16:28

Сотысьыс мед мыськалас паськӧмсӧ да ачыс тшӧтш мыссяс, сӧмын та бӧрын вермас локны йӧз дінӧ чомъясӧ.

Левит 14:27

а веськыд кисьыс чуньсӧ выйнас кӧтӧдлӧмӧн сизимысь мед резас Господь водзын.

Левит 13:34

Сизимӧд луннас поп мед бара видзӧдлас висьысьӧс. Карсыс кӧ абу паськалӧма да абу яйӧдзыс пырӧма, поп мед шуас висьысьӧс сӧстӧмӧн. Мортыс мед мыськалас паськӧмсӧ, и сэсся лоӧ сӧстӧм.

Левит 13:6

Сизимӧд луннас поп мед бара видзӧдлас висьысьӧс. Чутыс кӧ оз тӧдчы да абу паськалӧма, поп мед шуас висьысьӧс сӧстӧмӧн. Тайӧ абу пеж висьӧм. Висьысь мед мыськалас паськӧмсӧ, и сэсся лоӧ сӧстӧм.

Левит 11:32

Татшӧм котралысь-веглясьысьлӧн шойыс кӧ усяс пуысь вӧчӧм дозмук-кӧлуй вылӧ, паськӧм вылӧ, кучик вылӧ либӧ чорыд дӧра вылӧ, сэки татшӧм кӧлуйыс лоӧ пеж. Сійӧс колӧ видзыштны ваын. Рытӧдзыс сійӧ лоӧ пеж, а сэсся лоӧ сӧстӧм.

Левит 11:28

Налысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж. Татшӧм пемӧсъясыс тіянлы пежӧсь.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Левит 15:4

Сылӧн куйланіныс да пукаланіныс лоӧ пеж.

Левит 15:6

Коді пуксяс сэтчӧ, кӧні пукаліс лёквиялӧмӧн висьысь, сылы колӧ мыськавны паськӧмсӧ да аслыс тшӧтш мыссьыны. Рытӧдзыс сійӧ лоӧ пеж.

Ӧксыяслӧн 1 небӧг 20:26

Сійӧ лунӧ Саул нинӧм эз шу та вылӧ. Мӧвпыштіс, гашкӧ пӧ, Давид виччысьтӧг пежаліс асьсӧ.

Левит 11:24

Ті лоанныд пежӧсь, инмӧдчанныд кӧ пеж пемӧслӧн шойӧ. Инмӧдчысь рытӧдзыс лоӧ пеж.

Левит 15:18

Айловлӧн кӧ петас кӧйдысыс, кор узьлӧ анькӧд, налы кыкнанныслы колӧ мыссьыны. Рытӧдзыс найӧ лоӧны пежӧсь.