Левит 15:31 - Коми Библия 2023

³¹ Велӧдӧй Израиль войтырӧс видзчысьны пежысь, медым эз кувны Менсьым оланінӧс пежалӧм вӧсна».

Левит 15:31 Referans Kwoze

Лыд 19:20

Но пежасьӧм морт кӧ оз сӧстӧммӧдчы, сійӧс лоӧ бырӧдӧма войтыр пӧвстысь, ӧд сійӧ пежалӧ Господьлысь вежаинсӧ. Сійӧ пеж, ӧд сӧстӧммӧдчан ванас сійӧс абу вӧлі резӧма.

Езекиль 5:11

Ме Ачым кыв сетӧмӧн шуа, мый кушӧдз шыра тэнӧ, – висьталӧ Господь Ыджыдыс, – ӧд тэ пежалін Менсьым вежаинӧс аслад пеж уджъясӧн да зывӧкторъясӧн. Ме ог жалит тэнӧ, ог бурсьӧлӧмтчы тэ дінӧ.

Лыд 19:13

Коді инмӧдчылас мортлӧн шойыс дінӧ да оз сӧстӧммӧдчы, сійӧ пежалӧ Господьлысь оланінсӧ. Тайӧ мортсӧ лоӧ бырӧдӧма Израиль войтыр пӧвстысь, ӧд сійӧс абу вӧлі резӧма сӧстӧммӧдчан ваӧн. Сійӧ пеж, пежасьӧмыс кольӧ сы вылӧ.

Езекиль 23:38

Со мый нӧшта вӧчисны Меным: ӧти и сійӧ жӧ лунӧ пежалісны Менсьым вежаинӧс да Менсьым шойччан лунӧс.

Лыд 5:3

Татшӧм айловӧс либӧ аньӧс вӧтлӧй сувтанін сайӧ, медым эз пежав оланінсӧ, кӧні Ме ола тіян пӧвстын».

Иуда 1:4

Тіян пӧвстӧ наяна сюйсисны Ентӧг олысьяс. Татшӧм йӧзыслы важӧн нин дасьтӧма мыждӧмсӧ. Миян Енлысь буралӧмсӧ найӧ бергӧдӧны лэдзчысьӧм оласногӧ. Найӧ соссьӧны ӧти Ен Ыджыдысь да миян Господь Исус Кристосысь.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

1 Коринфӧ 3:17

Коді жугӧдас Енлысь оланінсӧ, Енмыс сійӧс асьсӧ жугӧдас, ӧд ті – Енлӧн оланін, а Енлӧн оланіныс вежа.

Езекиль 44:23

Попъяс мед велӧдасны Менсьым войтырӧс торйӧдны, мый вежа, а мый абу вежа. Мед гӧгӧрвоӧдасны, мый пеж, а мый сӧстӧм.

Даниил 9:27

Локтана юралысьыс унакӧд кӧрталас йитӧд сизим во кежлӧ. Сизим воыслӧн джын кадас сійӧ дугӧдас вись вайӧм. Вежаинлӧн вевт вылас пеж зывӧкыс лоӧ сэтчӧдз, кытчӧдз Енлӧн водзвыв шуӧмыс серти оз ло бырӧдӧма асьсӧ бырӧдысьсӧ».

Индӧд 24:8

Проказа висьӧм дырйи ставсӧ вӧчӧй [Индӧд серти], кыдзи велӧдасны тіянӧс поп-левитъяс. Ставсӧ вӧчӧй сідзи, кыдзи ме тшӧкті налы.

Левит 21:23

Но аслас тырмытӧмтор вӧсна сылы оз позь пырны Вежаинӧ либӧ матыстчыны висьпуктанін дорӧ, медым эз пежав Менсьым вежаинӧс. Ме – Господь, попъясӧс Вежӧдысь».

Левит 20:3

Тайӧ мортыслы Ме паныд сувта, бырӧда сійӧс войтыр пӧвстысь сы понда, мый ассьыс кагасӧ Молок идоллы сетіс. Тайӧн сійӧ Менсьым вежаинӧс пежаліс да Менсьым вежа нимӧс янӧдіс.

Левит 19:30

Видзӧй Менсьым шойччан лунӧс, пыдди пуктӧй Менсьым вежаинӧс. Ме – Господь.

Левит 13:59

Тайӧ индӧдыс проказа йылысь, мый мыччысьӧ вурун либӧ шабді паськӧм вылын, шӧрт-дӧра вылын либӧ кучикысь вӧчӧмтор вылын. Тайӧ индӧдыс серти кӧлуйсӧ колӧ шуны сӧстӧмӧн либӧ пежӧн.

Левит 11:47

медым торйӧдны сӧстӧмсӧ пежсьыс да торйӧдны, кутшӧм пемӧсӧс позьӧ сёйны, а кутшӧмӧс оз.

Левит 15:32

Тайӧ индӧдыс айлов йылысь, коді лёквиялӧм либӧ кӧйдыс петӧм вӧснаыс лоӧ пеж.

Ӧксыяслӧн 1 небӧг 3:14

Та вӧсна Ме кыв сетӧмӧн шуа Илий рӧдлы, мый висьяс да вайӧмторъяс некор оз вештыны Илий рӧдлысь мыжсӧ».

Езекиль 36:17

«Морт пиӧй, аслас муын олігӧн Израиль войтыр пежаліс мусӧ аслас оласногнас да уджъяснас. Менам син водзын налӧн олан туйыс вӧлі аньлӧн тӧлысся кодь пеж.