1 Господь шуис Мӧисейлы:
«Та йылысь некодлы эн висьтав. Мун, петкӧдлы асьтӧ поплы, сэсся Мӧисей тшӧктӧм серти аслад сӧстӧммӧмысь вай вись. Тадзи тӧдмаласны тэнад бурдӧм йылысь».
Исус видзӧдліс на вылӧ да шуис: «Мунӧй да петкӧдлӧй асьнытӧ попъяслы». Мунігкостіыс найӧ сӧстӧммисны.
Тайӧ индӧдыс проказа йылысь, мый мыччысьӧ вурун либӧ шабді паськӧм вылын, шӧрт-дӧра вылын либӧ кучикысь вӧчӧмтор вылын. Тайӧ индӧдыс серти кӧлуйсӧ колӧ шуны сӧстӧмӧн либӧ пежӧн.
«Тайӧ индӧдыс проказаысь бурдӧм морт йылысь да сылӧн сӧстӧммӧдчан лун йылысь. Мортсӧ колӧ вайӧдны поп дінӧ.
Ааронсянь чужысьясысь кӧ кодкӧ висьӧ проказаӧн либӧ лёквиялӧмӧн, сылы оз позь сёйны вежа вайӧмторъяс, кытчӧдз оз ло сӧстӧм. Айлов, кодлӧн кӧйдысыс петас либӧ коді инмӧдчылас шойсянь пежасьӧмтор дінӧ,
