Левит 11:40 - Коми Библия 2023

⁴⁰ Коді сёяс татшӧм яйсӧ либӧ нуас-петкӧдас шойсӧ, сылы колӧ мыськавны паськӧмсӧ, сійӧ рытӧдзыс лоӧ пеж.

Левит 11:40 Referans Kwoze

Езекиль 44:31

Попъяслы оз позь сёйны пӧтка-пемӧс шой да зверӧн косявлӧм пӧтка-пемӧс».

Левит 22:8

Шой да косявлӧм пемӧсӧс сылы оз позь сёйны, медым насянь эз пежав асьсӧ. Ме – Господь.

Индӧд 14:21

Энӧ сёйӧй пемӧс-лэбачлысь шойсӧ. Сетӧй сійӧс либӧ вузалӧй йӧз муысь локтысьяслы, кодъяс олӧны тіян каръясын. Ті – Господь Енлӧн вежа войтырыс. Эн пу кӧзапиӧс мамыслӧн йӧв пиын».

Езекиль 4:14

Ме шуи: «Господьӧй Ыджыдӧй! Ме некор эг пежавлы ачымӧс. Том кадсянь талунъя лунӧдз ме эг сёйлы зверӧн косявлӧм пемӧслысь либӧ шой пемӧслысь яй. Ме вомӧ эг босьтлы пеж яй».

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

1 Коринфӧ 10:21

Ті онӧ вермӧй ӧтпырйӧ юны Господьлӧн чашаысь да пеж ловъяслӧн чашаысь. Ті онӧ вермӧй ӧтпырйӧ сёйны Господькӧд да пеж ловъяскӧд.

1 Коринфӧ 6:11

Кодсюрӧ тіян пӧвстысь тшӧтш вӧлінныд татшӧмӧсь, но миян Господь Исус Кристос нимӧн да Ен Лов вынӧн ті лоинныд сӧстӧмӧсь, вежаӧсь да веськыдӧсь.

Закар 13:1

Сійӧ лунӧ Давид рӧдлы да Ерусалимын олысьяслы воссяс ва петанін, медым мыськавны найӧс мыжысь да пежысь.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Исай 1:16

Сӧстӧммӧдчӧй, весалӧй асьнытӧ, медым водзӧ Ме эг нин аддзы тіянлысь лёк уджъяснытӧ. Дугдӧй вӧчны лёксӧ,

Лыд 19:19

Сӧстӧм морт мед коймӧд луннас да сизимӧд луннас резас пеж мортӧс, тадзи сизимӧд луннас сӧстӧммӧдас сійӧс. Сӧстӧммӧдӧм мортыс мед мыськалас ассьыс паськӧмсӧ, и ачыс мыссяс. Тайӧ рытсяньыс сійӧ лоӧ сӧстӧм.

Левит 16:28

Сотысьыс мед мыськалас паськӧмсӧ да ачыс тшӧтш мыссяс, сӧмын та бӧрын вермас локны йӧз дінӧ чомъясӧ.

Левит 16:26

Овтӧминӧ кӧзаӧс нуӧдысьыс мед мыськалас паськӧмсӧ да ачыс тшӧтш мыссяс, сӧмын та бӧрын вермас локны йӧз дінӧ чомъясӧ.

Левит 15:27

Быдӧн, коді инмӧдчылас сылӧн куйланінас либӧ пукаланінас, лоӧ пеж. Сылы колӧ мыськавны паськӧмсӧ да аслыс тшӧтш мыссьыны. Рытӧдзыс сійӧ лоӧ пеж.

Левит 11:28

Налысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж. Татшӧм пемӧсъясыс тіянлы пежӧсь.

Левит 11:25

Пеж пемӧслысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж.

Петӧм 22:31

Лоӧй Менам вежа войтырӧн. Энӧ сёйӧй зверӧн косявлӧм пемӧслысь яйсӧ, шыбитӧй сійӧс понъяслы.

Левит 11:39

Кулас кӧ пемӧс, кодӧс тіянлы позьӧ сёйны, и сылӧн шой дінӧ кодкӧ кӧ инмӧдчас, сійӧ рытӧдзыс лоӧ пеж.

Левит 14:46

Керка тупкылӧм бӧрас кӧ кодкӧ сэтчӧ пыралас, сійӧ рытӧдзыс лоӧ пеж.

Левит 15:15

Ӧтисӧ поп мед ваяс мыжысь вись пыдди, а мӧдсӧ – сотан вись пыдди. Тадзи поп вештас сылысь мыжсӧ Господь водзын да сӧстӧммӧдас сійӧс лёквиялӧмсьыс.

Левит 22:6

рытӧдзыс лоӧ пеж. Вежа вайӧмтор сійӧ мед оз сёй, кытчӧдз ставнас оз мыссьы.