Левит 10:9 - Коми Библия 2023

⁹ «Вина-сур юӧм бӧрын энӧ пырӧй вежа чомйӧ [да энӧ матыстчӧй висьпуктанін дорӧ], медым энӧ кулӧй. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Левит 10:9 Referans Kwoze

Лука 1:15

Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.

1 Тимофейлы 3:3

оз ю, оз тышкась, аслыс оз курав, рам сьӧлӧма, оз пинясь, сьӧм вылӧ оз горшась,

Титлы 1:7

Вичкоса веськӧдлысьӧн вермӧ лоны сӧмын бур оласнога морт, ӧд сылы сетӧма вӧчны Енлысь удж. Мед сійӧ эз вӧв асныра, эз вӧв дӧзмысь, эз ю, эз усьлась мукӧд вылӧ, аслыс эз курав,

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Езекиль 44:21

Попъяс мед оз юны вина, кор налы ковмас мунны пытшкӧс йӧрӧ.

Исай 28:7

Поп да пророк тшӧтш шатлалӧны вина юӧмысь, довъялӧны туй вывті сур юӧмысь, найӧ коддзӧмаӧсь да крукасьлӧны. Винаыс вермӧма найӧс, сурыс пемдӧдӧма вежӧрнысӧ. Пророкъяслӧн аддзылӧмъясыс вайӧдӧны йӧзсӧ ылӧгӧ, попъяс крукасьӧны асланыс кывъясӧ.

1 Тимофейлы 3:8

Вичкоса отсасьысьяс мед лоасны мывкыдаӧсь, сёрнитасны веськыда, оз кодавны, аслыныс оз куравны,

Лыд 6:3

сэки сылы оз позь юны вина-сур да виноградысь юантор. Сылы оз позь сёйны нинӧм, мый кӧтӧдӧма винаысь вӧчӧм уксусӧн. Оз позь сёйны косьтӧм да выль воӧм виноград вотӧс.

1 Тимофейлы 5:23

Гырк пытшкӧс висьӧмыд да тшӧкыда нёрпалӧмыд вӧсна ваысь ӧтдор юышт тшӧтш винатор.

Осий 4:11

Кырсалӧмыс да вина юӧмыс пемдӧдіс налысь вежӧрсӧ.

Шусьӧгъяс 20:1

Винаыд дурмӧдӧ, сурыд тышкасьны ыззьӧдӧ, мывкыдтӧм сійӧ, кодӧс юӧмыс ылӧдлӧ.

Лыд 6:20

Ставсӧ тайӧс поп мед ваяс Господь водзын пыркӧдан вись пыдди. Тайӧ вежаторйыс вичмас поплы задвыв яйкӧд да пыркӧдӧмӧн вайӧм морӧсвыв яйкӧд. Та бӧрти назорейлы позьӧ юны вина.

Левит 3:17

Тайӧ тшӧктӧмыс лоӧ тіянлы нэмъяс кежлӧ чужысьяссянь чужысьясӧдз. Быдлаын кутчысьӧй тайӧ тшӧктӧмас: гос да вир энӧ сёйӧй».

Левит 10:8

Господь шуис Ааронлы:

Петӧм 27:21

Ааронлы да сылӧн пияныслы рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ Израиль пиянлы нэмъяс кежлӧ чужысьяссянь чужысьясӧдз».