Левит 10:3 - Коми Библия 2023

³ Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Левит 10:3 Referans Kwoze

Петӧм 19:22

А попъяслы, кодъяс кӧсйӧны матыстчыны Господь [Ен] дінӧ, колӧ вежӧдны-сӧстӧммӧдны асьнысӧ, медым Господь эз бырӧд найӧс».

Исай 49:3

Сійӧ шуис меным: «Израиль, тэ – Менам кесйӧг, тэ пыр Ме петкӧдла Ассьым дзирдлунӧс».

Левит 21:6

Аслас Ен водзын поп мед лоас вежа. Мед оз янӧд аслас Енлысь нимсӧ, ӧд сійӧ вись вайӧ Господьлы, нянь – аслас Енлы. Та вӧсна сылы колӧ лоны вежаӧн.

Лыд 20:12

Но Господь шуис Мӧисейлы да Ааронлы: «Ті энӧ эскӧй Меным, энӧ лыддьӧй Менӧ вежаӧн. Израиль пиян водзын ті торкинныд Менсьым шуӧмӧс. Та вӧсна тайӧ войтырсӧ ті онӧ пыртӧй сійӧ муас, мый Ме сета налы».

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.

Индӧд 32:51

Тайӧ тіянлы сыысь, мый ті Меным паныд мыж вӧчинныд Израиль пиян водзын Мерива ва петанін дорын Кадешын, Цин овтӧминын, кор ті Израиль пиян водзын энӧ пыдди пуктӧй Менӧ, ассьыныд вежа Ентӧ.

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Псалтыр 89:7

Тэнад скӧралӧмысь ми бырам, Тэнад лӧгалӧмысь ми полам-тіралам.

Ӧксыяслӧн 1 небӧг 6:20

Найӧ шуалісны: «Коді вермас сулавны Господь водзын, тайӧ вежа Енмыс водзын? Вешъяс-ӧ Сійӧ коркӧ миян дінысь?»

Левит 21:21

Аарон попсянь чужысь, кодлӧн вир-яяс эм тырмытӧмтор, мед оз матыстчы вись вайны Господьлы. Вир-яйын тырмытӧмтор вӧсна сылы оз позь матыстчыны, медым вись вайны аслас Енлы.

Левит 8:35

Сизим лун чӧж, лун и вой, олӧй вежа чом пыранін дорын да ставсӧ вӧчӧй Господьлӧн тшӧктӧмъяс серти, медым ті энӧ кулӧй. Тадзи меным тшӧктӧма [Господь Ен]».

Езекиль 20:41

Чӧскыд ӧвтанторйӧс моз Ме сибӧда тіянӧс, кор чукӧрта тіянӧс мукӧд войтыръяс пӧвстысь, вайӧда сійӧ муяссьыс, кытчӧ тіянӧс вӧлі разӧдӧма. Ме петкӧдла тіян пыр Ассьым вежалунӧс мукӧд войтыръяслӧн син водзаныс.

Левит 22:9

Попъяс мед кутчысясны Менам тшӧктӧмъясӧ. А оз кӧ, найӧ лоӧны мыжаӧсь да куласны. Ме – Господь [Ен], найӧс Вежӧдысь.

Левит 21:17

«Висьтав Ааронлы, мый сысянь чужысьяс пӧвстысь морт, кодлӧн вир-яяс эм тырмытӧмтор, мед оз матыстчы вись вайны аслас Енлы.

Левит 21:15

медым эз пежав ассьыс водзӧ чужысьяссӧ. Ме – Господь [Ен], сійӧс Вежӧдысь».

Левит 21:8

Вежавидзӧмӧн пыдди пуктӧй попӧс, ӧд сійӧ вись вайӧ [Господьлы] тіян Енлы. Поп мед лоас тіянлы вежа, ӧд Ме вежа. Ме – Господь, тіянӧс Вежӧдысь.

Езекиль 42:13

Морт шуис меным: «Восьсаин войвылын и лунвылын сулалысь керкаяслӧн жыръясыс вежаӧсь. Сэні попъяс, кодъяслы сетӧма матыстчыны Господь дінӧ, сёйӧны вежасьыс-вежаторъяс. Сэтчӧ найӧ вайӧны вежасьыс-вежа висьяс: нянь вись, мыжысь вись да мыж вештан вись. Тайӧ жыръясыс вежаӧсь.

Псалтыр 39:9

Енмӧй, ме кӧсъя збыльмӧдны Тэнсьыд кӧсйӧмтӧ, Тэнад Индӧдыд олӧ менам сьӧлӧмын».

1 Петыр 4:17

Мыждан кадыс матын нин, и медводз Енмыс кутас мыждыны Ассьыс войтырсӧ. Сідзкӧ, медводз кӧ кутас мыждыны миянӧс, сэки мый виччысьӧ найӧс, кодъяс оз кывзысьны Енлӧн Евангелльӧлысь?

Матвей 10:37

Кодлы бать-мамыс Ме дорысь мусаджык, Меным сійӧ оз шогмы. Кодлы ныв-пиыс Ме дорысь мусаджык, Меным сійӧ оз шогмы.

Езекиль 28:22

Шу, мый Господь Ыджыдыс тадзи висьталӧ: Ме паныд сувта тэныд, Сидон, да нимӧда Ачымӧс сы пыр, мый тэныд вӧча. Ме мыжда Сидонӧс да сэні петкӧдла Ассьым вежалунӧс. Сэки тэнад олысьясыд тӧдмаласны, мый Ме – Господь.

Иов 2:10

Иов вочавидзис: «Вежӧртӧм ань моз тэ сёрнитан. Сӧмын бурсӧ ӧмӧй сибӧдам Енсяньыс, а лёксӧ огӧ?» Та дырйи Иов эз мыжмы аслас кывъясӧн.

Иоан 12:28

Батьӧй, восьт Аслад нимлысь дзирдлунсӧ!» Сэки енэжсянь кыліс гӧлӧс шы: «Ме восьті нин да нӧшта на восьта».

Ӧксыяслӧн 1 небӧг 3:18

Самуил висьталіс ставсӧ, нинӧм эз дзеб Илийысь. Сэки Илий шуис: «Сійӧ – Господь. Мед вӧчас, мый кӧсйӧ».

Петӧм 14:4

Ме чорзьӧда фараонлысь сьӧлӧмсӧ, и сійӧ уськӧдчас вӧтчыны израильсаяс бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став тышкайӧзкӧд. Египетса йӧз тӧдмаласны, мый Ме – Господь». Израиль войтыр вӧчис Господьлӧн тшӧктӧм серти.

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

2 Фессалоникаӧ 1:10

Тайӧ лоӧ сійӧ лунӧ, кор Господь локтас. Сэки Сылӧн став вежа войтырыс кутас ошкыны Господьӧс да став эскысьыс кутас шензьыны Сы вылӧ. Ті тшӧтш лоанныд на лыдын, ӧд ті эскинныд миян висьталӧмӧ.

Иоан 14:13

Мый коранныд Батьлысь Менам нимӧн, сійӧс Ме вӧча, медым Батьлӧн дзирдлуныс воссис Пиыс пыр.

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Исай 39:8

Езекей мӧвпыштіс: «Сідзкӧ, менам олан кадӧ тані лоӧ лӧньлун да бур олӧм». Та вӧсна сійӧ шуис Исайлы: «Господьлӧн кывйыс, мый ӧні висьталін меным – бур».

Петӧм 14:17

Ме чорзьӧда [фараонлысь да] египетсаяслысь сьӧлӧмнысӧ, и найӧ вӧтчасны тіян бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став вӧла-тарантаса тышкайӧзкӧд.

Петӧм 30:30

Ааронӧс да сылысь пиянсӧ тшӧтш мавтышт да вежӧд, медым найӧ попъясӧн кесъяласны Меным.

Лыд 16:5

Сэсся Корейлы да сылӧн йӧзыслы шуис: «Аски Господь петкӧдлас, коді вежа, коді Сылӧн, да кодлы Сійӧ лэдзӧ матыстчыны Ас дінас. Кодӧс Господь бӧръяс, сійӧс и лэдзас матыстчыны Ас дінас.

Псалтыр 148:14

Сійӧ вынсьӧдіс Ассьыс войтырсӧ, медым Сійӧс ошкис Сылӧн эскана войтырыс, Израиль войтыр, коді матын Сылы. Аллилуйя!

Езекиль 38:16

Бӧръя лунъясӧ тэ, Гог, уськӧдчан Менам Израиль войтыр вылӧ, кымӧр моз вевттян налысь мусӧ. Ме вайӧда тэнӧ Аслам муӧ, медым войтыръяс тӧдмаласны Менӧ. Тэ пыр Ме петкӧдла Ассьым вежалунӧс войтыръяслӧн син водзын.

Езекиль 40:46

Войвылӧ видзӧдысь керкаыс – висьпуктанін дорын кесъялысь попъяслы, Садок рӧдысь петысьяслы. Левий чужанкотырысь сӧмын найӧ вермӧны матыстчыны Господь дінӧ, медым кесъявны Сылы».

Петӧм 19:24

Господь шуис сылы: «Ӧні лэччы, а бӧрсӧ кай Ааронкӧд. Попъяс да войтырыд мед оз кайны Ме дінӧ, медым Ме эг бырӧд найӧс».

Псалтыр 39:10

Ен войтырлӧн ыджыд чукӧртчӧмын ме юӧрті Тэнад веськыдлуныд йылысь, эг тупкыв ассьым вомӧс. Господьӧй, Тэ тӧдан тайӧс!

Псалтыр 93:5

Господьӧй, Тэнсьыд войтыртӧ найӧ топӧдӧны, Тэнсьыд бӧрйӧм войтыртӧ дзескӧдӧны.