Колосӧ 4:6 - Коми Библия 2023

⁶ Сёрнитӧй бур сьӧлӧмӧн, сёрниныд мед век вӧлі солыштӧма, сэки быдӧнлы кужанныд вочавидзны колана ногӧн.

Колосӧ 4:6 Referans Kwoze

Ефесӧ 4:29

Некутшӧм пеж кыв мед оз пет тіян вомысь, а сӧмын бурыс, ӧд тайӧ ёнмӧдӧ йӧзыслысь эскӧмсӧ да вайӧ налы нимкодьлун.

1 Петыр 3:15

Господь Енмӧс вежавидзӧмӧн медвылӧ пуктӧй сьӧлӧманыд. Юалас кӧ кодкӧ лачаныд йылысь, пыр лоӧй дасьӧсь вочавидзны сылы. Вочавидзӧй рам сьӧлӧмӧн да Енсьыс полӧмӧн.

Еклесиаст 10:12

Мывкыдалӧн сёрниыс сьӧлӧм вылад воӧ, вежӧртӧмлӧн вомыс асьсӧ виӧ.

Марк 9:50

Солыд – буртор. Но солыс кӧ лоас дуб, кыдзи сійӧс бӧр соланас вӧчан? Тіян пытшкын мед пыр лоӧ солыс, лӧня олӧй ас костаныд».

Шусьӧгъяс 15:4

Мелі сёрни олӧм вайӧ, а ылӧг сёрни ловтӧ жугӧдӧ.

Шусьӧгъяс 15:7

Мывкыд мортыд сёрнинас тӧдӧмлун паськӧдӧ, вежӧртӧмыд – оз.

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

Матвей 5:13

«Ті – муюгыдыслы солыс. Но воштас кӧ солыс ассьыс вынсӧ, кыдзи сійӧс бӧр соланас вӧчан? Сэки сійӧ нинӧм вылӧ оз шогмы, сійӧс сӧмын койыштӧны ветлысьяс кок улӧ.

Шусьӧгъяс 10:21

Веськыда олысьлӧн кывйыс унаӧс вердӧ, мывкыдтӧмъяс куласны вежӧртӧмлунныс вӧсна.

Псалтыр 105:2

Коді вермас тырвыйӧ ошкыны Господьӧс, висьтавны Сылӧн став вына уджъясыс йылысь?

Псалтыр 45:2

Енмыс – миянлы сайӧдчаніныс да выныс, Сійӧ тэрмасьӧ отсавны шог дырйи.

Лука 4:22

Ставӧн ошкисны Исусӧс да шензисны Сы вомысь петӧм буралан кывъясысь да шуалісны: «Абу-ӧ Сійӧ Ӧсиплӧн пи?»

1 Каднебӧг 16:24

Висьтавлӧй войтыръяслы Сылӧн дзирдлуныс йылысь, быд войтырлы – Сылӧн шензьӧдана уджъясыс йылысь.

Индӧд 11:19

Велӧдӧй наӧ ныв-пинытӧ. Висьталӧй гортаныд и туйын, висьталӧй водіганыд и чеччиганыд.

Левит 2:13

Став нянь висьнытӧ солалӧй, солавтӧм вись энӧ вайӧй, ӧд солыс петкӧдлӧ тіян Енлысь йитӧдсӧ, мый сійӧ кӧрталіс тіянкӧд. Та вӧсна [Господьлы, асланыд Енлы] став вайӧмторнытӧ солалӧй.

Езекиль 43:24

Господь водзӧ. Попъяс мед койыштасны на вылӧ сов да ваясны сотан вись пыдди Господьлы.