Колосӧ 3:15 - Коми Библия 2023

¹⁵ Тіян сьӧлӧмын мед ыджыдалас Енлӧн лӧньлуныс, кытчӧ корӧма тіянӧс, ті ӧд ӧти вир-яйынӧсь. Быд кадӧ ошкӧй Енмӧс.

Колосӧ 3:15 Referans Kwoze

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Римӧ 15:13

Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.

1 Фессалоникаӧ 5:18

Ставсьыс аттьӧалӧй Енсӧ, ӧд татшӧмъясӧн Енмыс кӧсйӧ аддзыны тіянӧс, Исус Кристослы эскысьясӧс.

Псалтыр 29:11

Господьӧй, кыв менӧ, ло бур сьӧлӧма ме дінӧ. Господьӧй, отсав меным!»

Римӧ 5:1

Сідзкӧ, эскӧм вӧсна миянӧс шуӧма веськыдӧн, Исус Кристос Господьным пыр миян эм Енкӧд бурасьӧм.

Колосӧ 3:17

Кывйӧн-ӧ, уджӧн-ӧ мыйкӧ вӧчанныд, ставсӧ вӧчӧй Господь Исус Кристос нимӧн да аттьӧалӧй Сы пыр Ен Батьӧс.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Ефесӧ 5:20

Быд кадӧ ставсьыс аттьӧалӧй Ен Батьӧс миян Господь Исус Кристос нимӧн.

2 Коринфӧ 9:11

медым ті вӧлінныд озырӧсь быдторнас да верминныд лышкыда юксьыны быдӧнкӧд. Сэки йӧзыс кутасны аттьӧавны Енсӧ миян отсӧгысь.

Ефесӧ 4:4

Вир-яйыс ӧти, Лолыс ӧти, лачаыс, кытчӧ тіянӧс корӧма, тшӧтш ӧти.

Римӧ 14:17

Ӧд Енлӧн Юралӧмыс абу сёйӧм да юӧм, тайӧ – Вежа Ловсянь веськыдлун, лӧньлун да нимкодьлун.

1 Тимофейлы 2:1

Медводз кора тіянӧс: кевмысьӧй Енмыслы, шыасьӧй Сы дінӧ корӧм-кевмӧмӧн да аттьӧалӧмӧн став йӧзыс вӧсна.

Колосӧ 2:7

Быдмӧй-сӧвмӧй Сы пытшкӧ вужъясьӧмӧн, ёнмӧй эскӧмас, кыдзи тіянӧс велӧдӧма. Сьӧлӧмныд мед век вӧлі тыр аттьӧалӧмнас.

Ефесӧ 5:1

Ті – Енлӧн муса ныв-пи, сідзкӧ, олӧй Сы вылӧ видзӧдӧмӧн.

2 Коринфӧ 4:15

Став сьӧкыдсӧ ми нуам тіян вӧсна, медым Енлӧн буралӧмыс содіс да вичмис уналы на. Сэки унаӧн кутасны аттьӧавны да ошкыны Енсӧ.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Восьтӧм 7:12

Найӧ шуалісны: – Аминь! Дзирдлуныс да мывкыдлуныс, выныс да ёнлуныс, ошкӧм-нимӧдӧмыс да аттьӧалӧмыс миян Енлы нэмъяс чӧж! Аминь.

Ефесӧ 4:16

Сійӧ йитӧ вир-яйлысь став юкӧнсӧ ӧтиӧ, тадзи артмӧ ӧти вир-яй. А юкӧнъясыс топыда йитчӧмаӧсь ӧта-мӧдныскӧд, и быд юкӧн вӧчӧ ассьыс удж. Тадзи муслуныс отсӧгӧн ставнас вир-яйыс быдмӧ-сӧвмӧ.

Колосӧ 1:12

Аттьӧалӧй Ен Батьӧс, ӧд Сійӧ вӧчис миянӧс шогманаясӧн, медым ми тшӧтш вермим босьтны Югыдінас вежа войтырлы вичмӧдӧмасӧ.

Псалтыр 100:4

Ме вӧтла ас пытшкысь наян мӧвпъяс, лёкыскӧд ме ог ӧтувтчы.

Еврейяслы 13:15

Сідзкӧ, Исус пыр кутам дугдывтӧг вайны Енлы аттьӧалана вись, асланым вомӧн кутам ошкыны Сылысь нимсӧ.

1 Коринфӧ 7:15

Эскытӧм верӧс либӧ эскытӧм гӧтыр кӧ кӧсйӧ юксьыны, мед юксьӧ. Сэки эскысь верӧсӧс либӧ эскысь гӧтырӧс нинӧм оз кут, ӧд Енмыс тшӧктіс овны миянлы лӧня.

Римӧ 1:21

Но Енсӧ тӧдігӧн найӧ эз пуктыны Сійӧс Ен туйӧ да эз аттьӧавны Сійӧс, мӧвпалісны ковтӧмсӧ да налӧн вежӧрыс пемдіс.

Иона 2:9

Ковтӧм ылӧг енъяслы юрбитысьяс эновтісны Тэнӧ, буралысь Енмӧс.

Исай 27:5

Но дорйӧмсӧ сійӧ мед Месянь корсьӧ, мед бурасьӧ Мекӧд да дугдӧ тышкасьны.

Исай 57:19

Ме кӧсйыся сетны лӧнь олӧм ылыссалы, лӧнь олӧм матыссалы, – висьталӧ Господь, – Ме бурдӧда найӧс.

1 Коринфӧ 10:17

Няньыс ӧти. Ми тшӧтш ӧти вир-яй, ӧд ми ставным тайӧ ӧти няньсӧ сёям, кӧть ми унаӧн.

1 Тимофейлы 6:12

Зумыда вермась эскӧм вӧсна, кутчысь помтӧм олӧмас, кытчӧ Енмыс корис тэнӧ. Ӧд уна йӧз водзын тэ восьсӧн висьтасин аслад эскӧм йылысь.