Колосӧ 2:22 - Коми Библия 2023

²² Тайӧ сӧмын мортсянь тшӧктӧм-велӧдӧм, шуӧма быранаторъяс йылысь.

Колосӧ 2:22 Referans Kwoze

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Титлы 1:14

Найӧ мед оз кывзыны иудейяслысь мойдъяссӧ да йӧзлысь ас лӧсьӧдӧм тшӧктӧмъяссӧ. Татшӧм йӧзыс ӧд кежӧмаӧсь збыльсьыс.

1 Коринфӧ 6:13

Сёяныд – кынӧмлы, а кынӧмыд – сёянлы. Но Енмыс бырӧдас ӧтисӧ и мӧдсӧ. Вир-яйыд абу кырсалӧм вылӧ, сійӧ – Господьлы, а Господь – вир-яйлы.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Даниил 11:37

Сійӧ оз кут пыдди пуктыны аслас батьяслысь енъяссӧ, аньяслысь муса енсӧ и некутшӧм енмӧс, но асьсӧ пуктас ставсьыныс медвылӧ.

Исай 29:18

Сійӧ лунӧ пельтӧм кылас небӧгысь кывъяссӧ, синтӧмлӧн сап пемыднас тупкӧм синмыс кутас аддзыны.

Восьтӧм 17:18

Аньыс, кодӧс тэ аддзылін, эм ыджыд кар, мый ыджыдалӧ мувывса ӧксыяс вылын».

Колосӧ 2:21

”эн инмӧдчы”, ”эн сёй”, ”эн вӧрзьӧд”?

2 Петыр 2:12

Тайӧ йӧзыс лёкӧдӧны сійӧ, мый асьныс оз гӧгӧрвоны. Найӧ вӧрын шӧйтысь кыйӧм-виӧм вылӧ чужӧм пемӧсъяс кодьӧсь. Вежӧртӧм пемӧсъясӧс моз найӧс и лоӧ бырӧдӧма.