Колосӧ 2:2 - Коми Библия 2023

² Ме кӧсъя, медым муслуныс ӧтувтіс налысь сьӧлӧмнысӧ, и найӧ вӧліны повтӧмӧсь да тырвыйӧ тӧдісны Ен Батьлысь гусяторсӧ – Кристосӧс.

Колосӧ 2:2 Referans Kwoze

Колосӧ 1:27

Енмыс кӧсйис, мед найӧ тӧдісны дзирдлуныслысь гусяторсӧ, мый воссьӧ став войтыръяслы. А гусяторйыс сыын, мый Кристос тіян пытшкын, локтана дзирдлуныс вылӧ лачаныд.

Колосӧ 4:8

Ме мӧдӧда сійӧс тіян дінӧ, медым тӧдмавны тіян йылысь да ышӧдны тіянӧс.

Ефесӧ 6:22

Ме мӧдӧда сійӧс тіян дінӧ, медым сійӧ висьталас миян йылысь да ышӧдас тіянӧс.

Колосӧ 3:14

Медвойдӧр кутчысьӧй муслунас, ӧд муслуныс ставсӧ йитӧ да вайӧдӧ тыр-бурӧдз.

Филипӧ 3:8

Ставсӧ тайӧс пукта нинӧм туйӧ, ӧд Исус Кристосӧс, ассьым Господьӧс, тӧдӧм дорысь нинӧм абу ыджыдджыкыс. Кристос вӧсна эновті ставсӧ, ставсӧ лыддя ёгӧн, медым ме озырми Кристосӧн

Филипӧ 2:1

Кристоскӧд олӧмыс кӧ ышӧдӧ тіянӧс, Сылӧн муслуныс кӧ бурӧдӧ тіянӧс, Енлӧн Лолыс кӧ ӧтвывтӧ тіянӧс, ті кӧ меліӧсь да бур сьӧлӧмаӧсь ӧта-мӧдныд дінӧ,

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

2 Петыр 1:3

Ми тӧдмалім Сійӧс, коді корис миянӧс Аслас дзирдлунӧ да тыр-бурӧ. Сылӧн Ен вынсянь сетӧма миянлы став коланасӧ, медым ми олім вежавидзӧмӧн.

Римӧ 15:13

Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.

Иоан 10:30

Ме да Бать – ми ӧти».

Иоан 6:69

Ми эскам да тӧдам: Тэ – Кристос, ловъя Енлӧн Пи».

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Еврейяслы 6:11

Ми кӧсъям, медым ті помӧдз тадзи вӧчинныд, сэки тіян лачаныд збыльмас.

Колосӧ 1:9

Ставсӧ тайӧс кылӧмсянь ми дугдывтӧг кевмысям тіян вӧсна. Кевмам, медым тіян вӧлі Ловсянь мывкыдлун да гӧгӧрвоӧм, медым ті бура тӧдінныд Енлысь кӧсйӧмсӧ.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

1 Коринфӧ 2:12

Ми сибӧдім эгӧ тайӧ муюгыдсалысь ловсӧ, а Енлысь Ловсӧ, медым вермим тӧдны Енлысь сетӧмторъяссӧ.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Иоан 16:15

Ставыс, мый Батьлӧн, тшӧтш Менам. Сійӧн Ме шуи, мый Месянь кывлӧмсӧ тіянлы юӧртас».

Иоан 10:38

А вӧча кӧ, эскӧй кӧть Менам уджъясӧ, Меным онӧ эскӧй да. Сэки ті тӧдмаланныд да эсканныд, мый Батьӧй Ме пытшкын, а Ме – Сы пытшкын».

Иоан 5:23

медым став йӧзыс бурӧ пуктісны Писӧ Батьсӧ моз. Коді оз бурӧ пукты Писӧ, сійӧ оз бурӧ пукты и Батьсӧ, коді мӧдӧдіс Писӧ.

Иоан 5:17

Исус шуис налы: «Менам Батьӧй дугдывтӧг уджалӧ, и Ме уджала».

Матвей 11:27

Ставсӧ сетіс Меным Батьӧй. Сӧмын Батьыс тӧдӧ Писӧ, и сӧмын Пиыс тӧдӧ Батьсӧ. Тӧдӧ нӧшта сійӧ, кодлы Пиыс кӧсйӧ восьтны Батьсӧ.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Еремей 9:24

Но ошйысьысь мед ошйысьӧ сійӧн, мый сылӧн эм гӧгӧрвоӧмлун тӧдны Менӧ. Ӧд Ме – Господь, Ме бурсьӧлӧмтча да веськыда мыжда му вылас. Ті кӧ тшӧтш тадзи вӧчанныд, тіян уджъясныд лоӧны Меным шогманаӧсь, – висьталӧ Господь.

Исай 40:1

Бурӧдӧй, бурӧдӧй Менсьым войтырӧс, – тшӧктӧ тіян Енныд. –

Исай 32:17

Веськыдлуныс ваяс лӧнь олӧм, лӧньлун да повтӧмлун нэмъяс кежлӧ.

Псалтыр 133:1

Крамӧ мунігӧн сьылӧм. Ошкӧй Господьӧс, став Сылӧн кесйӧгъяс! Ошкӧй Господьӧс ті, кодъяс войся кадӧ кесъяланныд Господьлӧн крамын, [миян Енлӧн йӧръясын]!

1 Иоан 5:7

Енэжас эскӧдӧны-висьталӧны та йылысь куимӧн: Бать, Кыв да Вежа Лов. Тайӧ куимыс ӧти.

1 Иоан 3:19

Та серти тӧдмалам, мый ми збыльыслӧн. Сьӧлӧм кӧ мыждӧ миянӧс, ми вермам лӧньӧдны сьӧлӧмнымӧс Ен водзын. Енмыс ӧд ыджыдджык миян сьӧлӧмысь, Сійӧ ставсӧ тӧдӧ.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

2 Петыр 1:10

Вокъяс, тіянӧс корӧма-бӧрйӧма, сідзкӧ, тӧждысьӧй, мед тайӧ лунысь-лун зумыдмас тіян пытшкын. Тадзи вӧчиганыд некор онӧ крукасьӧй.

1 Фессалоникаӧ 5:14

Вокъяс, корам тіянӧс: дышъясӧс туйдӧдӧй, полысьясӧс ышӧдӧй, жебъясӧс кутыштӧй, быдӧнӧс терпитӧй.

1 Фессалоникаӧ 3:2

а Тимофей вокнымӧс мӧдӧдам тіян дінӧ. Сійӧ миянкӧд ӧтвыв кесъялӧ Енмыслы, отсалӧ висьтавлыны Кристослысь Бур Юӧрсӧ. Ми мӧдӧдім сійӧс тіян дінӧ, медым ышӧдны тіянӧс да ёнмӧдны эскӧмнытӧ,

1 Фессалоникаӧ 1:5

Ми висьтавлім тіянлы Бур Юӧрсӧ Вежа Лов вынӧн да ыджыд эскӧмлунӧн, эгӧ сӧмын кывйӧн. Ті бура тӧданныд, кыдзи ми кутім асьнымӧс тіянын олігӧн да отсасим тіянлы.

Ап. уджъяс 4:32

Эскысьяс ставныс вӧліны ӧти лолаӧсь да ӧти сьӧлӧмаӧсь. Некод ассьыс эмбурсӧ эз лыддьы асласӧн, ставыс налӧн вӧлі ӧтувъя.

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Лука 1:1

Пыдди пуктана Феофил! Унаӧн нин босьтчылісны гижны миянын вӧвлӧмторъяс йылысь. Та йылысь миянлы юӧртісны найӧ, кодъяс ставсӧ аддзылісны да лоисны Ен кывлы кесъялысьясӧн. Водзысяньыс ставсӧ лючки-бура туялӧм бӧрын ме тшӧтш шуи гижны тэныд став йывсьыс сьӧрсьӧн-бӧрсьӧн.

Римӧ 2:4

Гашкӧ, тэ нинӧм туйӧ пуктан Енлысь ыджыд бурлунсӧ, мелілунсӧ да терпитӧмсӧ? Он ӧмӧй гӧгӧрво, мый Енлӧн бурлуныс вайӧдӧ тэнӧ мыжъяссьыд бергӧдчӧмӧ.

1 Коринфӧ 14:31

Ті быдӧн верманныд пророкавны сьӧрсьӧн-бӧрсьӧн, медым быдӧнӧс мыйӧкӧ велӧдны-ышӧдны.

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Ефесӧ 3:3

Восьтӧмыс пыр Енмыс сетіс меным тӧдны Ассьыс гусяторсӧ. Та йылысь ме вылынджык дженьыдика гижи нин.

Ефесӧ 3:16

Ме кора, мед дзирдлуннас озыр Ен Аслас Ловнас да выннас ёнмӧдас тіянлысь пытшкӧсса морттӧ,

Колосӧ 1:26

Сылӧн кывйыс нэмсӧ вӧлі мувывса чужысьяслы гусяторйӧн, ӧні сійӧс восьтӧма Сылӧн вежа войтырлы.

Колосӧ 2:19

Тайӧ йӧзыс абу йитчӧмаӧсь Юрыскӧд. Юрыс ӧд веськӧдлӧ став вир-яйнас, кӧні быд юкӧн йитӧма-тэчӧма сӧн-лутш отсӧгӧн. Тадзи вир-яйыс быдмӧ-сӧвмӧ Ен ногӧн.

Колосӧ 4:3

Кевмысьӧй тшӧтш миян вӧсна, Енмыс мед восьтас миянлы ӧдзӧсъяс висьтавны Кристос йылысь гусяторсӧ. Дзик та вӧсна ме и пукала дзескыдінын.