Колосӧ 1:29 - Коми Библия 2023

²⁹ Та могысь ме уджала да вермася ме пытшкын олысь Кристос вынӧн.

Колосӧ 1:29 Referans Kwoze

1 Коринфӧ 15:10

Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.

Ефесӧ 1:19

да кутшӧм ыджыд Сылӧн вермана выныс, коді уджалӧ миян пытшкын, Сылы эскысьясын! Тайӧ жӧ вынсӧ

Ефесӧ 3:7

Енлӧн бурсетӧмыс да выныс отсӧгӧн ме лои тайӧ Бур Юӧрыслы кесъялысьӧн.

Филипӧ 2:13

Ӧд Ачыс Енмыс уджалӧ тіян пытшкын, медым ті кӧсйинныд вӧчны да вӧчинныд Сылӧн бур кӧсйӧмыс серти.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

Колосӧ 2:1

Кӧсъя, мед ті тӧдінныд, кутшӧм ыджыд тыш менам мунӧ тіян вӧсна да лаодикияса вӧсна, тшӧтш на вӧсна, кодъяс менӧ весиг эз на аддзывны.

2 Фессалоникаӧ 3:8

некодлысь дась нянь эгӧ сёйӧй. Лун и вой пӧсь петтӧдз уджалім, ӧд некодӧс тіян пӧвстысь эгӧ кӧсйӧй сьӧктӧднысӧ.

1 Фессалоникаӧ 2:9

Вокъяс, ті тӧданныд, Енлысь Бур Юӧрсӧ висьтавлігӧн ми уджалім кок йылысь усьтӧдз. Мырсим лун и вой, ӧд тіян пӧвстысь некодӧс эгӧ кӧсйӧй сьӧктӧдны.

Колосӧ 4:12

Чолӧм ыстӧ тіян Епафрасныд, Исус Кристослӧн кесйӧг. Кевмысигас сійӧ пыр тышын тіян вӧсна, мед эськӧ ті век сулалінныд зумыда да быдторйын тӧдінныд Енлысь кӧсйӧмсӧ.

Филипӧ 2:16

Кутчысьӧй олӧмыслӧн кывйӧ, сэки Кристослӧн лунӧ ме верма ошйысьны, мый эг весьшӧрӧ уджав да мырсьы тіян пӧвстын.

1 Коринфӧ 12:11

Ставсӧ тайӧс вӧчӧ ӧти Лов. Ас кӧсйӧм сертиыс Сійӧ быдӧнлы торйӧн юклӧ тайӧ сетӧмторъяссӧ.

Римӧ 15:20

Мед эз ло вӧчӧма мукӧдлӧн подув вылын, ме зіли висьтавны Бур Юӧрсӧ сэні, кӧні Кристос нимсӧ эз на кывлыны.

Восьтӧм 2:3

Тэ уна нуин сьӧкыдсӧ, но сулалан зумыда. Менам ним вӧсна тэ ёна уджалін, но эн лигышмун.

2 Тимофейлы 2:10

Та вӧсна ме муна став сьӧкыд пырыс. Вӧча тайӧс Енлӧн бӧрйӧмаяс вӧсна, медым найӧ тшӧтш босьтісны Исус Кристоссянь мездмӧмсӧ да помасьлытӧм дзирдлунсӧ.

Филипӧ 1:30

да ме моз вермасьны. Ті аддзылінныд, кыдзи ме водзынсӧ вермаси да ӧнӧдз на вермася. Тайӧс ті тӧданныд.

Филипӧ 1:27

Сӧмын олӧй шогмана ногӧн, Кристослӧн Евангелльӧыс серти. Ме ог тӧд, верма-ӧ локны тіян дінӧ али ог вермы, аддза-ӧ тіянӧс али ог аддзы, но кӧсъя кывны, мый ті оланныд ӧти лолӧн да ӧтвылысь тышкасянныд Бур Юӧрӧ эскӧм вӧснаныд.

Ефесӧ 3:20

Ошкӧм Енлы! Аслас вынӧн Сійӧ уджалӧ миян пытшкын да вӧчӧ ёна унджык миян корӧм да мӧвпалӧм дорысь.

2 Коринфӧ 13:3

Ті кӧсъянныд тӧдны, збыльысь-ӧ Кристос сёрнитӧ ме пыр. Сійӧ абу вынтӧм тіян водзын, Ассьыс вынсӧ Сійӧ петкӧдлӧ тіян пӧвстын.

2 Коринфӧ 11:23

Кристослӧн кесъялысьяс? Гашкӧ, менӧ лыддянныд дзик йӧйӧн, но висьтала тіянлы: ме кесъялі Кристослы наысь ёнджыка на. Уджалі ныр вылӧ усьтӧдз, менӧ ёна нӧйтлісны, на дорысь унджыкысь вӧлі дзескыдінын, унаысь куланвыйын.

2 Коринфӧ 6:5

кор миянӧс нӧйтӧны, пуксьӧдӧны дзескыдінӧ, вӧтлӧны, кор ми уджалам ныр вылӧ усьтӧдз, видзалам, коллялам узьтӧм войяс.

2 Коринфӧ 5:9

Та вӧсна, олам-ӧ Сы дінын али огӧ на, сьӧлӧмсянь зілям шогмыны Господьлы.

1 Коринфӧ 12:6

Вӧчанногыс унапӧлӧс, но быдӧн пытшкын ставсӧ вӧчӧ ӧти Ен.

Римӧ 15:30

Вокъяс, миян Господь Исус Кристос нимӧн да Вежа Ловсянь муслунӧн кора тіянӧс: ӧтвывтчӧй менам тышъясӧ да кевмысьӧй ме вӧсна Енмыслы,

Лука 13:24

«Став вынтӧ пуктӧй, медым пырны векньыд ӧдзӧсӧд. Висьтала тіянлы: унаӧн зілясны пырны, сӧмын оз вермыны.

Еврейяслы 12:4

Ті энӧ на вирӧдз тышкасьӧй мыжыслы паныд.

Колосӧ 2:12

Пыртчиганыд тіянӧс гуалӧма да ловзьӧдӧма Кристоскӧд эскӧм пыр. Ті ӧд эскинныд Кристосӧс ловзьӧдысь Енлӧн вынӧ.