Biblia Todo Logo
Bib sou entènèt

- Piblisite -




Колосӧ 1:23 - Коми Библия 2023

23 Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

Gade chapit la Kopi




Колосӧ 1:23
72 Referans Kwoze  

Ми кӧ водзысяньыс моз помӧдз кутам эскыны зумыда, сэки миянлы тшӧтш вичмас Кристослӧн озырлуныс.


Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.


Веськыда олысь эскӧмнас кутас овны, а кежас кӧ Меысь, Меным сійӧ оз шогмы.


Бурсӧ вӧчигӧн огӧ сетчӧй мудзӧмас, ӧд ас кадӧ вундам, огӧ кӧ лэдзӧй кинымӧс.


Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.


да эскӧм пыр Кристос овмӧдчас тіян сьӧлӧмӧ.


Юала: «Найӧ ӧмӧй эз кывлыны?» Кывлісны, дерт. – Став му пасьталаыс юргӧ налӧн гӧлӧс шыныс, муюгыдыслӧн медылі пельӧсӧдз воӧны налӧн кывъясыс.


Миян олӧмын тайӧ лачаыс зумыд якӧр кодь, сійӧ видзӧ миянӧс да отсалӧ миянлы пырны крамын ӧшалысь дӧра сайӧ, Вежасьыс-вежаинӧ.


Та вӧсна ме эг нин вермы виччысьнысӧ, а мӧдӧді тіян дінӧ Тимофейӧс, медым тӧдмавны тіян эскӧмныд йылысь, эз-ӧ ылӧдлы тіянӧс омӧльыс, эз-ӧ ло весьшӧрӧ миян уджным.


Сійӧ мед югдӧдас тіянлысь сьӧлӧмнытӧ, медым ті гӧгӧрвоинныд, кутшӧм лачаӧ Сійӧ корӧма тіянӧс, кутшӧм ыджыд озырлун вичмӧ вежа войтырлы,


Сійӧ сетіс миянлы сямлун кесъявны Выль Йитӧдлы, мыйӧн веськӧдлӧ Лов, а оз шыпаса Индӧд. Ӧд шыпаса Индӧдыс вайӧ кулӧм, а Лолыс сетӧ олӧм.


Сійӧ кадас Ерусалимын олісны му пасьталаысь локтӧм вежавидзысь иудейяс.


Некутшӧм локтана сьӧкыдысь эн пов. Ӧткымынӧс тіян пиысь омӧльыс йӧршитас дзескыдінӧ, медым тӧдмавны тіянӧс. Сэки дас лун чӧж ті кутанныд сьӧкыдавны. Но тэ помӧдзыс ло эскана, и Ме сета тэныд Олӧмыслысь юркытш!


Енмыс пуктіс менӧ кесъявны вичкоыслы, тырвыйӧ юӧртны тіянлы Енлысь кывсӧ.


Коді оз ло Ме пытшкын, увйӧс моз сійӧс шыбитасны ортсӧ, кӧні сійӧ косьмас. А косьмӧм увъястӧ чукӧртӧны да шыбитӧны биӧ.


Но Ме кевмыси тэ вӧсна, медым эскӧмыд эз быр. Кор тэ бергӧдчан бӧр, ёнмӧд вокъястӧ».


Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача


Миян эм ыджыд Аркирей – Исус, Енлӧн Пи, коді муніс став енэжыс пыр. Сідзкӧ, зумыда кутчысям эскӧмас.


Быдмӧй-сӧвмӧй Сы пытшкӧ вужъясьӧмӧн, ёнмӧй эскӧмас, кыдзи тіянӧс велӧдӧма. Сьӧлӧмныд мед век вӧлі тыр аттьӧалӧмнас.


Ті бура мунінныд. Но коді тіянӧс падмӧдіс, мый дугдінныд кывзысьны збыльыслысь?


Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.


Сэсся шуис налы: «Мунӧй став муюгыд пасьтала да висьталӧй Евангелльӧсӧ ставныслы.


бырӧда найӧс, кодъяс кежисны Меысь, оз корсьны Менӧ, оз кӧсйыны аддзыны Менӧ, Господьӧс.


Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.


Талунсянь енэжувса войтыръяс пӧвстын Ме понда кӧдзны полӧм-тіралӧм. Кодъяс кыласны тіян йылысь, повзясны тіянысь да весьӧпӧрасны”.


Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.


Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.


медым Сылӧн буралӧмсянь ми лоим веськыдӧсь да миянлы вичмис помтӧм олӧм. Тайӧ и эм миян лачаным.


Та йылысь юӧртны сувтӧдіс менӧ Ен. Сійӧ индіс менӧ апостолӧн да ентӧдӧмъясӧс збыляс-эскӧмас велӧдысьӧн. Кристос водзын збыль висьтала, ог пӧръясь.


Ме аттьӧала миянлысь Господь Исус Кристосӧс, ӧд Сійӧ ёнмӧдіс менӧ да лыддис менӧ шогманаӧн кесъявны Сылы.


Ен Батьнымлы ми ёна мусаӧсь. Буралӧмыс вӧсна Сійӧ сетіс миянлы пыр кежлӧ бурӧдӧм да зумыд лача. Ачыс Исус Кристос Господьным да Ен Батьным


А ми – луныслӧн ныв-пи. Сідзкӧ, кутам овны садь вежӧрӧн. Пасьталам ас выланым муслуныслысь да эскӧмыслысь кӧрт кышӧдсӧ, а юртупкӧд пыдди босьтам мездмӧм вылӧ лачасӧ.


медым сьӧкыдсӧ нуигӧн тіян пӧвстысь некод эз усь. Ті ӧд асьныд тӧданныд, мый миянлы ковмас нуны сьӧкыдсӧ.


Сійӧ йитӧ вир-яйлысь став юкӧнсӧ ӧтиӧ, тадзи артмӧ ӧти вир-яй. А юкӧнъясыс топыда йитчӧмаӧсь ӧта-мӧдныскӧд, и быд юкӧн вӧчӧ ассьыс удж. Тадзи муслуныс отсӧгӧн ставнас вир-яйыс быдмӧ-сӧвмӧ.


Сійӧ йитӧ Аснас став тэчассӧ, тадзи тэчасыс кыптӧ да лоӧ Господьлӧн вежа крамӧн.


Но миянлы Енлӧн Лолыс сетіс лача, мый ми эскӧм пыр воам веськыдлунас.


Пола тіян вӧсна – буракӧ, менам весьшӧрӧ мырсьӧма-уджалӧма.


Кристослӧн кесъялысьяс? Гашкӧ, менӧ лыддянныд дзик йӧйӧн, но висьтала тіянлы: ме кесъялі Кристослы наысь ёнджыка на. Уджалі ныр вылӧ усьтӧдз, менӧ ёна нӧйтлісны, на дорысь унджыкысь вӧлі дзескыдінын, унаысь куланвыйын.


Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.


Коді нӧ Павелыс? Коді Аполосыс? Найӧ сӧмын кесъялысьяс, кодъяс пыр ті эскинныд Кристослы. На пиысь быдӧн Господьсянь сетӧм удж вӧчис.


кесъявны Исус Кристослы ентӧдтӧмъяс пӧвстын. Менӧ сувтӧдӧма вӧчны вежа удж: висьтавны Енлысь Бур Юӧрсӧ да вайны ентӧдтӧмъясӧс Ен водзӧ шогмана да Вежа Лолӧн вежӧдӧм вись пыдди.


А лачаыс миян абу весьшӧрӧ, ӧд Ен сетӧма миянлы Вежа Ловсӧ да Сы пыр кисьтӧма сьӧлӧманым Ассьыс муслунсӧ.


Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.


Ӧні чеччы да сувт кок вылад. Ме петкӧдчи тэныд, мед тэ кесъялін Меным да висьталін, мый тэ аддзылін да мый Ме восьта на тэныд.


Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.


Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.


да абу сетӧма йӧзлы енэж улас мӧд нимсӧ, код пыр миянлы позьӧ мездмыны».


медым сійӧ тшӧтш кутас кесъявны да апостолавны. Иуда кежис таысь да муніс сэтчӧ, кӧні сылы колӧ лонысӧ».


Иуда вӧлі миян пӧвстысь, сійӧс миянӧс моз тшӧтш вӧлі бӧрйӧма кесъявны.


Сійӧ керка лэптысь кодь, коді джуджыда кодйысяс да пуктас керка подувсӧ из вылӧ. Ытва дырйи ойдӧм ваыс оз вермы вӧрзьӧдны тайӧ керкасӧ, сійӧс ӧд из вылӧ лэптӧма.


Веськыда олысь кӧ кежас аслас веськыдлунысь да пондас лёксӧ вӧчны, сійӧ кулас аслас лёк вӧчӧм вӧсна.


Вӧтӧд найӧс Аслад скӧрлунӧн, бырӧд найӧс енэж увсьыс, Господьӧй!


Синва сорӧн кӧдзысьяс пондасны вундыны нимкодьпырысь.


Аслас буралӧмыс кузя Енмыс сетіс миянлы тайӧ кесъялӧмсӧ, та вӧсна ми огӧ ӧшӧдӧй юрнымӧс.


Но кор лэччас тіян вылӧ Вежа Лов, тіянлы лоӧ сетӧма вын. Сэки понданныд висьтавлыны Ме йылысь Ерусалимын, став Иудеяын, Самарияын да став му пасьталаыс».


Ӧткымынӧн ме йылысь шуӧны, мый ме, Павел, на дінын рам, а кор ылын наысь, сэки ме чорыд накӧд. Но ме шыася тіян дінӧ Кристос бурлунӧн да мелілунӧн.


Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.


Swiv nou:

Piblisite


Piblisite