Иуда 1:6 - Коми Библия 2023

⁶ Анделъясӧс, кодъяс эз донъявны ассьыныс ыджыдалан вынсӧ да эновтісны енэжвывса оланінсӧ, Господь пыр кежлӧ дорис чептӧн да видзӧ сап пемыдас ыджыд мыждан лун кежлӧ.

Иуда 1:6 Referans Kwoze

2 Петыр 2:4

Мыжӧ усьӧм анделъясӧс Енмыс эз видз, а шыбитіс пемыд адӧ да дорис мыждан лунӧдз.

Ефесӧ 6:12

Ӧд миян тышыс абу мортлы паныд, ми тышкасям енэжувса юралысь-ыджыдалысь пеж ловъяскӧд да тайӧ мувывса пемыд олӧмнас веськӧдлысь ловъяскӧд.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 8:29

«Мый Тэныд миянсянь колӧ, Исус, Ен Пи? Мыйла кадысь водз Тэ локтін песны миянӧс?» – горзісны найӧ.

2 Петыр 2:9

Господь тӧдӧ, кыдзи мездыны вежавидзысьӧс сьӧкыдалӧмсьыс, а лёк вӧчысьӧс Сійӧ видзӧ, медым мыждан лунӧ сійӧс чорыда мыждыны.

Еврейяслы 10:27

Сӧмын ыджыд полӧмӧн ковмас виччысьны мыждӧмсӧ да яр бисӧ, мый бырӧдас Енлы паныд кыпӧдчысьясӧс.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

Восьтӧм 20:10

Сэки омӧльӧс, коді ылӧдліс найӧс, лоӧ шыбитӧма биӧн да тэгйӧн сотчысь тыӧ. Сэтчӧ вӧлі шыбитӧма тшӧтш зверӧс да ылӧгпророкӧс. Найӧ кутасны мучитчыны лун и вой, нэмъяс чӧж.

Матвей 10:15

Веськыда висьтала тіянлы: мыждан лунӧ Содом да Гомора каръяслы лоас кокньыдджык сійӧ карыслы дорысь.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Иуда 1:13

Найӧ – саридзвывса гыяс, кодъяс лёкысь быгзьӧны асланыс янӧдан уджъясӧн. Найӧ – вошласьысь кодзувъяс, кодъяслы век кежлӧ дасьтӧма сап пемыдсӧ.

Восьтӧм 20:2

Сійӧ тшапнитіс гундырӧс, важ змейӧс, да дорис сійӧс сюрс во кежлӧ. Тайӧ гундырыс – омӧль да сӧтана.